269 376 بالا قۇقى قورعالدى

باس پروكۋرور اسحات داۋىلباەۆ پەن بالا قۇقىقتارى جونىندەگى ۋاكىل زاعيپا باليەۆا كامەلەتكە تولماعانداردىڭ قۇقىقتارىن قورعاۋ ماسەلەلەرى بو­يىن­شا ءوزارا ىنتىماقتاستىق تۋرالى مەموراندۋمعا قول قويدى. ا.داۋىلباەۆ بالالاردىڭ اماندىعىن جانە قورعالۋىن قامتاماسىز ەتۋ مەملەكەتتىڭ نەگىزگى ۇلتتىق باسىمدىقتارىنىڭ ءبىرى بولىپ تابىلاتىنىن اتاپ كورسەتتى. سونداي-اق, باس پروكۋرور بالا قۇقىقتارى جونىندەگى ۋاكىل ينستيتۋتىن قۇرۋ بالالاردىڭ ءسوزسىز قورعالۋى كەرەكتىگى تۋرالى كونستيتۋتسيالىق نورمانى جۇزەگە اسىرۋدىڭ كەزەكتى ءبىر قاجەتتى قادامى بولدى, دەدى. مەموراندۋم اياسىندا تاراپتار بالالاردىڭ قۇقىقتارى مەن مۇددەلەرىن قورعاۋ سالاسىنداعى كوكەيكەستى ماسەلەلەردى قاراۋعا, انىقتاۋعا جانە ولاردى شەشۋ جولىنداعى كەشەندى شارالاردى قابىلداۋعا باعىتتالعان كۇش-جىگەردى بىرىكتىرۋگە نيەتتى ەكەندىكتەرىن ءبىلدىردى. قۇجاتتىڭ نەگىزگى ماقساتى ءىس-ارەكەتتىڭ اشىقتىعى جانە تيىمدىلىگى قاعيدالارى نەگىزىندە بالالار قۇقىقتارىنىڭ كەپىلدىگى مەن زاڭدى مۇددەلەرىن قامتاماسىز ەتۋ, ولاردىڭ بۇزىلعان قۇقىقتارى مەن بوس­تاندىقتارىن قالپىنا كەلتىرۋ بويىنشا ءبىر­لەسكەن جانە كەلىسىلگەن ارەكەتتەر جاساۋ بولىپ تابىلادى. اتقارىلعان جۇمىستاردىڭ تيىمدىلىگىن ارتتىرۋ جونىندەگى ورتاق ۇسىنىستاردى جۇزەگە اسىرۋ ءۇشىن تاراپتار ءوزارا ءىس-قيمىلدىڭ ءارتۇرلى فورمالارىن پايدالانۋعا, اقپاراتپەن تۇراقتى الماسۋدى جولعا قويۋعا كەلىستى. اتاپ ايتقاندا, كامەلەتكە تولماعانداردىڭ قۇقىقتارى مەن زاڭدى مۇددەلەرىن قوزعايتىن زاڭنامانى تالداۋ جانە ولاردى جەتىلدىرۋ بويىنشا ۇسىنىستار ەنگىزۋ, بالالاردىڭ قۇقىقتارىن قورعاۋ سالاسىنداعى اقپاراتپەن تۇراقتى الماسۋ, ازاماتتىق قوعام وكىلدەرىمەن بايلانىستى كەڭەيتۋ باعىتتارىندا ىسكە اسىرۋ جوسپارلانۋدا. سونداي-اق, باس پروكۋرور كامەلەتكە تولماعانداردىڭ قۇقىقتارىن قورعاۋ پروكۋراتۋرا قىزمەتىنىڭ باسىم باعىتتارىنىڭ ءبىرى بولىپ تابىلاتىنىن اتاپ كورسەتتى. 2015 جىلى كامەلەتكە تولماعاندار تۋرالى زاڭنامانىڭ قولدانىلۋىن قاداعالاۋ سالاسىندا 2 278 تەك­سەرىس جۇرگىزىلدى, 91 614 زاڭ بۇزۋشىلىق انىق­تالدى. پروكۋرورلىق قاداعالاۋ شارالارىمەن 8 302 ادام تارتىپتىك, 2 707 اكىمشىلىك, 323 ماتەريالدىق جاۋاپكەرشىلىككە تارتىلدى, 54 قىل­مىستىق قۇقىق بۇزۋشىلىق بويىنشا سوتقا دەيىنگى تەرگەۋ باستالدى. 269376 كامەلەتكە تول­ما­عانداردىڭ كونستيتۋتسيالىق قۇقىقتارى قور­عالدى, دەپ حابارلادى باس پروكۋراتۋرانىڭ ءباسپاسوز قىزمەتى.