حاميد كارزاي: قازاقستان باسشىسىنىڭ بىتىمگەرشىلىك قادامدارىن قولداۋ قاجەت

استاناداعى اقپارات ماسەلەسىنە ارنالعان القالى جيىن قوناقتارى اراسىندا بىزگە اۋعانستاننىڭ ەكس-پرەزيدەنتى حاميد كارزايدىڭ مارتەبەسى باسقالاردان گورى بيىكتەۋ كورىندى. الەمنىڭ ءار شالعايىنا جەدەل حابار جەتكىزۋگە اسىققان ارىپتەستەرىمىز دە وسىناۋ ورنى بولەك تۇلعانى كوبىرەك توڭىرەكتەدى. سونى سەزگەن فورۋم ۇيىمداستىرۋشىلارى ونى ورتامىزعا اكەلىپ, شاعىن بريفينگ وتكىزدى. تالايدى كورگەن تارلانبوز جان-جاقتان سۇراق جاۋدىرعان جۋرناليستەر الدىندا ءوزىن ەركىن ۇستادى. جاۋابىن بەرۋ قيىنداۋ سوعاتىن ماسەلەلەردىڭ قيسىنىن تاۋىپ تىگىسىن جاتقىزىپ جىبەرگەنىنە ەرىكسىز سۇيسىندىك. اتتەڭ, اعىلشىن ءتىلىن بىلمەگەندىكتەن اڭگىمەسىنە تەرەڭ بويلاي المادىق. اۋدارماشى ازاماتتىڭ تاق-تۇعىنا قاناعاتتانىڭقىراماي قالدىق. ايتا كەتەرلىك ءبىر جايت, بليتس-سۇحبات بارىسىندا وزبەكستاندىق جانە تاجىك­ستاندىق باق وكىلدەرى بارىنشا بەل­سەندىلىك بايقاتتى. بۇل, ارينە, تۇسىنىكتى جاعداي. تەك, شەكارالاس قانا ەمەس, ءتۇبى ءبىر تۋىستاس ەل بولعاندىقتان بۇيرەكتەرى بۇرماي تۇرمايدى. ونىڭ ۇستىنە ءدال ىرگەلەرىندە ەكى كۇننىڭ بىرىندە اتىس-شابىس بولىپ جاتسا الاڭداۋشىلىق بىلدىرمەگەندە قايتەدى, ەندى. اۋعانستانداعى قازىرگى احۋالعا, اينا­لاسىنا قاۋىپ-قاتەر ءتوندىرىپ تۇرعان «تاليبان» مەن دايش-قا قاتىستى دالەلدى دايەكتەرىن العا تارتىپ, وتانىن­داعى وقيعالارعا بايلانىستى «باس جاققا بارىسپاي» بايىپتى پىكىر بىلدىرگەن سارابدال ساياساتكەردىڭ قازاقستان جايىن­داعى ايتقاندارى قۇلاعىمىزعا مايداي جاققانىن جاسىرمايمىز. – قازاقستاننىڭ ۇزاققا سوزىلعان سوعىستاردان ابدەن كۇيرەپ, كۇيزەلگەن اۋعانستانعا كەيىنگى ون بەس جىلدا كورسەت­كەن كومەگىن ەشقاشان ۇمىتپايمىز. ءبىر مىڭعا تارتا ستۋدەنتتەرىمىزگە گرانت ءبولىپ, ءبىلىم بەرىپ جاتقانىن كەشەگى ءماجى­لىستە شىنايى العىس سەزىممەن اتاپ وتكەنىم بارشاڭىزعا بەلگىلى. ال سىزدەردىڭ پرەزيدەنتتەرىڭىز نۇرسۇلتان نازارباەۆتىڭ سوعىسسىز الەم قۇرۋعا باعىتتالعان بىتىمگەرشىلىك قادامدارىن بۇكىل دۇنيەجۇزى قىزۋ قولداۋى ءتيىس. قازاقستان – ساليقالى ساياسات سالتانات قۇرعان, كوپۇلتتى حالقى تاتۋ-ءتاتتى ءتىرشى­لىك كەشىپ جاتقان تىنىشتىق مەكەنى. مۇن­داي ىنتىماقتى ەلدىڭ ىرىسى ەشقا­شان ورتايمايدى, – دەدى ح.كارزاي. ءيا, ەۋرازيا كىندىگىندەگى ەگەمەن ەلىمىزدىڭ مەرەيى ءاردايىم ۇستەم بولا بەرگەي! استاناداعى اقپارات ماسەلەسىنە ارنالعان القالى جيىن قوناقتارى اراسىندا بىزگە اۋعانستاننىڭ ەكس-پرەزيدەنتى حاميد كارزايدىڭ مارتەبەسى باسقالاردان گورى بيىكتەۋ كورىندى. الەمنىڭ ءار شالعايىنا جەدەل حابار جەتكىزۋگە اسىققان ارىپتەستەرىمىز دە وسىناۋ ورنى بولەك تۇلعانى كوبىرەك توڭىرەكتەدى. سونى سەزگەن فورۋم ۇيىمداستىرۋشىلارى ونى ورتامىزعا اكەلىپ, شاعىن بريفينگ وتكىزدى. تالايدى كورگەن تارلانبوز جان-جاقتان سۇراق جاۋدىرعان جۋرناليستەر الدىندا ءوزىن ەركىن ۇستادى. جاۋابىن بەرۋ قيىنداۋ سوعاتىن ماسەلەلەردىڭ قيسىنىن تاۋىپ تىگىسىن جاتقىزىپ جىبەرگەنىنە ەرىكسىز سۇيسىندىك. اتتەڭ, اعىلشىن ءتىلىن بىلمەگەندىكتەن اڭگىمەسىنە تەرەڭ بويلاي المادىق. اۋدارماشى ازاماتتىڭ تاق-تۇعىنا قاناعاتتانىڭقىراماي قالدىق. ايتا كەتەرلىك ءبىر جايت, بليتس-سۇحبات بارىسىندا وزبەكستاندىق جانە تاجىك­ستاندىق باق وكىلدەرى بارىنشا بەل­سەندىلىك بايقاتتى. بۇل, ارينە, تۇسىنىكتى جاعداي. تەك, شەكارالاس قانا ەمەس, ءتۇبى ءبىر تۋىستاس ەل بولعاندىقتان بۇيرەكتەرى بۇرماي تۇرمايدى. ونىڭ ۇستىنە ءدال ىرگەلەرىندە ەكى كۇننىڭ بىرىندە اتىس-شابىس بولىپ جاتسا الاڭداۋشىلىق بىلدىرمەگەندە قايتەدى, ەندى. اۋعانستانداعى قازىرگى احۋالعا, اينا­لاسىنا قاۋىپ-قاتەر ءتوندىرىپ تۇرعان «تاليبان» مەن دايش-قا قاتىستى دالەلدى دايەكتەرىن العا تارتىپ, وتانىن­داعى وقيعالارعا بايلانىستى «باس جاققا بارىسپاي» بايىپتى پىكىر بىلدىرگەن سارابدال ساياساتكەردىڭ قازاقستان جايىن­داعى ايتقاندارى قۇلاعىمىزعا مايداي جاققانىن جاسىرمايمىز. – قازاقستاننىڭ ۇزاققا سوزىلعان سوعىستاردان ابدەن كۇيرەپ, كۇيزەلگەن اۋعانستانعا كەيىنگى ون بەس جىلدا كورسەت­كەن كومەگىن ەشقاشان ۇمىتپايمىز. ءبىر مىڭعا تارتا ستۋدەنتتەرىمىزگە گرانت ءبولىپ, ءبىلىم بەرىپ جاتقانىن كەشەگى ءماجى­لىستە شىنايى العىس سەزىممەن اتاپ وتكەنىم بارشاڭىزعا بەلگىلى. ال سىزدەردىڭ پرەزيدەنتتەرىڭىز نۇرسۇلتان نازارباەۆتىڭ سوعىسسىز الەم قۇرۋعا باعىتتالعان بىتىمگەرشىلىك قادامدارىن بۇكىل دۇنيەجۇزى قىزۋ قولداۋى ءتيىس. قازاقستان – ساليقالى ساياسات سالتانات قۇرعان, كوپۇلتتى حالقى تاتۋ-ءتاتتى ءتىرشى­لىك كەشىپ جاتقان تىنىشتىق مەكەنى. مۇن­داي ىنتىماقتى ەلدىڭ ىرىسى ەشقا­شان ورتايمايدى, – دەدى ح.كارزاي. ءيا, ەۋرازيا كىندىگىندەگى ەگەمەن ەلىمىزدىڭ مەرەيى ءاردايىم ۇستەم بولا بەرگەي!