قازاقستان رەسپۋبليكاسى اۋىل شارۋاشىلىعى مينيسترلىگىنىڭ بۇيرىعى  №4-1-147 

2015 جىلعى 27 اقپان, استانا قالاسى توپىراقتى اگروحيميالىق زەرتتەپ-قاراۋدى جۇرگىزۋ قاعيدالارىن بەكiتۋ تۋرالى «اگروونەركاسىپتىك كەشەندى جانە اۋىلدىق اۋماقتاردى دامىتۋدى مەملەكەتتىك رەتتەۋ تۋرالى» 2005 جىلعى 8 شىلدەدەگى قازاقستان رەسپۋبليكاسى زاڭىنىڭ 6-بابى 1-تارماعىنىڭ 21) تارماقشاسىنا سايكەس بۇيىرامىن: 1. قوسا بەرiلiپ وتىرعان توپىراقتى اگروحيميالىق زەرتتەپ-قاراۋدى جۇرگىزۋ قاعيدالارى بەكiتiلسiن. 2. قازاقستان رەسپۋبليكاسى اۋىل شارۋاشىلىعى مينيسترلىگى وسىمدىك شارۋاشىلىعى ونىمدەرىن ءوندىرۋ مەن قايتا وڭدەۋ جانە فيتوسانيتاريالىق قاۋىپسىزدىك دەپارتامەنتى زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاڭۋعا جىبەرۋدى; 3) وسى بۇيرىقتى قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن. 3. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. ءمينيستردىڭ مىندەتىن اتقارۋشى س.وماروۆ «كەلىسىلدى» قازاقستان رەسپۋبليكاسىنىڭ قارجى ءمينيسترى __________ ب.سۇلتانوۆ 8 ناۋرىز 2015 جىل «كەلىسىلدى» قازاقستان رەسپۋبليكاسىنىڭ ۇلتتىق ەكونوميكا ءمينيسترى __________ ە.دوساەۆ 10 ناۋرىز 2015 جىل قازاقستان رەسپۋبليكاسى اۋىل شارۋاشىلىعى ءمينيسترىنىڭ مىندەتىن اتقارۋشىسىنىڭ 2015 جىلعى 27 اقپانداعى №4-1/147 بۇيرىعىمەن بەكىتىلگەن توپىراقتى اگروحيميالىق زەرتتەپ-قاراۋدى جۇرگىزۋ قاعيدالارى 1. جالپى ەرەجەلەر 1. وسى توپىراقتى اگروحيميالىق زەرتتەپ-قاراۋدى جۇرگىزۋ قاعيدالارى (بۇدان ءارى – قاعيدالار) «اگروونەركاسىپتىك كەشەندى جانە اۋىلدىق اۋماقتاردى دامىتۋدى مەملەكەتتىك رەتتەۋ تۋرالى» 2005 جىلعى 8 شىلدەدەگى قازاقستان رەسپۋبليكاسى زاڭىنىڭ 6-بابى 1-تارماعىنىڭ 21) تارماقشاسىنا سايكەس ازىرلەندى جانە قازاقستان رەسپۋبليكاسىنىڭ ۇكىمەتى ايقىنداعان اۋىل شارۋاشىلىعى وندىرىسىنە اگروحيميالىق قىزمەت كورسەتۋ سالاسىنداعى مەملەكەتتىك مەكەمەنىڭ (بۇدان ءارى – مەملەكەتتىك مەكەمە) ەگىستىك توپىراعىن اگروحيميالىق زەرتتەپ-قاراۋدى جۇرگىزۋ ءتارتىبىن ايقىندايدى. 2. وسى قاعيدالاردا مىناداي تەرميندەر پايدالانىلادى: 1) اگروحيميالىق زەرتتەپ-قاراۋ – توپىراقتاعى وسىمدىكتەردى مينەرالدىق قورەكتەندىرۋ ەلەمەنتتەرى, قاراشىرىك, تۇز رەجيمىنىڭ رن, ميكروەلەمەنتتەر قۇرامىن ايقىنداۋ; 2) اگروحيميالىق كارتوگرامما – توپىراقتىڭ وسىمدىكتەر ءۇشىن ءسىڭىمدى قورەكتىك ەلەمەنتتەر – قاراشىرىكپەن, ميكرو- جانە ماكروەلەمەنتتەرمەن قامتاماسىز ەتىلۋى دارەجەسىن ءتۇرلى-ءتۇستى كورىنىستە كورسەتەتىن كارتا; 3) اگروحيميالىق زەرتتەپ-قاراۋدىڭ كەزەڭدىلىگى – اگروحيميالىق زەرتتەپ-قاراۋ اراسىنداعى ۋاقىتشا كەزەڭ; 4) اسەر ەتۋشى زات – قورەكتىك ەلەمەنتتىڭ اتاۋى جانە ونىڭ اگروحيميكاتتاعى پايىزبەن كورسەتىلگەن قۇرامى; 5) بىرىككەن سىناما (ۇلگى) – ەلەمەنتارلىق ۋچاسكە شەگىندە ىرىكتەپ الىنعان جەكە (ناقتىلانعان) سىنامالاردىڭ قوسپاسى; 6) گەواقپاراتتىق جۇيە – ساندىق كارتوگرافيالىق جانە ماتىندىك اقپاراتتى پايدالانا وتىرىپ, دەرەكتەردى جيناۋعا, وڭدەۋگە, تالداۋعا, ۇلگىلەۋگە جانە كورسەتۋگە, سونداي-اق اقپاراتتىق جانە ەسەپتىك مىندەتتەردى شەشۋگە ارنالعان اۆتوماتتاندىرىلعان جۇيە; 7) ەگiستiك – جۇيەلi تۇردە وڭدەلەتiن جانە كوپ جىلدىق شوپتەردiڭ ەگiستiگiن قوسا العاندا, اۋىل شارۋاشىلىعى داقىلدارىنىڭ ەگiستiگiنە پايدالانىلاتىن جەر ۋچاسكەلەرi, سونداي-اق ءسۇرi جەر. الدىن الا ەگiلەتiن داقىلداردىڭ ەگiستiگi ورنالاسقان ء(ۇش جىلدان اسپايتىن ۋاقىت ىشىڭدە), تۇبەگەيلi جاقسارتۋ ماقساتىندا جىرتىلعان شابىندىقتار مەن جايىلىمداردىڭ جەر ۋچاسكەلەرi, سونداي-اق باقتاردىڭ ەگiسكە پايدالانىلاتىن قاتار ارالىعى ەگiستiككە جاتپايدى; 8) جەر ۋچاسكەسى – تۇيىق شەكارالاردا بولىنگەن, 2007 جىلعى 6 شىلدەدەگى جەر كودەكسىمەن بەلگىلەنگەن تارتىپپەن جەر قاتىناستارى سۋبەكتىلەرىنە بەكىتىلىپ بەرىلگەن جەر بولىگى; 9) جەردى پايدالانۋ جوسپارى – جەردى پايدالانۋدىڭ كەڭىستىكتەگى جاعدايى مەن مولشەرى تۋرالى كورنەكى تۇسىنىك بەرەتىن, جەرلەردىڭ قۇرامى مەن القابى تۋرالى اقپاراتتى قامتيتىن جەردى پايدالانۋعا ارنالعان كارتوگرافيالىق قۇجات; 10) جيىنتىق تالداۋ ۆەدوموستى – توپىراقتاعى ماكرو- جانە ميكروەلەمەنتتەر قۇرامىنا جۇرگىزىلگەن حيميالىق تالداۋلار ناتيجەلەرىنەن تۇراتىن اگروحيميالىق كورسەتكىشتەردىڭ ەسەپتىك قۇجاتى; 11) جۇمىس ۋچاسكەسى – رەلەفتەر (سۋايرىق, بەتكەي, بەتكەيدىڭ تومەندەۋى, جايىلما القاپ) بويىنشا بەلگىلى ءبىر ورىن الاتىن جانە جەرگە ورنالاستىرۋ جۇمىستارىن جۇرگىزۋ كەزىندە شارۋاشىلىق ىشىلىك جەرگە ورنالاستىرۋ جوسپارىندا بولىنەتىن, ەگىستىكتەردىڭ جەكە وڭدەلەتىن الانىنىڭ بولىگى; 12) جىرتىلاتىن قابات – توپىراقتىڭ ۇدايى مەحانيكالىق وڭدەۋگە ۇشىرايتىن قاباتى; 13) قاراشىرىك – وسىمدىكتەر مەن جانۋارلار قالدىقتارىنىڭ بيوحيميالىق وزگەرۋى ناتيجەسىندە پايدا بولاتىن, توپىراقتىڭ ورگانيكالىق, ادەتتە قارا ءتۇستى بولىگى; 14) قويتاستانۋ – توپىراقتا قويتاستاردىڭ (تاستاردىڭ) بولۋى; 15) ميكروەلەمەنتتەر – توپىراقتا, وسىمدىكتەردە جانە ءتىرى ورگانيزمدەردە ماردىمسىز مولشەردە بولاتىن حيميالىق ەلەمەنتتەر; 16) وزەن القابى – وزەن الابىنىڭ ۇزاق ۋاقىت بويى سۋ استىندا قالاتىن بولىگى; 17) پاسپورتتىق ۆەدوموست – ءاربىر تاناپتىڭ ەگجەي-تەگجەيلى توپىراقتىڭ-اگروحيميالىق جانە اگرونوميالىق سيپاتتاماسىن قامتيتىن قۇجات; 18) سۋارمالى جەرلەر – اۋىل شارۋاشىلىعى داقىلدارى سۋارمالى جاعدايدا وسىرىلەتىن جەرلەر; 19) ءتالىمى جەرلەر – اۋىل شارۋاشىلىعى داقىلدارى سۋارىلماي وسىرىلەتىن جەرلەر; 20) توپىراق – سۋدىڭ, اۋانىڭ جانە ورگانيزمدەردىڭ بىرلەسكەن اسەرىنەن ليتوسفەرانىڭ جوعارى قاباتتارىنىڭ وزگەرۋى ناتيجەسىندە تۋىندايتىن, گەنەتيكالىق بايلانىستى قاباتتاردان تۇراتىن (توپىراق ءپىشىنىن قۇرايدى), ءتىرى جانە ءتىرى ەمەس تابيعاتقا ءتان بىرقاتار قاسيەتتەرى بار ەرەكشە تابيعي قۇرىلىم; 21) توپىراق كەشەنى – ۇزبەي قايتالانىپ, ءبىرىن-ءبىرى بىرنەشە مەتردەن كەيىن الماستىرىپ وتىراتىن, ءارتۇرلى توپىراقتىڭ كەزەكتەسەتىن ۇساق ۋچاسكەلەرىنەن تۇراتىن تەڭبىل توپىراق جامىلعىسى; 22) توپىراق قۇنارلىلىعى – توپىراقتىڭ وسىمدىكتەردى ءسىڭىمدى قورەكتىك زاتتارمەن, ىلعالمەن قامتاماسىز ەتۋ جانە ءونىم بەرۋ قابىلەتى; 23) توپىراق سىناماسى – زەرتحانالىق زەرتتەۋ ءۇشىن ىرىكتەپ الىنعان توپىراق ماتەريالىنىڭ سىناماسى; 24) توپىراقتىڭ سورتاندانۋى – توپىراقتا تۇزدار شوعىرىنىڭ ارتۋى, ول ناتيجەسىندە وسىمدىكتەردىڭ ءوسۋىن مۇمكىن ەمەس ەتەدى; 25) توپىراقتىڭ ەروزياعا ۇشىراۋى – توپىراقتىڭ جوعارى قاباتىنىڭ بۇزىلۋى, شايىلۋى جانە جەلمەن ۇشۋى; 26) چەك – كۇرىش وسىرۋگە ارنالعان تاناپ ۋچاسكەسى; 27) ەلەمەنتارلىق ۋچاسكە – ءبىر بىرىككەن سىنامامەن سيپاتتالاتىن ەگىستىگىنىڭ الاڭى. 2. توپىراقتى اگروحيميالىق زەرتتەپ-قاراۋدى جۇرگىزۋ ءتارتىبى 3. توپىراقتى اگروحيميالىق زەرتتەپ-قاراۋ ەگىستىك توپىراعىنىڭ قۇنارلىلىعى كورسەتكىشتەرىن ايقىنداۋ ءۇشىن جۇرگىزىلەدى. 4. توپىراق قۇنارلىلىعى كورسەتكىشتەرىنە: 1) قاراشىرىك; 4) جەڭىل ىدىرايتىن, ءسىلتىلى ىدىرايتىن جانە نيتراتتى ازوت; 2) جىلجىمالى فوسفور; 5) تۇز رەجيمىنىڭ رن; 3) اۋىسپالى كالي; 6) ميكروەلەمەنتتەردىڭ (مارگانەتس, مىرىش, مىس, كوبالت, موليبدەن, كۇكىرت, بور, نيكەل, تەمىر, حروم) جىلجىمالى قوسپالارى; 7) سۋ سىعىندىسىنىڭ كاتيوندىق-انيوندىق قۇرامىنىڭ بولۋى جاتادى. 5. توپىراقتى اگروحيميالىق زەرتتەپ-قاراۋدى جۇرگىزۋ كەزىندە قازاقستان رەسپۋبليكاسىنىڭ اۋماعى كۇردەلىلىك دارەجەسىنە قاراي مىناداي ساناتتارعا بولىنەدى: ءبىرىنشى سانات: زەرتتەپ-قارالاتىن القاپتا ون پايىزدان اسپايتىن توپىراق كەشەنى بولعان كەزدە رەلەفى جازىق, ءالسىز بولشەكتەلگەن جانە بىركەلكى توپىراق جامىلعىسى بار دالالىق جانە شولەيتتىك ايماق اۋداندارى; ەكىنشى سانات: 1) زەرتتەپ-قارالاتىن القاپتا ون پايىزدان اسپايتىن توپىراق كەشەنى بولعان كەزدە رەلەفى جاي كولبەۋ بەتكەيلى, كەڭ سايارالىق كەڭىستىكتەرگە بولشەكتەلگەن بىركەلكى توپىراق جامىلعىسى بار ورماندى دالالىق, دالالىق جانە شولەيتتىك ايماق اۋداندارى; 2) توپىراق كەشەندەرى نەمەسە توپىراعى ەروزياعا ۇشىراعان القاپتار وننان جيىرما پايىزعا دەيىنگى ءبىرىنشى ساناتتى اۋداندار; ءۇشىنشى سانات: 1) رەلەفى جاي ويلى-قىرلى, قۇلديلىلىعى جانە ۇزىندىلىعى ءار ءتۇرلى بەتكەيلى كەڭ سايارالىق اۋماقتارعا بولشەكتەلگەن بىركەلكى ەمەس توپىراق جامىلعىسى بار ورماندى دالالىق جانە دالالىق ايماق اۋداندارى; 2) توپىراق كەشەندەرى نەمەسە توپىراعى ەروزياعا ۇشىراعان القاپتار جيىرمادان قىرىق پايىزعا دەيىنگى ءبىرىنشى ساناتتى اۋداندار جانە توپىراق كەشەندەرى نەمەسە توپىراعى ەروزياعا ۇشىراعان القاپتار وننان جيىرما پايىزعا دەيىنگى ەكىنشى ساناتتى اۋداندار; 3) ءار ءتۇرلى دارەجەدە قويتاستالعان توپىراق; 4) قايتالاما سورتاڭدالۋ بەلگىلەرى جوق جاقسى كۇيدەگى سۋارمالى جەرلەر; 5) قايتالاما نەمەسە قالدىقتى باتپاقتانۋ بەلگىلەرى جوق جاقسى كۇيدەگى قۇرعاتىلعان جەرلەر; ءتورتىنشى سانات: 1) رەلەفى بولشەكتەلگەن, ءتۇرلى توپىراققۇراۋىش جىنىستى جانە توپىراعىنىڭ جيىرما-قىرىق پايىزى ەروزياعا ۇشىراعان ورماندى دالالىق ايماق اۋداندارى; 2) توپىراعى كۇشتى كەشەندەلگەن جانە ەروزياعا ۇشىراعان, اۋداندار اۋماعىنىڭ قىرىق-الپىس پايىزىن قۇرايتىن دالالىق, شولەيت جانە ءشولدى اۋماقتار; 3) ون بەس پايىزعا دەيىنگى القاپتاعى توپىراعى قايتالاما سورتاڭدالعان سۋارمالى جەرلەر; 4) ون بەس پايىزعا دەيىنگى القابىنىڭ قايتالاما نەمەسە قالدىقتى باتپاقتانۋ بەلگىلەرى بار قۇرعاتىلعان جەرلەر; 5) جيىرما پايىزعا دەيىن سورتاڭدالعان جانە بۇتالانعان القاپتارى بار وزەن القاپتارى, ساعالارى جانە اتىراۋلارىنىڭ توپىراعى; 6) بولشەكتەلگەن اۋماقتار. بەسىنشى سانات: 1) توپىراقتىڭ كەشەندەلۋى مەن ەروزياعا ۇشىراۋى الپىس پايىزدان استام دامىعان دالالىق, شولەيت جانە ءشولدى اۋماقتار; 2) تاۋلار جانە ورماندى تاۋ ەتەكتەرى; 3) كۇردەلى بىركەلكى ەمەس توپىراق جامىلعىسى بار القاپتار, ساعالار جانە اتىراۋلار (توپىراقتىڭ مەحانيكالىق قۇرامى ءتۇرلى, سورتاڭدانعان, القابىنىڭ جيىرما پايىزدان استامى باتپاقتانعان نەمەسە سورتاڭدانعان); 4) ون بەس پايىزدان استام القاپتا قايتالاما سورتاڭدانۋ بەلگىلەرى بار سۋارمالى جەرلەر; 5) ون بەس پايىزدان استام القاپتا قايتالاما نەمەسە قالدىقتى باتپاقتانۋ بەلگىلەرى بار قۇرعاتىلعان جەرلەر. 6. جىرتىلاتىن قاباتتاعى قاراشىرىكتىڭ, جىلجىمالى فوسفوردىڭ, اۋىسپالى كاليدىڭ, جەڭىل ىدىرايتىن, ءسىلتىلى ىدىرايتىن جانە نيتراتتى ازوتتىڭ, تۇز رەجيمىنىڭ رن, ميكروەلەمەنتتەردىڭ (مارگانەتس, مىرىش, مىس, كوبالت, موليبدەن, كۇكىرت, بور, نيكەل, تەمىر, حروم) جىلجىمالى قوسپالارىنىڭ ورتاشا ولشەمدىك قۇرامى كورسەتكىشتەرى مىناداي كەزەندىلىكپەن جۇرگىزىلەتىن توپىراقتى اگروحيميالىق زەرتتەپ-قاراۋ ناتيجەلەرى بويىنشا ايقىندالادى: ءتالىمى جەرلەر ءۇشىن – جەتى جىل; سۋارمالى جەرلەر ءۇشىن – بەس جىل; حيميالىق مەليورانتتار قولداناتىن شارۋاشىلىقتار ءۇشىن – بەس جىل; مەملەكەتتىك سورتتىق ۋچاسكەلەر, تاجىريبيەلىك شارۋاشىلىقتار ءۇشىن – ءۇش جىل. جەر ۋچاسكەلەرىنىڭ مەنشىك يەلەرىنىڭ جانە (نەمەسە) جەر پايدالانۋشىلاردىڭ وتىنىمدەرى بويىنشا قايتالاما زەرتتەپ-قاراۋلار اراسىنداعى مەرزىمدى قىسقارتۋعا جول بەرىلەدى. 7. مەملەكەتتىك مەكەمە جىل سايىنعى زەرتتەپ-قاراۋ جۇرگىزۋدىڭ جۇمىس جوسپارلارىن جاسايدى جانە وبلىستاردىڭ اۋىل شارۋاشىلىعى باسقارماسىمەن كەلىسەدى, ولاردا: 1) زەرتتەپ-قاراۋعا جاتاتىن ەگىستىك الاڭدارىنىڭ كولەمدەرى; 2) وبلىس اۋداندارى بويىنشا جۇمىس جۇرگىزۋدىڭ كەزەكتىلىگى; 3) وسى قاعيدالاردىڭ 6-تارماعىندا كورسەتىلگەن توپىراقتى اگروحيميالىق زەرتتەپ-قاراۋدى جۇرگىزۋ كەزەڭدىلىگى كوزدەلەدى. وبلىس اۋدانىنىڭ, اۋىلدىق وكرۋگتىڭ توپىراعىن اگروحيميالىق زەرتتەپ-قاراۋ ءبىر دالالىق ماۋسىم ىشىندە جۇرگىزىلەدى. مەملەكەتتىك مەكەمە توپىراقتى اگروحيميالىق زەرتتەپ-قاراۋدى بيۋدجەت قاراجاتى ەسەبىنەن, سونداي-اق جەر ۋچاسكەسىنىڭ مەنشىك يەسىنىڭ جانە (نەمەسە) جەر پايدالانۋشىنىڭ ءوتىنىمى بويىنشا – اقىلى نەگىزدە جۇرگىزەدى. 8. بيۋدجەت قاراجاتى ەسەبىنەن توپىراقتى اگروحيميالىق زەرتتەپ-قاراۋدى جۇرگىزەر الدىندا مەملەكەتتىك مەكەمە جەر ۋچاسكەلەرىنىڭ مەنشىك يەلەرىنە جانە (نەمەسە) جەر پايدالانۋشىلارعا وسى قاعيدالارعا 1-قوسىمشاعا سايكەس نىسان بويىنشا توپىراقتى اگروحيميالىق زەرتتەپ-قاراۋ تۋرالى حابارلاما بەرەدى. 9. جەر ۋچاسكەلەرىنىڭ كونتۋرلارى سالىنعان اۋماقتىڭ جەرىن پايدالانۋ جوسپارى توپىراقتى اگروحيميالىق زەرتتەپ-قاراۋدى جۇرگىزۋدىڭ كارتوگرافيالىق نەگىزى بولىپ تابىلادى. 10. توپىراقتى زەرتتەپ-قاراۋدى جۇرگىزۋدى باستار الدىندا مەملەكەتتىك مەكەمەنىڭ قىزمەتكەرى جەر ۋچاسكەسىنىڭ مەنشىك يەسىمەن جانە (نەمەسە) جەر پايدالانۋشىمەن بىرگە ەگىستىكتى بايقاپ قارايدى, توپىراقتىڭ ءتيپى مەن ءتۇرىن ايقىندايدى, كوزبەن قاراپ ناقتىلايدى جانە جەر پايدالانۋ جوسپارىنا جاعدايداعى (جاڭا جولدار, تاناپتار شەكارالارى, وتىرعىزىلعان اعاشتار) وزگەرىستەر ەنگىزەدى, جۇمىس ۋچاسكەلەرىنىڭ سحەماسى مەن ولاردى نومىرلەۋدى كەلىسەدى, جول بويىنداعى جانە فەرمالار ماڭىنداعى ەرەكشە زەرتتەپ-قاراۋ ايماقتارىن, سۋ قورعاۋ ايماقتارىن بولەدى, سوڭعى ءۇش جىل ىشىندەگى اۋىل شارۋاشىلىعى داقىلدارى ەگىستەرىنىڭ ورنالاسۋىن, ولاردىڭ جاعدايىن, لاستانۋ, فيتوۋلىلىق ءبىلىنۋ دەڭگەيىن ناقتىلايدى, تىڭايتقىشتاردىڭ جوعارى مولشەرىمەن جۇيەلى تۇردە تىڭايتىلاتىن تاناپتار مەن وندىرىستىك ۋچاسكەلەردى بولەدى, تاناپتاردىڭ ەروزيالانعانىن, بۇتالانعانىن جانە قويتاستالعانىن بەلگىلەيدى, سۋارمالى جەر بەتىندەگى تۇزدىڭ شوگىندىسىن بەلگىلەيدى. 11. توپىراقتى اگروحيميالىق زەرتتەپ-قاراۋدى جۇرگىزۋ كەزىندە ايقىندالاتىن بارلىق كورسەتكىشتەر بويىنشا وسى قاعيدالارعا 2-قوسىمشاعا سايكەس اگروحيميالىق كارتوگراممالار جاسالادى. اگروحيميالىق كارتوگراممالاردى ازىرلەۋ گەواقپاراتتىق جۇيە كومەگىمەن جۇرگىزىلەدى. دالالىق زەرتتەپ-قاراۋلاردىڭ گرافيكالىق ناتيجەلەرى دالالىق جۇمىس دانالارىنان تسيفرلىق كارتالىق نەگىزگە اۋىستىرىلادى جانە توپىراقتى اگروحيميالىق تالداۋ ناتيجەلەرىمەن بايلانىستىرىلادى. اۋداندىق اگروحيميالىق كارتوگراممالاردا كارتوگرافيالاۋدىڭ ەڭ تومەنگى بىرلىگىنە تاناپ, وبلىستىق كارتوگراممالاردا – شارۋاشىلىق قابىلدانادى. 12. بىرىككەن توپىراق سىنامالارىن ىرىكتەۋ بىلايشا جۇرگىزىلەدى: 1) سۋارىلمايتىن ەگىنشىلىك تاناپتارىندا مينەرالدىق تىڭايتقىشتاردى تومەن دەڭگەيدە قولدانۋ كەزىندە توپىراق سىنامالارى بارلىق ءوسىپ-ءونۋ كەزەڭى ىشىندە ىرىكتەپ الىنادى; 2) سۋارمالى جەرلەردە اسەر ەتۋشى زاتپەن گەكتارىنا توقسان كيلوگرامنان اسپايتىن مينەرالدى تىڭايتقىشتار جۇيەلى تۇردە ەنگىزىلگەن جاعدايدا توپىراق سىنامالارى بارلىق ءوسىپ-ءونۋ كەزەڭى ىشىندە, ال اسەرلى زاتپەن گەكتارىنا توقسان كيلوگرامنان ارتىق ەنزىزىلگەن جاعدايدا – تىڭايتقىشتار ەنگىزگەنگە دەيىن كوكتەمدە نەمەسە ولاردى ەنگىزگەننەن كەيىن ەكى جانە ودان كوپ ايدان سوڭ ىرىكتەپ الىنادى; 3) چەكتەردى تولتىرىپ نەمەسە باتىرىپ سۋارۋ كەزىندە توپىراق سىنامالارىن ىرىكتەۋ باتىرۋدان بۇرىن نەمەسە سۋ قايتقاننان جانە ەگىن جيناعاننان كەيىن جۇرگىزىلەدى. بىرىككەن سىنامالاردى ىرىكتەۋ جيىلىگى توپىراق جامىلعىسىنىڭ تۇرلىلىگى مەن ەنگىزىلەتىن تىڭايتقىشتار مولشەرىنە بايلانىستى بەلگىلەنەدى جانە ەلەمەنتارلىق ۋچاسكەلەردىڭ اۋقىمىمەن ايقىندالادى. ءاربىر ەلەمەنتارلىق ۋچاسكەگە رەتتىك ءنومىر بەرىلەدى. 13. ءتالىمى جەرلەردە ەلەمەنتارلىق ۋچاسكەلەر توركوزىن توپىراق جامىلعىسى مەن رەلەفتەگى ورنىن ەسكەرە وتىرىپ ەنگىزەدى. ەلەمەنتارلىق ۋچاسكەنىڭ ەڭ جوعارى القابى – جەتپىس بەس گەكتاردى, سۋارمالى جەردە – ون گەكتاردى قۇرايدى. ەلەمەنتارلىق ۋچاسكەلەردىڭ كەستەسىن كارتوگرافيالىق نەگىزگە ەنگىزۋ كەزىندە ولاردىڭ شەكارالارى الدىڭعى زەرتتەپ-قاراۋدىڭ ەلەمەنتارلىق ۋچاسكەلەرىنىڭ شەكارالارىنا, سپۋتنيكتىك ناۆيگاتسيا جۇيەسىنىڭ كوورديناتالارىنا ءدال كەلۋى قاجەت. 14. ءاربىر ەلەمەنتارلىق ۋچاسكەدەن ءبىر بىرىككەن سىناما الىنادى. نۇكتەلىك سىنامالار قاراشىرىك شەگىن ەسكەرە وتىرىپ, نولدەن جيىرما سانتيمەترگە دەيىن جىرتىلاتىن قابات تەرەڭدىگىنەن الىنادى. توپىراق جامىلعىسىنىڭ تۇرلىلىگىن ەسكەرە وتىرىپ, بىرىككەن سىنامانى توپىراقتىڭ بارلىق تيپتەرىندە جيىرما-جيىرما بەس نۇكتەلىك سىنامادان قۇرايدى. بىرىككەن سىنامانىڭ سالماعى بەس ءجۇز گرامنان كەم بولماۋى ءتيىس. 15. شارۋاشىلىقتا ىرىكتەپ الىنعان بارلىق توپىراق ۇلگىلەرىنە ەلەمەنتارلىق ۋچاسكەلەر نومىرلەرىنە سايكەس كەلەتىن كەزەكتى بىرىزدىلىكپەن رەتتىك نومىرلەر بەرىلەدى, ولار ءبىر جىل ىشىندە ساقتالادى. 16. ورگانيكالىق زاتتى (قاراشىرىكتى), جىلجىمالى فوسفور مەن الماسۋشى كاليدى, جەڭىل ىدىرايتىن, ءسىلتىلى ىدىرايتىن جانە نيتراتتى ازوتتى, تۇز رەجيمىنىڭ رن, مارگانەتستىڭ, مىرىشتىڭ, مىستىڭ, كوبالتتىڭ, موليبدەننىڭ, كۇكىرتتىڭ, بوردىڭ, نيكەلدىڭ, تەمىردىڭ جانە حرومنىڭ جىلجىمالى قوسىندىلارىن, سۋ سىعىندىسىنىڭ كاتيوندىق-انيوندىق قۇرامىن ايقىنداۋ بويىنشا توپىراق سىنامالارىن حيميالىق تالداۋ وسى قاعيدالارعا 3-قوسىمشادا كورسەتىلگەن مەملەكەتتىك ستاندارتتارعا جانە ادىستەمەلىك نۇسقاۋلارعا سايكەس جۇرگىزىلەدى. 17. توپىراقتى اگروحيميالىق زەرتتەپ-قاراۋ ناتيجەلەرى شارۋاشىلىق, اۋدان, وبلىس, رەسپۋبليكا دەڭگەيىندە قورىتىلادى. 3. قورىتىندى ەرەجەلەر 18. توپىراقتى اگروحيميالىق زەرتتەپ-قاراۋدى جۇرگىزۋ ناتيجەلەرى بويىنشا: 1) وسى قاعيدالارعا 4-قوسىمشاعا سايكەس جيىنتىق تالدامالىق ۆەدوموست; 2) وسى قاعيدالارعا 5-قوسىمشاعا سايكەس پاسپورتتىق ۆەدوموست; 3) وسى قاعيدالارعا 2-قوسىمشاعا سايكەس اگروحيميالىق كارتوگرامما جاسالادى. 19. وسى قاعيدالاردىڭ 18-تارماعىندا كورسەتىلگەن قۇجاتتاردىڭ نەگىزىندە جەر ۋچاسكەلەرىنىڭ مەنشىك يەلەرىنە جانە (نەمەسە) جەر پايدالانۋشىلارعا وسى قاعيدالارعا 6-قوسىمشاعا سايكەس نىسان بويىنشا اگروحيميالىق وچەرك جاسالادى. اگروحيميالىق وچەركتىڭ ناتيجەلەرى بويىنشا توپىراقتى اگروحيميالىق زەرتتەپ-قاراۋ ناتيجەلەرى تۋرالى قورىتىندى جاسالادى, ول جەر ۋچاسكەسىنىڭ يەسىنە جانە (نەمەسە) جەر پايدالانۋشىعا بەرىلەدى. 20. مەملەكەتتىك مەكەمە توپىراقتى اگروحيميالىق زەرتتەپ-قاراۋ ناتيجەلەرى بويىنشا اۋدان, وبلىس توپىراعى قۇنارلىلىعىنىڭ اگروحيميالىق اتلاسىن جاسايدى. توپىراق قۇنارلىلىعىنىڭ اگروحيميالىق اتلاسى زەرتتەپ-قاراۋ تسيكلى اياقتالعاننان كەيىن ءار وبلىس ءۇشىن اۋداندار بولىنىسىندە جانە ءار اۋدان ءۇشىن شارۋاشىلىقتار بولىنىسىندە جاسالادى. اگروحيميالىق اتلاس قورەكتىك ەلەمەنتتەر, قاراشىرىك قۇرامىنىڭ ءتۇرلى-ءتۇستى كارتوگراممالارىن جانە ولارعا تۇسىنىكتەمەلەردى قامتيدى. 21. وسى قاعيدالاردىڭ 18-تارماعىندا كورسەتىلگەن قۇجاتتار مەملەكەتتىك مەكەمەدە 7 جىل بويى ساقتالۋى ءتيىس. توپىراقتى اگروحيميالىق زەرتتەپ-قاراۋ ناتيجەلەرى قازاقستان رەسپۋبليكاسى اۋىل شارۋاشىلىعى ءمينيسترىنىڭ 2014 جىلعى 25 ماۋسىمداعى № 6-1/321 «اۋىل شارۋاشىلىعى ماقساتىنداعى جەرلەردىڭ اگروحيميالىق جاي-كۇيى تۋرالى اقپاراتتىق دەرەكتەر بانكىن قۇرۋ جانە جۇرگىزۋ قاعيدالارىن بەكىتۋ تۋرالى» بۇيرىعىمەن بەكىتىلگەن تارتىپپەن اۋىل شارۋاشىلىعى ماقساتىنداعى جەرلەردىڭ اگروحيميالىق جاي-كۇيى تۋرالى اقپاراتتىق دەرەكتەر بانكىندە ساقتالادى (نورماتيۆتىك قۇقىقتىق اكتىلەر تىركەۋ رەەسترىندە تىركەلگەن № 9618). اقپاراتتىق دەرەكتەر بانكىن قورعاۋ ونداعى اقپاراتتى شيفرلاۋ كىلتىن پايدالانا وتىرىپ, شيفرلاۋ جولىمەن جۇزەگە اسىرىلادى, وعان مەملەكەتتىك مەكەمە باسشىسى نەمەسە ونىڭ الماستىراتىن تۇلعا عانا قول جەتكىزە الادى. 22. جەردى پايدالانۋ جانە قورعاۋ جونىندەگى مەملەكەتتىك ينسپەكتوردىڭ سۇراۋ سالۋى بويىنشا مەملەكەتتىك مەكەمە توپىراقتى اگروحيميالىق زەرتتەپ-قاراۋ ناتيجەلەرى تۋرالى اگروحيميالىق وچەرك قورىتىندىلارىنىڭ كوشىرمەلەرىن ۇسىنادى. 23. توپىراقتى سوڭعى ەكى اگروحيميالىق زەرتتەپ-قاراۋ ناتيجەلەرىن سالىستىرۋ كەزىندە انىقتالعان توپىراق قۇنارلىلىعىنىڭ كورسەتكىشتەرى تومەندەگەن كەزدە مەملەكەتتىك مەكەمە ول تۋرالى جەردى پايدالانۋ جانە قورعاۋ جونىندەگى مەملەكەتتىك ينسپەكتوردى حاباردار ەتەدى. توپىراقتى اگروحيميالىق زەرتتەپ-قاراۋدى جۇرگىزۋ قاعيدالارىنا 1-قوسىمشا نىسان توپىراقتى اگروحيميالىق زەرتتەپ-قاراۋ تۋرالى حابارلاما مەملەكەتتىك مەكەمەنىڭ مىناداي وكىلدەرى: _________________________________________________________________ _________________________________________________________________ _________________________________________________________________ 20__ جىلعى ______________ 20__ جىلعى _______________ دەيىنگى مەرزىمدە _____________________________________________________ توپىراعىن جوسپارلى (جەر ۋچاسكەسىنىڭ مەنشىك يەسى جانە (نەمەسە) جەر پايدالانۋشى) اگروحيميالىق زەرتتەپ-قاراۋدى جۇرگىزەتىنىن حابارلايمىز. زەرتتەپ-قاراۋعا جاتاتىن تاناپتارعا مەملەكەتتىك مەكەمە وكىلدەرىنىڭ كىرۋىن قامتاماسىز ەتۋدى سۇرايمىن. زەرتتەپ-قاراۋدى جۇرگىزۋ كەزىندە جەر ۋچاسكەسىنىڭ مەنشىك يەسى جانە (نەمەسە) جەر پايدالانۋشى تاراپىنان قاتىسۋعا جانە باقىلاۋ جۇرگىزۋگە جول بەرىلەدى. باسشى: _____________________________________________________________ ________________ (تەگى, اتى, اكەسىنىڭ اتى (جەكە باسىن راستايتىن قۇجاتتا بار بولسا) (قولى) ءمور ورنى توپىراقتى اگروحيميالىق زەرتتەپ-قاراۋدى جۇرگىزۋ قاعيدالارىنا 2-قوسىمشا نىسان توپىراقتى اگروحيميالىق زەرتتەپ-قاراۋدى جۇرگىزۋ قاعيدالارىنا 3-قوسىمشا نىسان توپىراق سىنامالارىن تالداۋ جونىندەگى قۇجاتتار تىزبەسى واقكي موديفيكاتسياسىندا تيۋرين ادىسىمەن ورگانيكالىق زاتتى (قاراشىرىكتى) ايقىنداۋ. مەمست 26213-91; نيكيتين موديفيكاتسياسىنداعى تيۋرين ادىسىمەن ورگانيكالىق زاتتى (قاراشىرىكتى) ايقىنداۋ.مەمست 62213-91; تيۋرين جانە كونونوۆا ادىسىمەن جەڭىل ىدىرايتىن ازوتتى ايقىنداۋ. اگروحيميا بويىنشا پراكتيكۋم: مينەەۆ رەداكتسياسى, 2001 جىل; كورنفيلد ادىسىمەن ءسىلتىلى ىدىرايتىن ازوتتى ايقىنداۋ. اگروحيميا بويىنشا پراكتيكۋم: مينەەۆ رەداكتسياسىمەن, 2001 جىل; گرانۆالد-لياجۋ ادىسىمەن نيتراتتىق ازوتتى ايقىنداۋ. اگروحيميا بويىنشا پراكتيكۋم: مينەەۆ رەداكتسياسىمەن, 2001 جىل; يونومەتريالىق ادىسپەن نيتراتتاردى ايقىنداۋ. مەمست 26951-86; واقكي ادىسىمەن نيتراتتاردى ايقىنداۋ. مەمست 26488-85; واقكي موديفيكاتسياسىندا ماچيگين ادىسىمەن كاربوناتتىق توپىراقتاعى جىلجىمالى فوسفور مەن كاليدى ايقىنداۋ. مەمست 26205-91; واقكي موديفيكاتسياسىندا چيريكوۆ ادىسىمەن كاربوناتتىق ەمەس توپىراقتاعى جىلجىمالى فوسفور مەن كاليدى ايقىنداۋ. مەمست 26204-91; واقكي موديفيكاتسياسىندا كيرسانوۆ ادىسىمەن فوسفور مەن كاليدىڭ جىلجىمالى قوسىندىلارىن ايقىنداۋ. مەمست 26207; واقكي جاڭا تەحنولوگياسى بويىنشا (اۆتوماتتاندىرىلعان تالداۋ جۇيەسىندە) چيريكوۆ نەمەسە ماچيگين بويىنشا توپىراق سىعىندىلارىندا فوسفور مەن كاليدى ايقىنداۋ. مەمست 10 256-2000, مەمست 10 258-2000; واقكي موديفيكاتسياسىندا تيۋرين ادىسىمەن قاراشىرىكتى ايقىنداۋ (اۆتوماتتاندىرىلعان تالداۋ جۇيەسىندە); يۋ.م. لوگينوۆ, ا.ن. سترەلتسوۆ. تالداۋ جۇمىستارىن اۆتوماتتاندىرۋ جانە توپىراق قۇنارلىلىعى مەن وسىمدىك شارۋاشىلىعى ءونىمىنىڭ ساپاسى مونيتورينگىن اسپاپپەن قامتاماسىز ەتۋ. – م.: اگروبيزنەس – ورتالىق, 2010; توپىراقتاعى اۋىر مەتالداردى ايقىنداۋ (اۆتوماتتاندىرىلعان تالداۋ جۇيەسىندە); يۋ.م. لوگينوۆ, ا.ن. سترەلتسوۆ. تالداۋ جۇمىستارىن اۆتوماتتاندىرۋ جانە توپىراق قۇنارلىلىعى مەن وسىمدىك شارۋاشىلىعى ءونىمىنىڭ ساپاسى مونيتورينگىن اسپاپپەن قامتاماسىز ەتۋ. – م.: اگروبيزنەس – ورتالىق, 2010; PRIMACSsnc, SKALAR SAN++ تالداۋىشتارىندا توپىراق قۇرامىن اۆتوماتتى ايقىنداۋ (ISO, EN, AOAS, ASBC جانە ت.ب. حالىقارالىق تالاپتارعا سايكەستىك); سۋ سىعىندىسىنىڭ سالىستىرمالى ەلەكتر وتكىزگىشتىگىن, رن, قاتتى قالدىعىن ايقىنداۋ. مەمست 26423-85; تۇز سىعىندىسىنىڭ سالىستىرمالى ەلەكتر وتكىزگىشتىگىن, رن, قاتتى قالدىعىن ايقىنداۋ. مەمست 26483-85; ۆەريگينا-ارينۋشكينا بويىنشا ەكى- جانە ۇشۆالەنتتى تەمىردىڭ جىلجىمالى قوسىندىلارىن ايقىنداۋ ءادىسى. مەمست 27395-87; وسىمدىكتەردىڭ ىلعالدىلىعىن, مەيلىنشە گيگروسكوپيالىق ىلعالدىلىعىن جانە تۇراقتى سولۋ ىلعالدىلىعىن انىقتاۋ ءادىسى. مەمست 28268-89; اۋىل شارۋاشىلىعى القاپتارىنداعى جانە وسىمدىك ونىمدەرىندەگى اۋىر مەتالداردى ايقىنداۋ, ادىستەمەلىك نۇسقاۋلىقتار, ماسكەۋ, 1992 جىل; واقكي موديفيكاتسياسىنداعى كرۋپسكي مەن الەكساندروۆا ادىسىمەن كاربوناتتىق توپىراقتاعى مىس پەن كوبالتتىڭ جىلجىمالى قوسىندىلارىن ايقىنداۋ. مەمست 50683-94; واقكي موديفيكاتسياسىندا پەيۆە مەن رينكيس ادىسىمەن مىستىڭ جىلجىمالى قوسىندىلارىن ايقىنداۋ. مەمست 50684-94; واقكي موديفيكاتسياسىندا پەيۆە مەن رينكيس ادىسىمەن كوبالتتىڭ جىلجىمالى قوسىندىلارىن ايقىنداۋ. مەمست 50687-94; واقكي موديفيكاتسياسىندا كرۋپسكي مەن الەكساندروۆا ادىسىمەن كاربوناتتىق توپىراقتاعى مارگانەتستىڭ جىلجىمالى قوسىندىلارىن ايقىنداۋ. مەمست 50685-94; واقكي موديفيكاتسياسىندا پەيۆە مەن رينكيس ادىسىمەن مارگانەتستىڭ جىلجىمالى قوسىندىلارىن ايقىنداۋ. مەمست 50682-94; واقكي موديفيكاتسياسىندا كرۋپسكي مەن الەكساندروۆا ادىسىمەن كاربوناتتىق توپىراقتاعى مىرىشتىڭ جىلجىمالى قوسىندىلارىن ايقىنداۋ. مەمست 50686-94; واقكي موديفيكاتسياسىندا گريگگ ادىسىمەن موليبدەننىڭ جىلجىمالى قوسىندىلارىن ايقىنداۋ. مەمست 50689-94; توپىراقتار. واقكي ادىسىمەن جىلجىمالى كۇكىرتتى ايقىنداۋ. مەمست 26490-85; واقكي موديفيكاتسياسىنداعى بەرگەر مەن ترۋوگ ادىسىمەن بوردىڭ جىلجىمالى قوسىندىلارىن ايقىنداۋ. مەمست 50688-94; سۋ سىعىندىسىنداعى كاربونات يوندارىن جانە بيكاربوناتتاردى ايقىنداۋ ادىستەرى. مەمست 26424-85; سۋ سىعىندىسىنداعى كالتسي مەن ماگنيدى ايقىنداۋ ادىستەرى. مەمست 26428-85; اقكوي ادىسىمەن اۋىسپالى كالتسي مەن اۋىسپالى (جىلجىمالى) ماگنيدى ايقىنداۋ ادىستەرى. مەمست 26487-85; سۋ سىعىندىسىنداعى حلوريد يونىن ايقىنداۋ ادىستەرى. مەمست 26425-85; سۋ سىعىندىسىنداعى سۋلفات يونىن ايقىنداۋ ادىستەرى. مەمست 26426-85; سۋ سىعىندىسىنداعى ناتري مەن كاليدى ايقىنداۋ ادىستەرى. مەمست 26427-85; سۋدا ەريتىن كالتسي مەن ماگنيدى ايقىنداۋ ادىستەرى. مەمست 27753.9-88; توپىراقتى اگروحيميالىق زەرتتەپ-قاراۋدى جۇرگىزۋ قاعيدالارىنا 4-قوسىمشا نىسان وبلىس _____________________________ اۋدان _______________________________ شارۋاشىلىق__________________________ زەرتتەپ-قاراۋ جىلى _____________________ جيىنتىق تالدامالىق ۆەدوموست № _____ پەن № _____ ارالىعىنداعى ۇلگىلەر ۇلگى تاناپ N P2O5 K2O قاراشىرىك % رن ۇلگى تاناپ N P2O5 K2O قاراشىرىك % رن مگ/كگ توپىراققا مگ/كگ توپىراققا 1 2 3 4 5 6 7 8 9 10 11 12 13 14 زەرتتەپ-قاراۋدى جۇرگىزگەن ______________________________________________________________________ (تەگى, اتى, اكەسىنىڭ اتى (جەكە باسىن راستايتىن قۇجاتتا بار بولسا), لاۋازىمى) N P2O5 K2O قاراشىرىك رن تالداۋ جۇرگىزگەن (تەگى, اتى, اكەسىنىڭ اتى (جەكە باسىن راستايتىن قۇجاتتا بار بولسا), لاۋازىمى) ميكروەلەمەنتتەر بويىنشا جيىنتىق تالدامالىق ۆەدوموست № _____ مەن № _____ ارالىعىنداعى ۇلگىلەر ۇلگى تاناپ S Cu Zn Co Mn ۇلگى تاناپ S Cu Zn Co Mn مگ/كگ توپىراققا مگ/كگ توپىراققا 1 2 3 4 5 6 7 8 9 10 11 12 13 14 زەرتتەپ-قاراۋدى جۇرگىزگەن _____________________________________________________________________ (تەگى, اتى, اكەسىنىڭ اتى (جەكە باسىن راستايتىن قۇجاتتا بار بولسا), لاۋازىمى) S Cu Zn Co Mn تالداۋ جۇرگىزگەن (تەگى, اتى, اكەسىنىڭ اتى (جەكە باسىن راستايتىن قۇجاتتا بولعان جاعدايدا), لاۋازىمى) توپىراقتى اگروحيميالىق زەرتتەپ-قاراۋدى جۇرگىزۋ قاعيدالارىنا 5-قوسىمشا نىسان وبلىس _____________________________ اۋدان _______________________________ شارۋاشىلىق__________________________ زەرتتەپ-قاراۋ جىلى _____________________ پاسپورتتىق ۆەدوموست جەر ۋچاسكەلەرى توپىراعىنىڭ نەگىزگى اگروحيميالىق سيپاتتامالارى رەت № تاناپ القاپ, گا توپى-راق ءتيپى جەڭىل ىدى-رايتىن ازوت جىلجىمالى فوسفور اۋىسپالى كالي قاراشىرىك قىشقىلدىعى مگ/كگ توپى-راققا قۇرامى بويىن-شا توپ مگ/كگ توپى-راققا قۇرامى بويىن-شا توپ مگ/كگ توپى-راققا قۇرامى بويىن-شا توپ % قۇرامى بويىن-شا توپ رن توپ 1 2 3 4 5 6 7 8 9 10 11 12 13 14 ميكروەلەمەنتتەر رەت № تاناپ ال-قاپ, گا توپى-راق ءتيپى S Cu Zn Co Mn مگ/كگ توپى-راققا قۇرامى بويىن-شا توپ مگ/كگ توپى-راققا قۇرامى بويىن-شا توپ مگ/كگ توپى-راققا قۇرامى بويىن-شا توپ مگ/كگ توپى-راققا قۇرامى بويىن-شا توپ مگ/كگ توپى-راققا قۇرامى بويىن-شا توپ 1 2 3 4 5 6 7 8 9 10 11 12 13 14 توپىراقتى اگروحيميالىق زەرتتەپ-قاراۋدى جۇرگىزۋ قاعيدالارىنا 6-قوسىمشا نىسان اگروحيميالىق وچەركتى رەسىمدەۋ 1. مەملەكەتتىك مەكەمەنىڭ باسشىسى بەكىتكەن مۇقابا پاراعى. 2. ورىنداۋشىلار ءتىزىمى. 3. كىرىسپە, توپىراقتى اگروحيميالىق زەرتتەپ-قاراۋ ماقساتتارى, مىندەتتەرى. 4. نەگىزگى بولىگى (اگروحيميالىق زەرتتەپ-قاراۋ ناتيجەلەرى, جەر ۋچاسكەلەرىنىڭ يەلەرى جانە (نەمەسە) جەر پايدالانۋشىلار تۋرالى مالىمەتتەر, توپىراق توپتامالارى, اگروحيميالىق كارتوگراممالار). 5. قورىتىندى. 6. قوسىمشالار. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 10 ساۋىردەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10686 بولىپ ەنگىزىلدى.