انالار مەن اپالار تىلەگى

ءبىزدىڭ الدىمىز توقساننىڭ ۇشە­­ۋىندە, سوڭىمىز جەتپىستىڭ بەسەۋىندە, اقتوبە وبلىسىنداعى وتىز ءبىر زەينەتكەر انالارمىز. ەلباسى وكى­لەتتىگىن 2020 جىلعا دەيىن ۇز­ارتۋ جايىنداعى باستاماشى توپ­تىڭ ۇسى­نىسىن, ونى قولداعان پار­لا­مەنتتىڭ شەشىمىن قولدايتى­نىمىز­دى ءبىلدىرىپ, حات جازىپ وتىرمىز. نۇرسۇلتان ءابىش ۇلى تاۋەلسىز قازاقستاننىڭ نەگىزىن ءوز قولىمەن قالاعان تۇڭعىش پرەزيدەنتىمىز. ەلباسىنىڭ كورەگەن ساياساتكەرلىگى ارقاسىندا قازاق ەلى بۇرىنعى ود­اق­تاستارىمىزدان وق بويى وزىپ شىعىپ, حالىقتىڭ الەۋمەتتىك-ەكو­نوميكالىق جاعدايىن كوتەرىپ, ون توعىز جىلدىڭ ىشىندە دۇنيە ءجۇ­زىندەگى دامىعان ەلدەر قاتارىنا قوسىلدى. 130-دان استام ۇلىستار مەن ۇلتتاردىڭ تەڭ قۇقىقتارىن ساق­تاي وتىرىپ, ەل ىشىندە بار­لى­عى ءبىر انادان تۋعانداي تاتۋ-ءتاتتى بەيبىت ءومىر سۇرۋگە قول جەتكىزدىك. سارىارقانىڭ تورىنەن اسەم قالا استانا تۇرعىزىلدى. ەلباسىنىڭ وسىنداي ۇلى دا كورەگەن ساياسات­كەرلىگىنىڭ ارقاسىندا بۇكىل تۇركى تىلدەس مەملەكەتتەردىڭ اراسىنان قازاقستان 2010 جىلى ەۋروپا­داعى قاۋىپسىزدىك جانە ىنتىماق­تاستىق ۇيى­مىنا توراعالىق ەتۋگە قول جەتكىزدى. قول جەتكىزىپ قانا قويماي, ەقىۇ-عا بۇرىن باسشى­لىق ەتكەن ەلدەردىڭ توراعالارى­نىڭ قولدارىنان كەلمەگەن, ۇيىم­عا مۇشە 56 ەلدىڭ مەملەكەت جانە ۇكى­مەت باس­شىلارىن استاناعا جيناپ, تاۋەلسىزدىك سارايىندا سامميت ءوت­كىزىلدى. ءسويتىپ, وسى سامميتتە استانا دەكلاراتسياسى قابىلداندى. ەندى بىزدەر – انالار مەن اپالار پرەزي­دەن­تىمىزدىڭ دۇنيە ءجۇزىن مويىنداتقان ۇلى ساياساتكەر­لىگى­نىڭ ارقاسىندا ءوزىمىزدىڭ قانداي ءدا­رەجەدە كۇن كەشىپ جاتقا­نى­مىز­دى باياندايمىز. قازىر ويلاپ وت­ىرساق, كەشەگىسىز – بۇگىن, بۇگىن­گىسىز – ەرتەڭ جوق دەگەننىڭ اقيقا­تىنا كوزىمىز جەتكەندەي. وبلىس جاعدايىنىڭ جاقسارۋى ارقاسىندا وب­لىس­تىڭ بارلىق تۇر­عىن­دارى زەينەتاقىمىزدى, ەڭ­بەك­­اق­ىلار مەن جاردەماقىلاردى ءبىر كۇن دە كەشىكتىرمەي ۋاقىتىندا ال­ىپ تۇرامىز جانە جىلما-جىل زەي­نەتاقىمىز 25-30%-عا ءوسىپ وت­ىر. باسىمىزدا باسپا­نامىز, داس­تار­قان­دا اسىمىز, كوبىمىزدىڭ كو­لىگىمىز بار دەگەندەي, ادام جانىنا كە­رەكتىڭ ءبارى بار. ەلباسى جولداۋ­ىندا كورسەتكەن «100 مەكتەپ, 100 اۋرۋحانا» جوباسى وب­لىسى­مىزدا تۇگەلدەي ورىن­دال­دى دەپ اي­تۋعا بولادى. وبلىس بوي­ىنشا بار­لىق فابريكا-زاۋىت­تار جۇمىس جا­سايدى, جاس ماماندار اۋىلعا دەگەن ۇرانمەن ينستيتۋت بىتىرگەن نەمەرەلەرىمىز اۋدان­دارعا, اۋىلدارعا با­رىپ, ءوز ما­ماندىقتارى بويىنشا ەڭ­بەك ەتۋدە. جولدامامەن بارعان جاس ما­مان­داردىڭ ءبارى تۇرعىن ءۇي­مەن قام­­تاماسىز ەتىلىپ, ءبىر جولدىق كو­تەرمەاقىلارىن الىپ جاتىر. سو­­نىڭ ناتيجەسىندە, وبلىس بوي­ىن­شا جۇمىسسىزدار سانى جوقتىڭ قا­سى. ەڭبەك جانە سوعىس ارداگەر­لە­رىنىڭ وبلىس ورتالىعىن­دا تەگىن ەمدەلىپ, ءدارى-دارمەگىمىزدى تەگىن الا­تىن ەمحانامىز جۇمىس جاسايدى. بىزدەر سياقتى قاريالارعا نە كەرەك؟! جىلى ورىن, جۇمساق ءتو­سەك, ءتاتتى تاعام ەمەس پە. قازىر بىزدە وسىنىڭ ءبارى بار, اقتوبە وب­لىسىندا تۇرمىسقا قاجەتتى زات­تار­دىڭ بارلىعىنىڭ دا باعاسى بىرقا­لىپتى, وسكەن جوق. ءسوزىمىزدىڭ سوڭىندا ايتار انا­لىق, اپكەلىك ءوتىنىشىمىز: ەلباسى «حا­­لىق ۇيعارسا, حان تۇيەسىن سويا­دى» دەگەن قازاقتىڭ دانا سوزىنەن اتتا­ماي­دى دەپ سەنەمىز. ويتكەنى, نۇر­سۇلتان نازارباەۆ – رەسپۋب­لي­كا­مىزدىڭ تۇڭعىش پرەزيدەنتى, حا­لىقتىڭ قا­لاۋ­لىسى, قۇرمەتتى ەلباسىمىز. بۇل, بۇكىل رەسپۋبليكا حالقىنىڭ, بىزدەر سياقتى زەينەتكەر انالار­دىڭ تىلەگى, وسى ءبىزدىڭ تىلەگىمىز ور­ىندالادى دەپ ەسەپتەيمىز. زەينەتكەرلەر اتىنان حات جولداۋشى قارىلعا كەرەيقىزى, بارلىعى 31 ادام قول قويعان.