قازاقستان رەسپۋبليكاسى ەنەرگەتيكا مينيسترلىگىنىڭ بۇيرىعى  №177

2015 جىلعى 5 ناۋرىز, استانا قالاسى مەملەكەتتىك رەتتەۋ وبەكتىلەرى بولىپ تابىلاتىن  پارنيكتىك گازدار تىزبەسىن بەكىتۋ تۋرالى قازاقستان رەسپۋبليكاسىنىڭ 2007 جىلعى 9 قاڭتارداعى ەكولوگيالىق كودەكسىنىڭ 17-بابىنىڭ 30) تارماقشاسىنا سايكەس بۇيىرامىن: 1. قوسا بەرىلىپ وتىرعان مەملەكەتتىك رەتتەۋ وبەكتىلەرى بولىپ تابىلاتىن پارنيكتىك گازدار تىزبەسى بەكىتىلسىن. 2. قازاقستان رەسپۋبليكاسى ەنەرگەتيكا مينيسترلىگىنىڭ كليماتتىڭ وزگەرۋى جونىندەگى دەپارتامەنتى: 1) قازاقستان رەسپۋبليكاسىنىڭ ادىلەت مينيسترلىگىندە وسى بۇيرىقتىڭ مەملەكەتتىك تىركەلۋىن; 2) قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە وسى بۇيرىقتى مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جولدانۋىن; 3) وسى بۇيرىقتىڭ قازاقستان رەسپۋبليكاسى ەنەرگەتيكا مينيسترلىگىنىڭ رەسمي ينتەرنەت-رەسۋرسىندا جەنە مەملەكەتتىك ورگانداردىڭ ينترانەت-پورتالىندا ورنالاسۋىن; 4) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى ەنەرگەتيكا مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 2) جانە 3) تارماقشالارىمەن كوزدەلگەن ءىس-شارالاردىڭ ورىندالاۋى تۋرالى مالىمەتتەردى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى ەنەرگەتيكا ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر ۆ.شكولنيك قازاقستان رەسپۋبليكاسى ەنەرگەتيكا ءمينيسترىنىڭ 2015 جىلعى 5 ناۋرىزداعى №177 بۇيرىعىمەن بەكىتىلگەن مەملەكەتتىك رەتتەۋ وبەكتىلەرى بولىپ تابىلاتىن پارنيكتىك گازدار تىزبەسى* 1. كومىرتەگىنىڭ قوس توتىعى (سو2). 2. مەتان (سن4). 3. ازوتتىڭ شالا توتىعى (N2O). 4. پەرفتوركومىرتەكتەر (پفك). * پارنيكتىك گازدار شىعارىندىلارىن تۇگەندەۋ تۋرالى ەسەپتە ءتورت پارنيكتىك گازدار (كومىرتەگى قوس توتىعى, مەتان, ازوتتىڭ شالا توتىعى, پەرفتوركومىرتەكتەر) بويىنشا مالىمەتتەر كورسەتىلەدى, بۇل رەتتە كۆوتالاۋعا پارنيكتىك گازدار شىعارىندىلارىنا كۆوتالار ءبولۋدىڭ ءتيىستى ۇلتتىق جوسپارىمەن ايقىندالاتىن پارنيكتىك گازدار جاتادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 10 ساۋىردەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 10682 بولىپ ەنگىزىلدى.