قازاقستان رەسپۋبليكاسى ەنەرگەتيكا مينيسترلىگىنىڭ بۇيرىعى №176

2015 جىلعى 5 ناۋرىز,  استانا قالاسى پارنيكتىك گازدار شىعارىندىلارى جانە سىڭىرۋلەرى كوزدەرىنىڭ مەملەكەتتىك كاداسترىن جۇرگىزۋ جانە ۇستاۋ قاعيدالارىن بەكىتۋ تۋرالى قازاقستان رەسپۋبليكاسىنىڭ 2007 جىلعى 9 قاڭتارداعى ەكولوگيالىق كودەكسىنىڭ 158-2 بابىنىڭ 3-تارماعىنا سايكەس بۇيىرامىن: 1. قوسا بەرىلىپ وتىرعان پارنيكتىك گازدار شىعارىندىلارى جانە سىڭىرۋلەرى كوزدەرىنىڭ مەملەكەتتىك كاداسترىن جۇرگىزۋ جانە ۇستاۋ قاعيدالارى بەكىتىلسىن. 2. قازاقستان رەسپۋبليكاسى ەنەرگەتيكا مينيسترلىگىنىڭ كليماتتىڭ وزگەرۋى جونىندەگى دەپارتامەنتى: 1) قازاقستان رەسپۋبليكاسىنىڭ ادىلەت مينيسترلىگىندە وسى بۇيرىقتىڭ مەملەكەتتىك تىركەلۋىن; 2) قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە وسى بۇيرىقتى مەرزىمدى ءباسپاسوز باسىلىمدارىندا جانە «ادىلەت» اقپاراتتىق قۇقىقتىق جۇيەسىندە رەسمي جاريالاۋعا جولدانۋىن; 3) وسى بۇيرىقتىڭ قازاقستان رەسپۋبليكاسى ەنەرگەتيكا مينيسترلىگىنىڭ رەسمي ينتەرنەت-رەسۋرسىندا جانە مەملەكەتتىك ورگانداردىڭ ينترانەت- پورتالىندا ورنالاسۋىن; 4) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى ەنەرگەتيكا مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى ەنەرگەتيكا ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر ۆ.شكولنيك قازاقستان رەسپۋبليكاسى ەنەرگەتيكا ءمينيسترىنىڭ 2015 جىلعى 5 ناۋرىزداعى №176 بۇيرىعىمەن بەكىتىلگەن پارنيكتىك گازدار شىعارىندىلارى جانە سىڭىرۋلەرى كوزدەرىنىڭ مەملەكەتتىك كاداسترىن جۇرگىزۋ جانە ۇستاۋ قاعيدالارى 1. وسى پارنيكتىك گازدار شىعارىندىلارى جانە سىڭىرۋلەرى كوزدەرىنىڭ مەملەكەتتىك كاداسترىن جۇرگىزۋ جانە ۇستاۋ قاعيدالارى (بۇدان ءارى – قاعيدالار) قازاقستان رەسپۋبليكاسىنىڭ 2007 جىلعى 9 قاڭتارداعى ەكولوگيالىق كودەكسىنىڭ (بۇدان ءارى – كودەكس) 158-2-بابىنىڭ 3-تارماعىنا سايكەس ازىرلەنگەن جانە پارنيكتىك گازدار شىعارىندىلارى جانە سىڭىرۋلەرى كوزدەرىنىڭ مەملەكەتتىك كاداسترىن (بۇدان ءارى – مەملەكەتتىك كاداستر) جۇرگىزۋ مەن ۇستاۋ ءتارتىبىن ايقىندايدى. 2. وسى قاعيدالاردا مىناداي ۇعىمدار پايدالانىلادى: 1) پارنيكتىك گازدار شىعارىندىلارى – پارنيكتىك گازداردىڭ اتموسفەراعا بەلگىلى ءبىر ۋچاسكەدە جانە ۋاقىتتىڭ بەلگىلى ءبىر كەزەڭى ىشىندە بوساپ شىعۋى; 2) پارنيكتىك گازداردى ءسىڭىرۋ – اتموسفەرالىق اۋادان پارنيكتىك گازدى سىڭىرەتىن پروتسەسس, تەتىك نەمەسە تابيعي كەشەن. 3. قورشاعان ورتانى قورعاۋ سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) مەملەكەتتىك كاداستردى ازىرلەۋدى جانە جۇرگىزۋدى ۇيىمداستىرادى. 4. مەملەكەتتىك كاداسترىن دايىنداۋ ەسەپتىك جىلدان كەيىنگى جىل بويىندا جۇزەگە اسىرىلادى. 5. مەملەكەتتىك كاداستردى جۇرگىزگەندە قازاقستان رەسپۋبليكاسى قورشاعان ورتانى قورعاۋ ءمينيسترىنىڭ 2013 جىلعى 15 مامىرداعى № 123-ءو «پارنيكتىك گازداردى تۇگەندەۋ تۋرالى ەسەپتىڭ نىسانىن بەكىتۋ تۋرالى» بۇيرىعىمەن (نورماتيۆتىك قۇقىقتىق اكتىلەرىنىڭ مەملەكەتتىك تىزىلىمىندە № 8497 تىركەلگەن) بەكىتىلگەن نىسان بويىنشا ازىرلەنگەن پارنيكتىك گازداردى تۇگەندەۋ تۋرالى ەسەپتەرى پايدالانىلادى. بۇل رەتتە اكىمشىلەندىرۋ سۋبەكتىلەرى ۇسىناتىن پارنيكتىك گازدار شىعارىندىلارىن تۇگەندەۋ تۋرالى ەسەپتەر راستاۋعا جاتپايدى. 6. مەملەكەتتىك كاداستردى جۇرگىزۋ مىناداي ءىس-شارالاردى ىسكە اسىرۋدى قامتيدى: 1) پارنيكتىك گازدار شىعارىندىلارى مەن سىڭىرۋلەرىن باعالاۋ ءۇشىن باستاپقى دەرەكتەرى بار اقپاراتتاردى جيناۋ; 2) الىنعان دەرەكتەرىن تالداۋ جانە وڭدەۋ, ەسەپتەۋلەر جۇرگىزۋ جانە مەملەكەتتىك كاداسترعا ەنگىزۋ; 3) قوندىرعى وپەراتورلارىنان پارنيكتىك گازدار شىعارىندىلارى بويىنشا ەلەكتروندىق ەسەپ بەرۋ مۇمكىنشىلىگىن بەرۋ. 7. مەملەكەتتىك كاداستر پارنيكتىك گازدار شىعارىندىلارىنىڭ كوزدەرى, قوندىرعى وپەراتورلارى, پارنيكتىك گازدار شىعارىندىلارى مەن سىڭىرۋلەرىنىڭ مولشەرى تۋرالى مالىمەتتەردى قامتيدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 10 ساۋىردەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 10673 بولىپ ەنگىزىلدى.