بولار ەلدىڭ بورىشى بۇل

ەلىمىزدىڭ تاۋەلسىزدىك العانىنا 20 جىلعا اياق باستى. از ۋاقىت ىشىندە ەلىمىز ىرگەلى ەلگە اينالىپ, تاريحي تاعىلىمدارعا قول جەتكىزدىك. قازاقتىڭ ۇلى اقىنى اباي اتا­مىزدىڭ «جارىق بولساڭ, جا­رىقتى كىم كورمەيدى» دەگەنىندەي, الەم ەلدەرى سول جارىقتى كورىپ, باعاسىن بەرگەن باقىتتى ءساتتى دە كوردىك. سونىڭ ءبارى تۇڭعىش پرە­زيدەن­تى­مىزدىڭ كورەگەن ساياساتىنىڭ ارقاسى. ءبىزدىڭ كوللەدج ۇجىمى پرەزيدەنت نۇرسۇلتان نازارباەۆتىڭ كو­رەگەندىكپەن جۇرگىزىپ وتىرعان سايا­ساتىن قولداي وتى­رىپ, رەفەرەندۋم ارقىلى ەلباسى وكىلەت­تىگىن 2020 جىلدىڭ 6 جەلتوقسانىنا دەيىن ۇزارتۋ جونىندەگى باستامانى ءبىر­اۋ­ىز­دان قولدايدى. ويتكەنى, ەلىمىز تاۋەل­سىز­دىك العان 20 جىل ىشىندە ەكونوميكالىق جاعى­نان سەرپىندى, دەموكراتيالىق تۇر­عىدان سالي­قالى  تۇردە دامىپ كەلە جاتقان مەملەكەتكە اينالدى. قازىرگى تاڭدا ەلىمىز – حالىق­ارالىق قوعامداستىقتىڭ بەلسەندى مۇشەسى ءارى ورتالىق ازياداعى اسا بەدەلدى مەملەكەت. ەقىۇ-عا ءتور­اعا­لىق ەتىپ, استانامىزدا سامميت وتكىزدىك. مۇنىڭ ءبارى نۇر­سۇل­تان نازارباەۆتىڭ الەمدىك دەڭ­گەي­دەگى  ساياساتكەر رەتىندەگى بەدەلىن تانىتادى. ەل مەن ەلدىڭ ءوزارا ىن­تى­ماق پەن دوستىقتا قاۋ­ىپسىز دامۋ­ىن قامتاماسىز ەتۋدى قالاي­تىنىن كورسەتەدى. سول قاسيەتتى جولداعى ۇلان-عايىر ەڭبەگىن پاش ەتەدى. جاقىندا كوللەدج ۇستازدارى مەن ەڭبەك ارداگەرلەرى بىرىگىپ ءۇل­كەن جيىن وتكىزدى. جيىننىڭ ماق­ساتى – ۇستازدارعا ورتاق مىندەت, ياعني ەل بولاشاعى – ءبىلىمدى جاس­تاردى تاربيەلەۋ جولىنداعى پرەزيدەنت العا قويعان مىندەتتەردى جۇزەگە اسى­را وتىرىپ, ن.نازار­باەۆتىڭ ەل باس­قارۋ قۇزىرەتىن ۇز­ارتۋعا قولداۋ كورسەتۋ بولدى. وندا ارداگەرلەر يا.ءشىناسىلوۆ, ۆ.يۋنوشەۆ, ۆ.شيشكالوۆ, گ.سەيىتوۆا, ە.ولجاباەۆا قازاقستاننىڭ تۇڭ­عىش پرەزيدەنتى, ۇلت كوش­باس­شىسى نۇرسۇلتان نا­زار­باەۆ­تىڭ تاباندىلىعى مەن ەرىك-جىگە­رىنىڭ ار­قا­سىن­دا از ۋاقىت ىشىندە ەلىمىز­دىڭ وراسان زور تاريحي تابىستارعا قول جەتكىزگەندىگىن, حال­قىمىزدىڭ سانعاسىرلىق ار­مان-ماقسا­تىنىڭ ورىندالىپ جاتقان­دى­عىن ايتا كەلىپ, نۇرسۇلتان نازار­باەۆ­تىڭ ەل باسقارۋ قۇزىرەتىن 2020 جىلدىڭ 6 جەل­توقسانىنا دەيىن ۇزارتۋ تۋ­را­لى رەفەرەندۋم وتكىزۋ باستاماسىن قولداۋعا شاقىردى. ساۋلە مۇساەۆا, اباي اتىنداعى گۋمانيتارلىق كوللەدجدىڭ ديرەكتورى. جامبىل وبلىسى.