جاسوسپىرىمدەر قىلمىسى الاڭداتادى

جامبىل وبلىسى اكىمدىگىندە ەل­­باسى ن. نازارباەۆتىڭ «قازاق­ستان رەسپۋبليكاسىندا قۇقىق قور­عاۋ قىز­مەتى مەن سوت جۇيەسىنىڭ تيىمدىلىگىن ارتتىرۋ جونىندەگى شارالار تۋ­رالى» جارلىعىن جاس­وس­پى­رىم­دەر قىل­مىسىنىڭ الدىن الۋ ءجا­نە وعان قارسى كۇرەس جۇرگىزۋ ايا­سىن­دا جۇزە­گە اسىرۋ ماقسا­تىنداعى قۇقىق قور­عاۋ جانە مەملەكەتتىك ور­گانداردىڭ ۆەدومستۆو­ارالىق كەڭەسى ءوتتى. وندا تالقىلانعان ماسەلە بوي­ىنشا باس پروكۋرور ق. ءمامي, وب­لىس اكىمى ق. بوزىمباەۆ, وبلىس پرو­كۋرورى ب. تايىمبەتوۆ, وبلىس­تىق ءىىد باسقارماسى باستىعىنىڭ ورىنباسارى م. قوجاەۆ جانە باس­قالار سويلەپ, وبلىس اۋماعى مەن ونىڭ ورتالىعىندا جاسوسپىرىمدەر قىلمىسىنىڭ وسە ءتۇسۋى الاڭ­داتىپ وتىرعانىنا توقتالدى. وبلىستا جاسوسپىرىمدەر قىل­مى­سىنىڭ جاعدايى تۋرالى لاۋا­زىمدى تۇلعالاردىڭ قاتىسۋىمەن بۇدان بۇرىن دا بىرنەشە رەت كەڭەس ءوتىپ, اتقارىلاتىن مىندەتتەر بەلگىلەنگەن. بىراق سوعان قا­راماستان, جاسوسپىرىمدەر ارا­سىن­داعى قىل­مىس­تى جاعداي كۇر­دەلى كۇيىندە قالۋدا. بۇرناعى جىلدان بەرى وب­لىستا اسا اۋىر قىلمىس جاساعان, ونىڭ ىشىندە كىسى ءول­تىرگەن جاس­وسپىرىمدەردىڭ سا­نى ەكى ەسە وسكەن. اسىرەسە, بۇل ماسەلە وبلىس ورتا­لىعىندا وزەكتى ماسە­لەگە اينال­عان. مىسالى, كامەلەت­كە تولما­عاندار ۇلەسىندەگى قىل­مىستاردىڭ جارتىسىنان استا­مى تاراز قالا­سىندا جاسالعان. قىل­مىستى توپ­تاردىڭ مەكتەپ وقۋ­شىلارىن بوپسالاۋ ارقىلى اق­شا جيناۋ ارەكەتى ءالى تىيىلماعان. كەڭەستى قورىتىندىلاعان باس پروكۋرور جاسوسپىرىمدەر قىلمى­سىنا قارسى ءىس-قيمىل جانە ونىڭ الدىن الۋ سالاسىنداعى جۇمىس­تىڭ كەمشىلىكتەرىن جويۋ جانە وسى سالاداعى شارالاردى ۇيىمداس­تى­رۋ جونىندە جاڭا مىندەتتەر قويدى. كوسەمالى ساتتىباي ۇلى. جامبىل وبلىسى.