بيلەت تەرمينالدارى اشىلۋدا

استاناداعى تەمىر جول ۆوك­زالى عيماراتىندا پويىز بيلەتتەرىن ساتاتىن ارنايى تەر­مي­نالداردىڭ تانىستىرىلۋى بو­لىپ ءوتتى. جاڭا تەرمينالدار استانامەن قاتار ەلىمىزدىڭ ءۇش قا­لاسىندا, الماتى, قارا­عان­دى جانە اقتوبەدە ءبىر ۋاقىتتا اشىل­دى. جالپى سانى 10-دى قۇرايتىن جاڭا تەحنولو­گيا­نىڭ 3-ەۋى ەلورداداعى ۆوكزال عيما­راتتارىندا, ال بىرەۋى «قازاق­ستان تەمىر جولى» ۇك» اق عيما­راتىندا ورناتىلعان. جاڭا تەحنولوگيا جولاۋشى­لاردىڭ ءوز-وزىنە قىزمەت كور­سە­تە­تىن ترانزاكتسيالىق تەرمي­نالى دەپ اتالادى. زاماناۋي 10 اۆتو­ماتتى تەرمينال وتكەن جىل­دىڭ 31 جەلتوقسانىنان باس­تاپ ەلى­مىزدىڭ 4 ۆوكزالىندا جانە «قازاقستان تەمىر جولى» ۇك» اق باس عيماراتىندا پاي­دا­لانۋعا بەرىلىپتى. ونى قول­دانىسقا «جولاۋشىلار تاسى­مالى» اق ەنگىزىپ وتىر. تەرمينال جولاۋشىعا ءوز ەركىمەن بيلەتتى تاڭداۋعا جانە ساتىپ الۋعا, سونداي-اق ينتەرنەت ارقىلى تاپسىرىس بەرگەن بيلەتتەردى باسىپ شىعارۋعا ءمۇم­كىندىك بەرەدى. قۇرال ارقى­لى مەملەكەت­ارالىق جانە رەسپۋبليكا ىشىندە قاتىنايتىن بار­لىق پويىزدارعا بيلەت رەسىمدەۋگە بولادى. جەكە تۇلعاعا ءوز بەتىنشە ەلەكتروندى تەحنو­لوگيانى پايدالانۋ ارقى­لى بيلەتتەردى تىكەلەي رەسىمدەۋگە مۇمكىندىك بەرەتىن, ولاردى ون­لاين رەجىمىندە ساتۋعا ارنال­عان قۇرىلعىنىڭ سىرتقى ءپىشىنى بانكوماتقا ۇقساس. وپەرا­تسيالىق جۇيەمەن قامتاماسىز ەتىلگەن ءبىر تەرمينالدىڭ قۇنى شامامەن العاندا 50 مىڭ دوللار. رەسەيدەن ساتىپ الىنعان بۇل تەحنولوگيا بولاشاقتا تا­عى تاپسىرىس­پەن الدىرىلۋى مۇمكىن. جولاۋشى تەرمينالدان ءوزى­نە كەرەكتى پويىز باعىتىن تاۋ­ىپ, ونىڭ ءجۇرۋ جانە كەلۋ ۋا­قىتىن دا تاڭداي الادى. بيلەت قۇنىن بانك كارتوچكاسى ارقى­لى تولەيدى. ءتول­قۇجاتتاعى اق­پاراتتارىن جولاۋ­شى ءوز قولى­مەن ەنگىزگەن سوڭ بيلەت پەن چەكتى سول ساتتە الادى. «جولاۋ­شىلار تاسىمالى» اق-تىڭ ستراتە­گيالىق دامۋ جانە جاڭا تەحنولوگيانى ەندىرۋ بوي­ىن­شا اتقارۋشى ديرەكتورى اسىل­حان قالدىكوزوۆتىڭ ايتۋىن­شا, تەرمينالدار ارقىلى ساتىپ الىن­عان بيلەتتەرگە بانك تارا­پىنان كوميسسيالىق تولەمدەر تولەن­بەيدى ەكەن. وعان قوسا, تەرمينال قازاقستانداعى بارلىق بانك تۇرلەرىنە قىزمەت كور­سەتەدى. بولاشاقتا مۇنداي تەرمينالدار سانى تاعى 10-عا كو­بەيمەك. ولار وبلىس ورتالىق­تارىنداعى ۆوك­زال­دارعا ورنا­تىلادى. جاڭا تەحنولوگيا ەكى رەجىمدە قىزمەت كورسەتەدى. ونىڭ ءبىرى – بانكتىك تولەم جۇرگىزۋ ار­قىلى بيلەتتەردى ساتىپ الۋ, ولاردى باسىپ شىعارۋ جانە جولاۋشىعا بيلەتتەردى بەرۋ وپەراتسياسى بولسا, ەكىنشىسى ينتەرنەت ارقىلى نەمەسە باسقا دا وقتت ارقىلى تاپسىرىس بەرىلگەن جانە تولەن­گەن بيلەتتەردى تاپسىرىس ءنومىرى بويىنشا بەرۋ. ۆەنەرا تۇگەلباي.