«مەن – چەمپيون!»

جوباسى 12 مىڭ وقۋشىنى قامتيدى 2000 جىلى «مەن – چەمپيون!» تەلەۆيزيالىق باعدارلاماسى پايدا بولىپ, وقۋشىلار اراسىندا سپورتتىڭ كەڭ قۇلاش جايۋى ارقىلى سالاماتتى ءومىر سالتىن ناسيحاتتاۋدى ماقسات ەتكەن بولاتىن. جەرگىلىكتى مۋنيتسيپالدى تەلەراديو ارناسىنىڭ ديرەكتورى ەۆگەني سازانوۆتىڭ باستاماسى مەكتەپتەر تاراپىنان كەڭ قولداۋ تاۋىپ, ءۇل­كەن قىزىعۋشىلىق تۋدىرعان. الايدا, قاراجات تاپشىلىعىنان جوبانىڭ اياقسىز قالۋى تالايلاردى وكىندىرگەن. بىلتىر ايماق باسشىسى, «نۇر وتان» پارتياسى سقوف-تىڭ ءتور­­اعاسى ەرىك سۇلتا­نوۆ­تىڭ بيۋد­جەتتەن قارجى ءبول­دىر­تۋى, «زەن­چەنكو جانە ك» كومان­ديت­­تىك سەرىك­تەستىگىنىڭ, «اكس» فير­ما­سى­نىڭ دەمەۋشىلىگى ارقاسىندا جاقسى جوبا جاندانىپ, قايتادان مارە الدى. «مەن – چەمپيون!» بالالار سپورت ويىنىنىڭ مەكتەپىشىلىك ءبىرىنشى كەزەڭىنە 1025 كوماندادان 10 مىڭعا تارتا بالعىن بەلسەنە اتسالىسىپ, كۇشتەرىن سىناستى. ەكىنشى كەزەڭگە 13 اۋدان مەن 3 قا­لالىق كوماندا ءوتىپ, باستى باسەكە 1500 وقۋشىنىڭ اراسىندا ءوتتى. جۋىردا ءۇش كەزەڭنەن تۇراتىن جارىستىڭ قورىتىندىسى بويىنشا اقجار اۋدانى مەن پەتروپاۆل قالاسىنداعى № 7 مەكتەپتىڭ كو­مان­دالارى اقتىق سايىستا بەل­دەسىپ, باس جۇلدەنى ساراپقا سال­دى. اسا تارتىس­تى وتكەن دودادا پەتروپاۆلدىق ورەن­دەردىڭ مە­رەيى ۇستەم بولىپ, جارىستىڭ جەڭىم­پا­زى اتاندى. ايماق باسشىسى ەرىك سۇلتانوۆ جەڭىمپازداردىڭ تىنىعىپ قايتۋى ءۇشىن «بالداۋرەن» ساۋىقتىرۋ لا­گەرىنە جولدامالار تاپسىردى. مۇنداي قۇرمەتكە 3-ورىنعا كو­تەرىلگەن ەسىل اۋدانىنىڭ كومانداسى دا يە بولدى. – بىلتىرعا قاراعاندا قاتى­سۋ­شىلاردىڭ سانى 1,5 ەسەگە كو­بەيىپ, ويىن ەرەجەسى مەن ءتارتى­بىنە وزگەرىستەر ەنگىزىلدى. ەڭ باس­تى­سى, قىزىقتى ءوتۋى ءۇشىن تالاپ كۇشەيتىلدى. ەندى, ءبىلىم جانە عى­لىم مينيسترلىگىنىڭ قولداۋىمەن رەسپۋب­ليكالىق مارتەبە الىپ, وزگە ءوڭىر وقۋشىلارىنىڭ قاتىسۋىمەن بيىل قىزىلجار وڭىرىندە ۇيىم­داستىرۋ ۇيعارىلىپ وتىر, – دەيدى باعدارلامانىڭ اۆتورى ە.سازانوۆ. ونىڭ الدا جوسپارلاپ وتىرعانى – جوبانى تمد دەڭگەيىنە دەيىن كوتەرۋ. ۋليانوۆسك قالاسىندا ءوت­كەن بۇكىلرەسەيلىك اسسوتسياتسيادا باعدارلاما تانىستىرىلىمىنىڭ ءساتتى قابىلدانۋىنا قاراعاندا, ويى­­نىڭ جۇزەگە اساتىنىنا شەك كەل­تىرۋگە بولماس. ءومىر ەسقالي, «ەگەمەن قازاقستان» سولتۇستىك قازاقستان وبلىسى سۋرەتتى تۇسىرگەن تالعات تانىباەۆ