ۇلى وتان سوعىسىنىڭ 71 جىلدىعىن مەرەكەلەۋ قارساڭىندا «نۇر وتان» پارتياسى «بىرلىك» فيليالىنىڭ «مادەنيەت» باستاۋىش پارتيا ۇيىمى «ۇرپاقتار ۇمىتپايتىن ۇلى جەڭىس» تاقىرىبىندا ۇلى وتان سوعىسى جانە تىل ارداگەرلەرىمەن كەزدەسۋ ۇيىمداستىردى.
كەزدەسۋ 1941-1945 جىلدارعى ۇلى وتان سوعىسىندا قازاقستاندىقتاردىڭ مايداندا جانە تىلدا كورسەتكەن باتىرلىعى مەن ەرجۇرەكتىگى تۋرالى جاستارعا جەتكىزۋ, پاتريوتيزمگە تاربيەلەۋ, ولاردىڭ بويىندا ەلىمىزدىڭ وتكەن تاريحىنا قۇرمەت سەزىمى مەن تاريحتى بىلۋگە دەگەن قىزىعۋشىلىعىن ارتتىرۋ ماقساتىن كوزدەدى.
شاراعا ۇلى وتان سوعىسىنىڭ ارداگەرلەرى – سوتسياليستىك ەڭبەك ەرى, ءى دارەجەلى داڭق, «قۇرمەت» وردەندەرىنىڭ جانە «ەرلىگى ءۇشىن» مەدالىنىڭ يەگەرى لەونيد كارتاۋزوۆ, ەڭبەك قىزىل تۋ, ءىىى دارەجەلى داڭق, «قۇرمەت» وردەندەرىنىڭ جانە «جاۋىنگەرلىك قىزمەتى ءۇشىن» مەدالىنىڭ يەگەرى قادام بەكەن, ەڭبەك ارداگەرى, تىل ەڭبەككەرى, بيولوگيا عىلىمدارىنىڭ كانديداتى, دوتسەنت بوستان شاحمانوۆ, ەڭبەك ارداگەرى, تىل ەڭبەككەرى, «ۇزدىك ەڭبەگى ءۇشىن» مەدالىنىڭ يەگەرى كۇلاش ىسقاقوۆا جانە پارتيا مۇشەلەرى قاتىستى.
قوناقتارعا ارنالعان سوزىندە «نۇر وتان» پارتياسى «بىرلىك» فيليالىنىڭ «ءمادەنيەت» باستاۋىش پارتيا ۇيىمى توراعاسىنىڭ ورىنباسارى, مادەنيەت جانە سپورت مينيسترلىگى ءدىن ىستەرى كوميتەتىنىڭ توراعاسى عالىم شويكين ارداگەرلەرگە جەڭىسكە قول جەتكىزۋدە جاۋىنگەرلىك ەڭبەگى مەن قاھارماندىق كۇش-جىگەرى جانە وسكەلەڭ ۇرپاقتىڭ بەيبىت ءومىر ءسۇرۋىن قامتاماسىز ەتۋگە قوسقان باعا جەتپەس ۇلەسى ءۇشىن ءوز العىسىن ءبىلدىردى. ونىڭ ايتۋىنشا, الدىڭعى قاتارلى جەتىستىكتەردە جانە قازىرگى زامانعى قازاقستاننىڭ تابىستى دامۋىندا سوعىستا جانە سوعىستان كەيىنگى مەملەكەتتىڭ قۇرىلىسىندا قيىنشىلىقتى باستان وتكەرگەن اعا ۇرپاقتىڭ ۇلەسى ايرىقشا باعالى. سوندىقتان, قازاقستاننىڭ بۇگىنگى ۇرپاعى وسىنى ەستە ۇستاپ, ەلىمىزدە بەيبىتشىلىكتى ساقتاۋ ءۇشىن بارلىعىن جاساۋ كەرەك دەپ, ءوز ويىن جەتكىزدى.
ۇلى وتان سوعىسىنىڭ ارداگەرلەرى لەونيد كارتاۋزوۆ پەن قادام بەكەن سوعىسقان جەرلەرىن, ماسكەۋ, ستالينگراد, تيراسپول, مينسك, كيشينەۆ, ۆارشاۆا قالالارىن ازات ەتۋ بويىنشا اسكەري وپەراتسيالار تۋرالى بايانداپ بەردى. سونىمەن قاتار, قوناقتار 1945 جىلى 9 مامىردا بەرلين قالاسىندا جەڭىس كۇنىن تويلاپ, رەيحستاگقا جەڭىس تۋىن تىگۋى تۋرالى ءوز ويلارىمەن ءبولىسىپ, قازاقستاندىق جاس ۇرپاقتارعا بەيبىتشىلىك, تۇراقتىلىق جانە ەلىمىزگە تىنىشتىق تىلەدى.
ل.كارتاۋزوۆ تىڭ يگەرۋ كەزىندە اتقارعان جۇمىستارى تۋرالى ايتىپ بەردى. سوعىستا ەكى اياعىنان ايىرىلعانىنا قاراماستان, تراكتورعا وتىرىپ, ءوزىنىڭ قاجىرلى ەڭبەگى ءۇشىن ەلىمىزدىڭ ەڭ جوعارى ماراپاتىنا يە بولعانىن جەتكىزدى.
تىل ەڭبەككەرلەرى ب.شاحمانوۆ پەن ك.ىسقاقوۆا اۋىل شارۋاشىلىعى سالاسىندا بالالار مەن ايەلدەردىڭ تاۋلىك بويى بارلىق حالىقپەن بىرگە مايدانعا قاجەتتى ازىق-ت ۇلىك ونىمدەرىمەن قامتاماسىز ەتۋ كەزەڭىندەگى ەڭبەك تىلىندا بولعان ءومىر قيىندىقتارىن ايتتى. ولار جاقىندارى مەن تۋىستارىنان ايىرعان اسكەري جانە اسكەردەن كەيىنگى ومىردە ورىن العان تاعدىرلارىنداعى قيىندىقتارى تۋرالى دا ايتتى.
كەزدەسۋگە شاقىرىلعان ارداگەرلەر قازاقستاندىق ۇرپاقتىڭ ساباقتاستىعىن تاعى دا اتاپ, ءوز قولدارىمەن «نۇر وتان» پارتياسىنىڭ جاڭادان قابىلدانعان مۇشەلەرىنە پارتيالىق بيلەتتەردى تاپسىردى. ارداگەرلەر جاس پارتيا مۇشەلەرىنە ءوز باتالارىن بەرىپ, قازاقستان پرەزيدەنتى – «نۇر وتان» پارتياسىنىڭ كوشباسشىسى ن.ءا.نازارباەۆتىڭ ساياساتىن جۇزەگە اسىرۋدا تابىستار تىلەدى.
كەزدەسۋ سوڭىندا «ءمادەنيەت» باستاۋىش پارتيا ۇيىمىنىڭ باسشىلارى ارداگەرلەردى كەلە جاتقان ۇلى وتان سوعىسىنداعى جەڭىستىڭ 71 جىلدىعىمەن تاعى دا قۇتتىقتاپ, ەستەلىككە سىيلىقتار تاپسىردى.
«ەگەمەن-اقپارات».
