العاشقى وتاندىق رەلس توسەلدى

كەشە «نۇرلى جول» باعدارلاماسى اياسىنداعى «الماتى-1–شۋ ۋچاسكەسىنىڭ ەكىنشى تەمىرجول قۇرىلىسى» نىسانىندا «اقتوبە رەلس ارقاۋى زاۋىتى» جشس تۇڭعىش ءونىمى – العاشقى رەلس توركوزىن توسەۋ سالتاناتىنا «قازاقستان تەمىر جولى» ۇك» اق پرەزيدەنتى اسقار مامين مەن الماتى وبلىسىنىڭ اكىمى اماندىق باتالوۆ قاتىستى. «ءبىز بۇگىن «نۇرلى جول» جاڭا ەكونوميكالىق ساياساتى مەن ۇدەمەلى يندۋستريالىق-يننوۆاتسيالىق دامۋ مەم­لەكەتتىك باعدارلاماسىنىڭ تابىستى ناتيجەسىن كورىپ وتىرمىز. زاۋىت ءونىمى قازاق­ستان ەكونوميكاسى ءۇشىن ستراتەگيالىق ماڭىزدى ءرول اتقارادى جانە ەكسپورتتىق الەۋەتى زور. ەندىگى جەردە رەلستەر وتاندىق ءونىم ءون­دىرۋشىلەردەن الىناتىن بولادى», دەپ اتاپ ءوتتى ا. مامين. الماتى1-شۋ تەمىرجول تەلىمىندە 110 شاقىرىمدىق ماگيسترالدىق جەلى سالىنادى. قازىردىڭ وزىندە بەلگى بەرۋ جانە بايلانىس, ەلەكترلەندىرۋ جەلىلەرى تارتىلۋدا. جوبانىڭ ءبىرىنشى كەزەگىن بيىلعى جىلى پايدالانۋعا بەرۋ جوسپارلانىپ وتىر. «جوبانى جۇزەگە اسىرۋ كەزىندە 1500 جۇمىس ورنى اشىلادى. اتالمىش جوبانىڭ ءبىزدىڭ ايماق ءۇشىن ستراتەگيالىق ماڭىزى زور», دەپ اتاپ ءوتتى الماتى وبلىسىنىڭ اكىمى امان­دىق باتالوۆ. الماتى1-شۋ تەمىر­جو­لى­نىڭ ەكىنشى جەلىسى ىسكە قو­­سىلعان كەزدە تەلىمنىڭ ءوت­كىزۋ قابىلەتى 2 ەسەگە ارتادى. جۇك پويىزدارىنىڭ جىل­دام­دىعى ارتىپ, باعدار­داعى ءجۇرۋ مەرزىمى قىسقارادى. بۇل قا­زاقستاننىڭ ترانزيتتىك الەۋە­­تىنىڭ وسۋىنە ىقپال ەتەدى. «ەگەمەن-اقپارات».