اسىق, توعىزقۇمالاق, كوكپار

بۇل ۇلتتىق ويىندار مەكتەپ باعدارلاماسىنا ەنەتىن بولدى وڭتۇستىك قازاقستان وبلىسىندا مەكتەپ باعدارلاماسىنداعى دەنە شىنىقتىرۋ ءپانىنىڭ جۇيەسى وزگەرمەكشى. الداعى وقۋ جىلىنان باستاپ اتالعان پانگە ۇلتتىق ويىندارعا ارنالعان جاڭا ساعاتتار ەنگىزىلەدى. – ءار سىنىپتىڭ وقۋشىلارى 9 ايدا كەم دەگەندە 102 ساعات دەنە تاربيەسى ساباعىنا قاتىسادى. ەندى ءبىلىم سالاسىنىڭ ماماندارى وسى ساعاتتاردىڭ تەڭ جارتىسىن ۇلتتىق ويىندارعا ارناۋدى ۇسىندى. بۇعان ەل اۋماعىنداعى سپورتتىق سايىستاردا ۇلتتىق ويىندار سانىنىڭ ارتۋى سەبەپ, – دەيدى وبلىستىق ءبىلىم باسقارماسىنا قاراستى ايماقتىق وقۋ-پراكتيكالىق دەنە تاربيەسى ورتالىعىنىڭ باسشىسى جانىبەك لەباەۆ. بۇگىندە ۇلتتىق ويىنداردى حالىقارالىق دەڭگەيدە دامىتۋ ماڭىزدى بولىپ وتىر. سوندىقتان دا كوشباسشى تولاعايلاردى ءتار­بيەلەۋ ءۇشىن ءبىلىم سالاسىنىڭ مامان­دارى جۇيەلى جوسپار جا­ساۋعا كىرىسكەن. ولار الدىمەن ءادىس­تەمەلىك كىتاپتاردى جيناقتاپ, جاڭا كادرلاردىڭ بىلىكتىلىگىن ارتتىرۋعا بەت بۇردى. ال 40 جىل ۇستاز بولعان راسيل بايكوۆ ۇلتتىق سپورت ءتۇرىنىڭ ءوڭىر­دە وركەندەۋىنە بىرنەشە كەدەرگى بار, دەيدى. – ەڭ الدىمەن ماتەريالدىق جاعىن ويلاستىرۋ كەرەك. عيمارات, سوسىن كوكپار ويىنىنا جىلقى قاجەت. سونداي-اق, جىلقىلارعا قارا­يتىن ادام تاعى كەرەك. مەن بىلىكتى جاتتىقتىرۋشى-پەدا­­گوگتار ماسەلەسىن ەكىنشى كەزەك­كە قويامىن. كوردىڭىز بە؟ ۇلت­تىق ويىن­داردى مەكتەپ باع­دار­لا­ماسىنا قوسۋ ءۇشىن قانشاما ما­شا­قاتتانۋعا تۋرا كەلەدى, – دەدى ول. دەسە دە ءبىلىم سالاسىنىڭ باسشىلارى بۇل ۋاقىتشا ماسەلە, كەدەرگىلەر ءبىر-ەكى جىلدا شەشىمىن تابادى. ءبىز كەلەشەك ۇرپاقتىڭ ۇلتتىق ويىنداردان قول ۇزبەۋىن, مەكتەپ تابالدىرىعىنان ولارعا وسىنى ۇيرەتۋدى كوزدەيمىز, دەدى. سونداي-اق, ايماقتىق وقۋ-پراك­تيكالىق دەنە تاربيەسى ورتا­لىعىنىڭ باسشىسى جانىبەك لەباەۆ: «الداعى وقۋ جىلىنان باستاپ توعىزقۇمالاق, كوكپار, اسىق اتۋ, اۋدارىسپاق, قازاقشا كۇرەس – 5 ۇلتتىق ويىن مەكتەپ باع­دارلاماسىنا ەنەدى. بۇل ءۇشىن قازىر جاڭا جوسپار-باعدار­لامالار ازىرلەنۋدە», – دەپ قىسقا قايىردى. تالعات رايىمبەك, «ەگەمەن قازاقستان». شىمكەنت.