مەكتەپ وقۋشىلارىنىڭ جاڭا كيىم ۇلگىسى

استاناداعى اتا-انالار قاۋىمىنا تانىستىرىلدى جاڭالىق ەلوردادا وتكەن وتاندىق وندىرۋشىلەردىڭ كورمەسى كەزىندە كورسەتىلدى. وعان ءبىلىم جانە عىلىم ءمينيسترى ەرلان ساعاديەۆ كەلىپ, وقۋشىلاردىڭ كيىمىنە جوعارى باعاسىن بەردى. ەندى وتاندىق تىگىن فابريكالارى فورمالاردى تىگۋمەن اينالىسادى. قولداعى دەرەكتەرگە قاراعاندا, بۇگىندە جەڭىل ونەركاسىپتە قىزمەت ەتىپ جاتقان قوسىمشا 55 تىگىن فاب­ريكاسى تاپسىرىستى ورىنداۋعا دايىن. مەكتەپ فورماسىنىڭ جىلدىق نارىعى – 30 ملرد. تەڭ­گە. دەمەك, وسىنشاما سوماعا وقۋ­شىلاردىڭ كيىمىن تىگۋگە بولادى. مەكتەپ كيىمىن تىگۋ ماسەلەسى ورتا ءبىلىم بەرۋ ۇيىمدارى ءۇشىن وقۋشىلاردىڭ مىندەتتى فورماسى تۋرالى بۇيرىق شىققاننان باستاپ قولعا الىندى. قازىرگى كەزدە ونى تىگۋگە, ديزاينىن جا­ساۋعا جان-جاقتان ۇسىنىستار كەلۋدە. ماسەلەن, الماتىلىق ءما­دي بەكداير دەگەن ستيليست مەكتەپ فورماسىن قازاقشا ناقىشتا تىگۋدى ۇسىنىپتى. ونىڭ ايتۋىنشا, كۇندەلىكتى تۇرمىستا ۇلتتىق نا­قىشتاعى كيىمدەردى كيۋدى وقۋ­شىلاردان باستاۋ كەرەك. – مەنىڭ ويىمشا, قازاقتىڭ ۇلتتىق كيىمدەرىن كيۋدى كۇن­دەلىكتى تۇرمىسقا ەنگىزۋ قاجەت. بۇل وتە ادەمى كورىنىس بولادى. مى­سالى, ۇندىستانعا نەمەسە افري­كاعا بارساق, سول ەلدىڭ ۇلت­تىق كيىمىن كيىپ جۇرگەن ادامداردى ءجيى كەزدەستىرەمىز. الىسقا بارماي-اق, كورشى تۇرىكمەنستاندا دا جۇرت ۇلتتىق كيىممەن جۇرەدى. ءبىزدىڭ ەلدە ۇلتتىق كيىمدى كيۋدى بانك قىزمەتكەرلەرى مەن ستيۋاردەسسالاردان باستاساق, جالعاسىن تابادى دەگەن ويدامىن. مەكتەپ وقۋشىلارىنىڭ كيىمدەرى دە ۇلتتىق ناقىشتا جاسالسا كەرەمەت بولار ەدى, – دەدى ول. ازىرگە بۇل ۇسىنىسقا جاۋا­پ كەلگەن جوق. ال قازاقستان جە­ڭىل ونەركاسىبى كاسىپورىندارى قاۋىمداستىعىنىڭ پرەزيدەنتى ليۋبوۆ حۋدوۆا  الدىمەن وقۋ­شىلاردىڭ كيىمىن ءوزى­مىزدىڭ وتاندىق فابريكالار تىگۋى كەرەكتىگىن, سودان كەيىن مەك­تەپ فورماسىن ساتىپ الۋعا مەملەكەتتىك تاپسىرىس­تى ەن­گىزۋ قاجەتتىگىن ايتتى. ول بالالار كيىمىنىڭ كوبىنە شەتەلدەن اكەلىنەتىنىن, قازىرگى كەزدە قىتاي, قىرعىزستان مەن تۇركيانىڭ كيىمدەرى وتاندىق نارىقتى جاۋ­لاپ العانىن اتاپ ءوتتى. رۇستەم جۇمان.