باس ۇيىم وكىلىمەن كەزدەستى

كەشە اقوردادا مەملەكەتتىك حاتشى گۇلشارا ابدىقالىقوۆا بۇۇ-نىڭ قازاقستانداعى جاڭادان تاعايىندالعان رەزيدەنت-ۇيلەستىرۋشىسى – بۇۇ دامۋ باعدارلاماسىنىڭ ەلىمىزدەگى تۇراقتى وكىلى نوريماسا شيمومۋرامەن كەزدەستى. كەزدەسۋ بارىسىندا تاراپتار قازاقستان مەن بۇۇ اراسىنداعى ىنتىماقتاستىق قارقىندى دامىپ كەلە جاتقاندىعىنا نازار اۋداردى. سونداي-اق, جيىندا 2015 جىلى بۇۇ باس حاتشىسى پان گي مۋن جانە بىرقاتار ارناۋلى اگەنتتىكتەردىڭ باسشىلارى قازاقستانعا ساپارمەن كەلگەنى, بىلتىر كۇزدە قازاقستان پرەزيدەنتى نۇرسۇلتان نازارباەۆتىڭ بۇۇ باس اسسامبلەياسىنىڭ 70-ءشى سەسسياسىنىڭ جۇمىسىنا جانە جوعارى دەڭگەيدەگى تاقىرىپتىق سامميتتەرگە قاتىسقانى اتاپ ءوتىلدى. «ءبىز بىرىككەن ۇلتتار ۇيىمىنىڭ باس حاتشىسى پان گي مۋننىڭ ەلىمىزگە 2015 جىلعى ساپارىن جوعارى باعالايمىز. ول وتە مازمۇندى بولدى. قازاقستان پرەزيدەنتى بۇۇ-مەن ءوزارا قارىم-قاتىناسقا ەرەكشە نازار اۋدارادى. جۋىردا عانا «الەم. ءححى عاسىر» مانيفەسى جاريالاندى. وندا مەملەكەت باسشىسى بۇۇ-نىڭ الەمدى قارۋسىزداندىرۋ ماسەلەلەرىندەگى رولىنە ەرەكشە توقتالدى», – دەدى گ.ابدىقالىقوۆا. بۇدان بولەك, مەملەكەتتىك حاتشى «قا­زاقستان-2050» ستراتەگياسىنىڭ, «نۇرلى جول» مەملەكەتتىك باعدارلاماسىنىڭ جانە بەس ينستيتۋتتىق رەفورمانىڭ نەگىزگى باعىتتارى بۇۇ باس حاتشىسىنىڭ بەس­جىلدىق ءىس-قيمىل باعدارلاماسىنىڭ باسىم­دىقتارىمەن, مىڭجىلدىق دامۋ ماقسات­تارىمەن (مدم) جانە بۇۇ-نىڭ تۇراقتى دامۋ ماقساتتارىمەن (تدم) ۇيلەسىمدى ەكەندىگىن جەتكىزدى. سونىمەن بىرگە, گ.ءابدى­قا­لىقوۆا الداعى ماۋسىمدا قا­زاقستان بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە ساي­­لانعان جاعدايدا ادامزات ال­دىنداعى سىن-قاتەرلەردى شەشۋ ءىسى­نە قوماقتى ۇلەس قوسۋعا, سونى­مەن قاتار, ورتالىق ازيا ءوڭىرى ماسەلەلەرىنە حالىقارالىق قو­عامداستىقتىڭ نازارىن اۋدارۋعا دايىن ەكەنىن مالىمدەدى. ودان ءارى مەملەكەتتىك حاتشى بۇۇ دامۋ باعدارلاماسىمەن ءبىر­لەسە قارجىلاندىرىلاتىن جوبا­لار اياسىندا استاناداعى مەم­لەكەتتىك قىزمەت ىستەرى ءجونىن­دەگى وڭىرلىك حابتى دامىتۋ, الما­تىداعى كوپجاقتى ديپلوماتيا ورتالىعىن زاڭنامالىق ءتۇر­دە راسىمدەۋ, «KazAid» دامۋ­عا قولعابىس كورسەتۋ ءجونىن­دەگى اگەنتتىگى جۇمىسىن ىلگەرىلە- تۋ, سونداي-اق, «استانا ەكسپو-2017» حالىقارالىق كور­­­مەسىنە داي­ىندىق بويىنشا بار­­لىق باعىتتا سەرىكتەستىكتى جال­عاستىرۋعا قىزىعۋشىلىق ءبىلدىردى. گ.ابدىقالىقوۆا قازاق­ستان­نىڭ گەندەرلىك تەڭدىك جانە ايەل­دەردىڭ قۇقىقتارى مەن ءمۇم­كىندىكتەرى اياسىن جۇيەلى تۇردە كەڭەيتىپ كەلە جاتقانىن ءسوز ەتتى. ول وسى ورايدا بيىلعى ناۋ­رىز ايىندا قازاقستاندىق دەلە­گا­تسيانىڭ نيۋ-يوركتەگى بۇۇ ايەلدەر جاعدايى جونىندەگى كو­ميس­سياسىنىڭ 60-شى سەسسياسىنا قاتىسۋىن اتادى. ال نوريماسا شيمومۋرا قا­زاقستاندا كوپتەگەن ماڭىزدى رەفورمالار جۇزەگە اسىرىلىپ جاتقانىن ايتا كەلىپ, ەلىمىزدىڭ حالىقارالىق ارەنادا دا جۇيەلى جۇمىستار اتقارىپ وتىرعانىن, پرە­زيدەنتتىڭ بىلتىرعى جىل­عى قىركۇيەكتە بۇۇ باس اس­سام- ­بلەياسىندا قولداۋعا يە بول­عان بىرقاتار حالىقارالىق باس­تاما كوتەرگەنىن اتاپ ءوتتى. مەملەكەتتىك حاتشى كەزدەسۋ سوڭىندا ن.شيمومۋراعا قا­زاق­ستان مەن بۇۇ دامۋ باع­دار­لاماسى اراسىنداعى ۇنقاتىسۋ مەن ءوزارا تۇسىنىستىكتى نىعايتۋ جولىندا اتقاراتىن جۇمىستارىنا تابىس تىلەدى. جولدىباي بازار, «ەگەمەن قازاقستان».