قۇپتايمىن جانە قولدايمىن
يادرولىق قارۋلانۋ ۇدەرىستەرى جاڭادان ورىستەي ءتۇسىپ وتىرعان جاعدايدا قازاقستان پرەزيدەنتى ن.نازارباەۆتىڭ ازيا مەن تاياۋ شىعىستا يادروسىز ايماق قۇرۋ تۋرالى ۇسىنىسى ۇلكەن ماڭىزعا يە. قازاقستاننىڭ سوڭعى 10 جىل ىشىندەگى انتيادرولىق باستامالارىن قۇپتايمىن جانە قولدايمىن. قازاقستان باسشىلىعىنىڭ كەيبىر ەلدەردىڭ جاپپاي قىرىپ-جوياتىن قارۋعا قول جەتكىزۋگە ۇمتىلىپ, حالىقارالىق قوعامداستىقتى تۇراقسىزدىققا يتەرمەلەپ وتىرعان جاعدايىندا, وسى قاۋىپتى ءۇردىستىڭ كەڭ قانات جايماۋىنا اسا ۇلكەن ۇلەس قوسىپ وتىرعانىن اتاپ كورسەتكەن ابزال. ورتالىق ازياداعى يادروسىز ايماق مىسالىنان ءبىز اتالعان شارتتىڭ ءوزىنىڭ قورعاۋ قىزمەتىن ورىنداپ, ورتالىق ازياداعى بارلىق ەلدىڭ قاۋىپسىزدىگىن قامتاماسىز ەتىپ قانا قويماي, ولاردى جاپپاي قارۋلانۋدان باس تارتۋدان ساقتاندىرىپ كەلە جاتقانىن كورىپ وتىرمىز. قازاقستاننىڭ كۇش-جىگەرى يادرولىق دەرجاۆالار اراسىنداعى دۇردارازدىق تاۋەكەلىنىڭ ايتارلىقتاي تومەندەۋىنە دە وڭ ىقپال ەتۋدە. استانانىڭ قارۋسىزدانۋ, قارۋلانۋعا باقىلاۋ جاساۋ, يادروسىز ايماقتار قۇرۋ جانە يادرولىق ارسەنالداردى قىسقارتۋ جونىندەگى جاڭا كەلىسىمدەر جاساسۋ بويىنشا بەلسەندىلىگى باسقا ەلدەر ءۇشىن ۇزدىك ۇلگى بولىپ تابىلادى. مەن قازاقستان باسشىلىعىنا اتالعان باستامالاردى جۇزەگە اسىرۋدا تابىستار تىلەيمىن. اكسەل فيشەر, گەرمانيا بۋندەستاگىنىڭ دەپۋتاتى, ەۋروپالىق كەڭەستەگى ەۋروپا حالىق پارتياسى فراكتسياسىنىڭ توراعاسى.
باس تارتۋ باستاماسى باسقالارعا ۇلگى
يادرولىق قاۋىپسىزدىك جونىندەگى سامميت حالىقارالىق قوعامداستىقتىڭ يادروسىز الەم قۇرۋ جونىندەگى بەلسەندىلىگىنىڭ ماڭىزدى تەمىرقازىعى بولىپ تابىلادى. قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ مۋلتيپوليارلى الەمنىڭ تاۋەكەلدەرىن, شىن مانىندە, ءدوپ باستى. وسى ورايدا ايتقاندا, ورتالىق ازياعا گەوگرافيالىق جاعىنان جاقىن ورنالاسقان سولتۇستىك كورەيانىڭ يادرولىق سىناقتار جۇرگىزۋى بۇكىل ءوڭىر ءۇشىن قاۋىپتى سىن-قاتەر بولىپ قالىپ وتىر. سوندىقتان قازاقستان, ەش قاۋىپتەنبەستەن, ءوزىنىڭ يادرولىق قارۋدان باس تارتۋ ۇلگىسىن باسقالارعا اشىق جاريالاپ كەلەدى. ءبىز تەك وسىنداي جولمەن عانا ۇزاق مەرزىمدى جانە ورنىقتى الەمدى قامتاماسىز ەتە الاتىن بولامىز. الەكساندر رار, جۋرناليست, ساياساتتانۋشى, كوسەمسوزشى.
