مايتالماندار ماراپاتتالدى

تەاتر – حالىقتى ادامگەرشىلىك پەن ىزگىلىككە تاربيەلەۋدىڭ اسا ماڭىزدى قۇرالى. وسىناۋ ۇلىق ونەردىڭ تاريحي جاعىنان قالىپتاسىپ, دامۋ, ءوسىپ-وركەندەۋ جولى ءاربىر ۇلتتىڭ, ءار حالىقتىڭ ءومىر- تۇرمىسىمەن, مادەنيەتىمەن تىعىز بايلانىستى. سوندىقتان, بۇل مەرەيلى داتانى, ياعني تەاتر كۇنىن ءوز دەڭگەيىندە اتاپ ءوتۋ باس قالانىڭ مادەني ومىرىندە دە داستۇرگە اينالعان.  تاياۋدا حالىقارالىق تەاتر كۇنىنە وراي ەلورداداعى جاستار تەاترىندا مەرەكەلىك شارا ءوتتى. كەشكە جاستار تەاترى, ق.قۋانىشباەۆ اتىنداعى قازاق اكادەميالىق مۋزىكالىق-دراما تەاترى, م.گوركي اتىنداعى ورىس اكادەميالىق تەاترى, استانا قالاسى كوڭىلدى تاپقىرلار مەن قۋىرشاق جانە «ناز» مەملەكەتتىك بي تەاترلارى قاتىسىپ, كوپشىلىك قاۋىمعا كوتەرىڭكى كوڭىل-كۇي سىيلادى. بۇل كۇنى استانا قالاسىنىڭ تەاترلارى ساحنا مەن ساحنا سىرتىنداعى قىزىقتى ساتتەر, ادەمى اۋەزدى اۋەن, مينياتيۋرالار كورسەتىپ, ءبىر سەرپىلتىپ تاستادى. باعدارلاما بارىسىندا استانا قالاسى اكىمىنىڭ ورىنباسارى ەرمەك امانشاەۆ ەلوردالىق تەاتر ۇجىمدارىن ءتول مەرەكەلەرىمەن قۇتتىقتاپ, ولارعا شىعارماشىلىق تابىس پەن شابىت تىلەدى. سونداي-اق, ۇزدىك اكتەرلەرگە, تەاتر سالاسىنىڭ مايتالمان ماماندارى مەن جەتى تەاتردىڭ ارتىستەرى ەلوردا اكىمى ادىلبەك جاقسىبەكوۆتىڭ اتىنان ارنايى العىس حاتتارمەن ماراپاتتالىپ, سىيلىقتار تابىس ەتىلدى. كەش سوڭىندا استانا قالالىق مەملەكەتتىك فيلار­مونيا­سىنىڭ شىعارماشىلىق ۇجىمى كونتسەرت بەردى. سونداي-اق, تەاتر فويەسىندە تەاترلار كورمەسى ءوتتى. راۋشان تاۋىرحانقىزى, «ەگەمەن قازاقستان».