ىنتىماقتاستىققا ءورىس كەڭ

وتكەن سايلاۋ قازاقستان مەن ەقىۇ جانە ونىڭ ينستيتۋتتارىنىڭ ءداستۇرلى تۇردە بەلسەندى ىنتىماق­تاس­تىعىن قۋاتتاپ بەردى. بۇل ماسەلە كەشە بولعان قازاق­ستان رەسپۋبليكاسىنىڭ سىرتقى ىستەر ءمينيسترى ەرلان ىدىرى­سوۆتىڭ ەقىۇ/دياقب-نىڭ كەزەكتەن تىس پارلامەنتتىك ساي­لاۋدى بايقاۋ جونىندەگى ميسسياسىنىڭ باسشىسى بوريس فرلەتسپەن وتكىزگەن قورىتىندى كەزدەسۋىندە كولدەنەڭ تارتىلدى.  كەزدەسۋ بارىسىندا, سونداي-اق, قازاقستان سىرتقى ساياسات ۆەدومستۆوسىنىڭ باسشىسى ميسسياعا اتقارعان جۇمىسى ءۇشىن ريزاشىلىعىن ءبىلدىرىپ, ەقىۇ/دياقب-نىڭ سايلاۋدىڭ ءتيىمدى ۇيىمداستىرىلعانى مەن وسى سالاداعى ميسسيا تاراپىنان اتاپ وتىلگەن پروگرەسس تۋرالى وڭ باعاسى ءۇشىن راحمەتىن ايتتى. ب.فرلەتس ءوز كەزەگىندە ەقىۇ/دياقب ميسسياسىنىڭ شاقى­رىلعانىنا, ونىڭ قازاقستانداعى جۇمىسى مەن پراكتيكالىق قىزمەتى ءۇشىن ۇيىمداستىرۋشىلىق وڭ ىقپال جاسالعانىنا ريزاشىلىعىن ءبىلدىردى. ميسسيا باسشىسى ەقىۇ/دياقب ءارى قاراي دا قازاقستانعا ونىڭ سايلاۋ زاڭناماسىن جەتىلدىرۋ باعىتىندا كومەك قولىن سوزۋعا دايىن ەكەنىن اتاپ كورسەتتى. بۇل ورايدا, ول وسى ۇدەرىستىڭ ناقتى ءپىشىمى مەن تەتىگىن ءوز احۋالى مەن مۇمكىندىگىنە قاراي ءار ەلدىڭ ءوزى انىقتايتىنىن كولدەنەڭ تارتتى. ە.ىدىرىسوۆ داۋىس بەرۋ ناتيجەسى قازاقستاندىق سايلاۋ­شىلاردىڭ مەملەكەتتىڭ ءارى قاراي­عى تۇراقتى دامۋ باعىتىن قولداي­تىنىن كورسەتىپ بەرگەنىن اتاپ ءوتتى. سونىمەن قاتار, مينيستر ب.فرلەتسكە تابىستى جۇزەگە اسىرىلىپ كەلە جاتقان ادام كاپيتالى­نا ينۆەستيتسيا سالۋ ساياساتى تۋرالى ايتا كەلىپ, قازاقستاندا قۇرىل­عان جاڭعىرتۋ جونىندەگى ۇلت­تىق كوميسسيا مەن بەس ينستي­تۋت­تىق رەفورما جايىندا اڭگى­مەلەپ بەردى. بەس ينستيتۋتتىق رەفورمانىڭ ماقساتى, دەدى مينيستر, جوعارى كاسىبي ۇكىمەت قالىپ­­تاستىرۋ, زاڭ ۇستەمدىگىن قام­تاما­سىز ەتۋ, مەملەكەتتىڭ ەسەپتىلى­گىن ارتتىرۋ مەن ەكونوميكانى ءارتاراپتاندىرۋ. كەزدەسۋ قورىتىندىسى بويىنشا, قازاقستاننىڭ ەقىۇ-مەن جانە ونىڭ ينستيتۋتتارى­مەن ءداستۇرلى بەلسەندى ىنتى­ماق­تاس­تىعىن ءارى قاراي نىعايتۋ تۋرالى ۋاعدالاستىققا قول جەتكىزىلدى. «ەگەمەن-اقپارات».