17 وتباسى باسپانالى بولدى

ناۋرىز مەيرامى قارساڭىڭدا قالا اكىمدىگىنىڭ عيماراتىندا «قولجەتىمدى باسپانا-2020» مەملەكەتتىك باعدارلاماسىنىڭ «قا­زاقستان يپوتەكالىق كومپانياسى» يپوتە­كا­لىق ۇيىمى» اكتسيونەرلىك قوعامى تۇرعىن ءۇيى باعىتى بويىنشا پاتەرلەر كىلتتەرىن تابىستاۋ سالتاناتى بولدى. قالا اكىمى بەكبول ساعىن مەرەكەلىك شاراعا قاتىسۋشىلاردى ۇلىستىڭ ۇلى كۇنىمەن قۇتتىقتاپ, جەرگىلىكتى اتقارۋشى ورگاندا كەزەكتە تۇرعان 17 ازاماتقا №12 شاعىن اۋدانداعى «كەڭدالا» جانە №41 رازەزدەگى «التىن دالا» تۇرعىن ءۇي كەشەندە­رىنەن سۋ جاڭا پاتەرلەردىڭ كىلتتەرىن تابىستادى. جالدامالى پاتەرلەر كەزەكتە تۇرعان بيۋدجەتتىك جانە مەملەكەتتىك قىزمەتكەرلەرگە, تولىق ەمەس, كوپ بالالى جانە مۇگەدەك بالالارى بار وتباسىلارعا, جەتىم, اتا-انا­سى­نىڭ قامقورلىعىنسىز قالعان بالالارعا, اسكەري قىزمەتشىلەرگە بەرىلدى. – اتالعان باعدارلاما بويىنشا ۇمىتكەرلەردىڭ ءتىزىمى كەزەك­تەگى ازاماتتاردان قۇجاتتار قا­بىلدانعاننان كەيىن قالا اكىم­دىگى جانىنداعى كوميسسيا­سى قۇ­رىلىپ, «بايتەرەك» ۇلتتىق باس­قارۋشى حولدينگى» اق قازاقستان يپوتەكالىق كومپانياسىنا تولەم قابىلەتتەرىن انىقتاۋ ءۇشىن جولدانادى. تولەم قابىلەتتەرىن راستاعان ازاماتتار بۇگىن تۇرعىن ءۇي الۋدا. تاعى 20 ازامات وسى تۇرعىن ۇيلەردەن پاتەر الۋ ءۇشىن تولەم قابىلەتتەرىن راستاۋدا. «كەڭدالا» جانە «التىن دالا» تۇرعىن ءۇي كەشەنىندەگى تۇرعىن ءۇيدىڭ ورتاشا قۇنى 1 شارشى مەترى ءۇشىن ايىنا 901 تەڭگە جانە 913 تەڭگە شاماسىندا بولادى. جالدامالى تۇرعىن ءۇي الدىن الا تولەمسىز, ساتىپ الۋ قۇقىعىمەن 20 جىلدىق مەر­زىمگە بەرىلەدى. بۇل مەرزىم وتكەننەن كەيىن تۇرعىن ءۇي جالعا الۋشىنىڭ جەكە مەنشىگىنە وتەدى. تۇرعىن ءۇيدى 5 جىل جالداعاننان كەيىن قالدىق قۇنى بويىنشا اي سايىنعى قالعان جالداۋ اقىسىمەن ساتىپ الۋعا بولادى. قازىرگى تاڭدا ۇستىمىزدەگى جىلعى 18 ناۋرىزعا دەيىن كەزەكتەگى ازاماتتاردان «باتىس-1» شاعىن اۋدانىنداعى 192 پاتەرگە جانە لەنينگرادسكايا كوشەسىندەگى 9 پاتەرگە ەلەكتروندى نۇسقادا قۇ­جات­­تار قابىلدانۋدا. سونىمەن قا­تار, «جاس وتباسىلارعا ارنالعان تۇرعىن ءۇي» باعدارلاماسى بويىنشا «نۇر اقتوبە» اۋدانىنداعى 234 پاتەرگە ازاماتتاردىڭ تولەم قا­بىلەتتەرىن تەكسەرۋ بويىنشا جۇمىستار جالعاسۋدا, – دەدى بەكبول ساعىن. سۋ جاڭا باسپانالى بولعاندار حالقىمىزدىڭ ۇلىق مەرەكەسىمەن قاتار قونىس تويىن تويلايتىن­دارىنا ءدان ريزا. داعدارىس جاع­دايىندا دا وسىن­داي قولجەتىمدى باسپانا الۋ قۋانىشتارىنىڭ ناۋرىز مە­رەكەسىمەن تۇسپا-تۇس كەلۋىن جاق­سى­لىققا بالاپ, شات-شادىمان بولۋ­دا, وسىنىڭ بارلىعى ەلباسى­نىڭ سا­­رابدال ساياساتىنىڭ ناتيجەسى دەپ باعالاۋدا. شاھار باسشىسى اتاپ ءوت­كەن­دەي, اقتوبە قالاسىندا مەم­لەكەت باسشىسىنىڭ باستاما­لارىن جۇزەگە اسىرۋ بارىسىن­دا تۇرعىن ءۇي قۇرىلىسى باعدار­لامالارى جۇزەگە اسىرىلىپ, 2013 جىلدان باستاپ بۇگىنگى كۇنگە دەيىن 4 215 وتباسى باس­پا­نالى بولعان. جانە دە بۇل جۇ­­مىستار الدا دا ءوز جالعاسىن تابا بەرمەك. قالادا تۇرعىن ءۇي كەزەگىندە 17 مىڭنان استام ازامات تۇر. مۇمكىندىگىنشە, سولاردىڭ بارلىعىن تاياۋ جىلداردا باسپانالى ەتۋ مىندەتى قويىلۋدا. بيىل «نۇر اقتوبە» شاعىن اۋدانىندا «تۇرعىنۇيقۇرىلىسجيناق» بانكى اق جۇيەسى بويىنشا قۇرىلىسى وتكەن جىلى باستالعان 540 پاتەرلى 10 بلوك-سەكتسيالى 3 ءۇي تاپسىرىلادى دەپ كۇتىلۋدە. داعدارىسقا قارسى باعدارلاما اياسىندا وبلى­سى­مىزعا قوسىمشا قاراجات ءبولى­نەتىن بولدى. «نۇر اقتوبە» تۇر­عىن ءۇي الا­بىنىڭ №3 جانە №4 شاعىن اۋداندارىندا جالدامالى تۇرعىن ۇيلەردى سالۋ قا­راس­تىرىلعان. بيىل مۇندا 1728 پاتەرلىك 9 تۇرعىن ءۇيدى سالۋ جوس­پارلانىپ وتىر. ساتىبالدى ءساۋىرباي,  «ەگەمەن قازاقستان». اقتوبە وبلىسى.