«بۇگىنگى كۇننىڭ روبين گۋدى» زاڭ جۇزىندە جازاعا تارتىلدى

قاراعاندىدا ءبىر ۇرىلار توبى­نىڭ ۇرلاعان زاتتارىن بالالار ۇيىنە تاپسىرعانى تۋرالى اقپار بۇدان بىرقاتار ۋاقىت بۇرىن تاراپ ەدى. «باقسام, باقا ەكەن» دەمەك­شى, ناعىز كانىگى ءۇش باۋكەسپەدەن تۇ­راتىن قىلمىستىق توپتى ەدۋارد سەمين دەگەن باسقارىپتى. ول بۇعان دەيىن قاراقشىلىق شابۋىل جا­ساعانى ءۇشىن تۇرمەدە جازاسىن وتەپ كەلگەن باسبۇزاردىڭ ءوزى ەكەن. ال بوستاندىققا شىققاننان كەيىن جاس شامالارى 18 بەن 20-نىڭ ارالىعىنداعى ەكى سىبايلاستى تاۋىپ الىپ, ءوزىنىڭ ەجەلگى ىسىمەن قايتا تابىسقان. قىلمىستىق توپ نەگىزىنەن قالا شەتىندەگى گاراجداردى توناۋمەن اي­نالىسىپ كەلگەن. ولار بۇل مەكەن­دەردىڭ ەسىكتەرىن بۇزىپ كىرىپ, ىشىندەگى دۇنيە-م ۇلىكتىڭ ءبىرىن دە قالدىرماي الىپ كەتىپ ءجۇرىپتى. بىردە ولار جايما بازارداعى تەمىر كونتەينەرگە ءتۇسىپ, قۇنى شامامەن العاندا, 1 ميلليون تەڭگە تۇراتىن كيىم-كەشەك پەن اياق كيىمدى ۇپتەپ كەتەدى. تاۋاردىڭ كوپتىگى سونداي, ۇرىلار ونى قايدا اپارىپ قويارىن بىلمەي ساسىپتى. سودان ويلانا كەلىپ, قولدى بولعان تاۋاردىڭ ءبىراز بولىگىن بالالار ءۇيى­نە اپارىپ, تەگىن تاراتىپ بەرگەن. جەتىمدەر ۇيىندە ولار وزدەرىن قايى­رىمدىلىق ىسىمەن اينالىسىپ جۇرگەن كاسىپكەرلەر رەتىندە تانىستىرىپتى. الايدا, «قايىرىمدى جاندار­دىڭ» كوپ ۇزاماي ارتى اشىلىپ قا­لادى. جەزقازعان قالالىق سوتى توپ سەركەسىن ءۇش جىلعا باس بوستاندى­عىنان ايىرسا, جانىنداعى ەكى سەرى­گىنە ەكى جىلدان جازا بەردى. قايرات ءابىلدينوۆ, «ەگەمەن قازاقستان». قاراعاندى وبلىسى. جەزقازعان قالاسى.