تاتۋلىقتى تۋ ەتكەن تولەرانتتىلىق

اقتوبەدەگى قازاق-ورىس حالىقارالىق ۋني­ۆەر­سيتەتىندە «ءبىز – ۇلى دالا ەلىنىڭ جاستارىمىز» اتتى تولەرانتتىلىق فەستيۆالى بولىپ ءوتتى. بۇل شاراعا ءوڭىر باسشىسى بەردىبەك ساپارباەۆ جانە وبلىستا تۇراتىن ءتۇرلى ۇلت وكىلدەرىنىڭ جاس­تارى قاتىستى. فەستيۆالدى تاياۋدا عانا قالا­لىق ىشكى ساياسات ءبولىمى جانىنان قۇرىلعان «اقتوبە جاستارى» كمك ۇيىمداستىردى. ونىڭ بەلسەندى وكىلدەرى تاربيە مەن بىرلىك سەزىمى وسكەلەڭ ۇرپاقتىڭ بويىندا تاۋەلسىز قازاقستاننىڭ باستى مەملەكەتتىك ساياساتىن بەكىتە تۇسەتىنىنە سەنىمدى. وبلىستىق جاس­تار ساياساتى باسقارماسىنىڭ باسشىسى داريعا يسماعامبەتوۆانىڭ ايتۋىنا قاراعاندا, شارانىڭ باس­تى ماقساتى «قازاقستاندىقتار – ءبىر وتباسى» يدەياسىن ناسيحاتتاۋ, سونىمەن بىرگە, ەلدە بەيبىتشىلىكتى ۇستاپ تۇراتىن ۇرپاق تاربيەلەۋ بولىپ تابىلادى. «100 ناقتى قادام» ۇلت جوسپارىنا سايكەس, «ءۇل­كەن مەملەكەت – ۇلكەن وتباسى» قادامى ازاماتتىق قوعام قا­لىپ­تاستىرۋدا قازاقستان­دىق­تاردىڭ بىرەگەيلىگىن كورسە­تەدى. فەستيۆال اياسىندا 11 ەكسپوزي­تسيادان تۇرا­تىن قا­زاق­ستان تاريحى مەن مادەنيەتىن, ۇلتتىق كيىم ۇلگىلەرى مەن تاعام تۇرلەرىن قام­تي­تىن كورمە ۇيىمداستىرىلدى. «دوستىق كونۆەيەرى» اتتى دوڭگەلەك ۇستەلدىڭ قاتىسۋشىلارى حالىقتار اراسىنداعى دوستىق قارىم-قاتى­ناستى ودان ءارى دامىتۋ بارىسىن تالقىلاپ, قازاقستان حالقى جاس­تار اسسامبلەياسىن قۇرۋ تۋرالى شەشىمگە كەلدى. فەستيۆال قاتىسۋشىلارى «ەل­­باسى جولى» فيلمىنەن ءۇزىندى كور­دى. شارا سوڭىندا فلەش-موب ۇيىمداستىرىلىپ, بارلىعى دوستىق ءبيى مەن جاس­تار ءانۇرانىن ورىندادى. ساتىبالدى ءساۋىرباي, «ەگەمەن قازاقستان». اقتوبە وبلىسى.