«اتوم» جوباسى – بەيبىتشىلىك ءۇشىن

يادرولىق قارۋسىز الەم – بۇل قازاقستاننىڭ باستى ماق­ساتى. مەملەكەت باسشىسى ن.ءا.نازارباەۆتىڭ باستاماسىمەن «اتوم» جوباسى قۇرىلىپ, ونى جۇزەگە اسىرۋ بويىنشا بىرقاتار جۇمىستار اتقارىلدى. ايتا كەتۋ كەرەك, اتالعان جوبا بويىنشا سەمەي سىناق پوليگونىنداعى يادرولىق جارىلىستاردان زارداپ شەككەندەردى الەۋمەتتىك قورعاۋ بويىنشا ءىس-شارالاردى جەتىلدىرە تۇسۋگە ەرەكشە كوڭىل بولىنگەن. بۇل رەتتە, رادياتسيالىق مەدي­تسينا مەن ەكولوگيا عىلى­مي-زەرت­تەۋ ينستيتۋتى جارىلىس­تار­­دىڭ مە­ديتسينالىق جانە راديو­ەكو­لوگيالىق سالدارىن انىقتاۋدا ءتۇرلى زەرتتەۋ جۇمىستارىن ءجۇر­گىزۋدە. ات­قارىلعان جۇمىستاردى تالقىلاۋ ماق­ساتىندا سەمەي قالاسى اكىمدىگىندە شىعىس قازاقستان وبلىستىق جۇمىسپەن قامتۋ جانە الەۋمەتتىك باعدارلامالاردى ءۇي­لەستىرۋ باسقارماسىنىڭ ۇيىم­داس­تىرۋىمەن دوڭگەلەك ۇستەل ءوتتى. ونىڭ بارىسىندا سە­مەي يادرو­لىق سىناق پوليگونىنان زارداپ شەك­­كەن ازاماتتاردى الەۋمەتتىك قولداۋ مەن مەديتسينالىق قىزمەت كورسەتۋ تۋرالى ەگجەي-تەگجەيلى اڭگىمە قوز­عالدى. – بۇگىندە سىناقتاردان زارداپ شەككەن 290 مىڭ 405 ادام ەڭبەكاقىلارىنا قوسىمشا ۇستەمە اقى الىپ وتىر, – دەدى دەنساۋلىق ساقتاۋ جانە الەۋمەتتىك دامۋ مي­نيس­تر­لىگىنىڭ الەۋمەتتىك كومەك دە­پارتامەنتىنىڭ ديرەكتورى ارمان ومىرباەۆ. – جىل باسىنان بەرى وسى ساناتتاعى 194 ادام باسپاناعا قول جەتكىزدى. جانە ەلىمىزدىڭ بۇۇ-نىڭ «مۇگەدەكتەردىڭ قۇقىقتارى تۋرالى» كونۆەنتسياسىن راتيفيكاتسيالاۋى دا ءوز جەمىسىن بەرۋدە. قازاقستان تمد ەلدەرى اراسىندا «ارنايى الەۋمەتتىك قىزمەتتەر تۋرالى» زاڭدى ءبىرىنشى بولىپ قا­بىلدادى. وسىعان وراي قىزمەت كورسەتۋدىڭ ستاندارتتارى ەنگىزىلدى. ەلىمىزدىڭ 14 وڭىرىندە مۇمكىندىگى شەكتەۋلى جاندارعا ارنالعان 47 كۇندىزگى بولىمشە اشىلدى. وتكەن جىلى اتالعان بولىمشەلەر ەكى مىڭ ادامعا الەۋمەتتىك قىزمەت كور­سەتتى. ناتيجەسىندە بالالار ءۇيى مەن ين­تەرناتتاردان 492 بالا وتباسىلارىنا ورالدى. جارىمجان بالالارىن كۇندىزگى بولىمشەلەرگە قالدىرۋعا مۇمكىندىك العان 600-گە جۋىق اتا-انا جۇمىسقا ورنالاستى.  راۋشان نۇعمانبەكوۆا. سەمەي.