باس پروكۋراتۋرا باقىلاۋىندا

ءتۇرلى بۇقارالىق اقپارات قۇرال­دارى مەن الەۋمەتتىك جەلىلەردە بۇرىنعى پوليتسيا قىزمەتكەرى ماناربەك وتەۋوۆتىڭ اتىراۋ قا­لاسى ءىىب قىزمەتكەرلەرى تاراپىنان جاسالعان زاڭسىز ارەكەتتەردىڭ فاكتىلەرى كورسەتىلگەن اشىق حاتى جاريالانعان بولاتىن. وسى رەتتە, باس پروكۋراتۋرا 2016 جىلدىڭ 22 اقپا­نىندا اتىراۋ وبلىسى پروكۋرا­تۋ­را­سىنىڭ ارنايى پروكۋرورلار باس­قارماسى قىلمىستىق كو­دەكستىڭ 385-بابىنىڭ 2-ب. (جالعان قۇجاتتاردى قولدان جاساۋ, دايىنداۋ نەمەسە وتكىزۋ), 361-بابىنىڭ 2, 4-ب. (لاۋازىمدىق وكىلەتتىكتەر­دى تەرىس پايدالانۋ), 28 3-ب. – 191-بابىنىڭ 2-ب. 3-ت. (بوتەننىڭ مۇلكىن اشىق جىمقىرۋىن ۇيىم­داستىرۋ), 191-بابىنىڭ 2-ب. 1,2-ت. (كۇش قولدانىپ توناۋ), 125-با­بىنىڭ 2-ب. 8-ت. (پايدا­كۇنەمدىك نيەتپەن ادامدى ۇرلاۋ), 99-بابىنىڭ 2-ب. 3, 5, 8, 10-ت. (ادام ءولتىرۋ), 362-بابىنىڭ 4-ب. 1, 2, 3-ب. (بيلىكتى نەمەسە لا­ۋازىمدىق وكىلەتتىكتەردى اسىرا پايدالانۋ), 188-بابىنىڭ 3-ت. (اسا كوپ مولشەردە جاسالعان ۇرلىق), 380-ب. 1-ب. (بيلىك وكىلىنە قاتىستى كۇش قولدانۋ) بويىنشا اتىراۋ ق. ءىىب كريمينالدى پوليتسيا ءبولىمىنىڭ بۇرىنعى جەدەل ۋاكىلى م.وتەۋوۆكە جانە قك 188-ب. 3-ب. (اسا كوپ ءمول­شەردە جاسالعان ۇرلىق) بويىنشا وزبەكستان رەسپۋبليكاسىنىڭ ازاماتى ا.قۇربانباەۆقا قاتىستى قىل­مىستىق ءىستىڭ اياقتالعانىن حابارلايدى. ۇستىمىزدەگى جىلدىڭ 29 اق­پا­نىندا اتالعان قىلمىستىق ءىس اتىراۋ وبلىسىنىڭ ماماندان­دى­رىلعان اۋدانارالىق قىلمىستىق ىستەر جونىندەگى سوتىنا قاراۋ ءۇشىن جولدانعان. سوت وتىرىسى 28 ناۋ­رىزعا تاعايىندالدى. تەرگەۋ بارىسىندا كۇدىكتى م.وتەۋوۆ بار­لىق ەپيزودتار بويىنشا كىناسىن مويىندادى. سونىمەن بىرگە, ول اتىراۋ ق. ءىىب كريمينالدى پوليتسيا ءبولىمى قىزمەتكەرلەرىنىڭ قالا اۋماعىندا ءارتۇرلى قىلمىستاردى ۇيىمداستىرعانىن, بىرقاتار قىل­مىستىق ىستەردى قولدان جاسا­عانىن كورسەتتى. وسى رەتتە, ارنايى پروكۋرورلار باسقارماسى قك 361-ب. 2-ب. بويىنشا قىلمىستىق ىستەر ماتەريال­دارىن بۇرمالاۋ فاكتىلەرى بويىنشا اتىراۋ ق. ءىىب-ءنىڭ لاۋازىمدى تۇلعالارىنا قاتىستى  سوتقا دەيىنگى تەرگەپ-تەكسەرۋدى باس­­تادى. اتىراۋ وبلىسىنىڭ پروكۋرورى ۇستىمىزدەگى جىلدىق 8 اقپانىندا ارنايى پروكۋروردىڭ باسشىلىعىمەن جەدەل-تەرگەۋ توبىن قۇردى, ونىڭ قۇرامىنا وبلىستىق ءىىد-ءنىڭ وزىندىك قاۋىپسىزدىك باسقارماسىنىڭ تەرگەۋشىلەرى مەن جەدەل قىز­مەت­كەرلەرى ەندى. قازىرگى ۋاقىتتا جوعارىدا اتالعان قىلمىستىق ءىس­تەردىڭ تەرگەلۋى شەڭبەرىندە م. وتەۋوۆتىڭ دالەل­دەرى تەكسەرىلۋدە, ولارعا ءتيىستى پروتسەسسۋالدى باعا بەرىلەتىن بولادى. قىلمىستىق ءىس باس پروكۋراتۋرانىڭ باقىلاۋىندا تۇر, دەپ حابارلادى اتىراۋ وبلىسى پروكۋراتۋراسىنىڭ ءباسپاسوز قىزمەتى.