پاۆلودار وبلىسىنىڭ اكىمى تاعايىندالدى

پاۆلودار. 25 ناۋرىز. پرەزيدەنت نۇرسۇلتان نازارباەۆتىڭ جارلىعىمەن بولات باقاۋوۆ پاۆلودار وبلىسىنىڭ اكىمى قىزمەتىنە تاعايىندالدى. بۇل تۋرالى egemen.kz ءتىلشىسى حابارلادى. ءوڭىر اكتيۆىنە جاڭا باسشىنى پرەمەر-مينيستر كارىم ءماسىموۆ جانە قازاقستان پرەزيدەنتى اكىمشىلىگىنىڭ جەتەكشىسى نۇرلان نىعماتۋلين تانىستىردى. بولات جۇمابەك ۇلى باقاۋوۆ وبلىستاعى جەلەزين اۋدانىندا 1971 جىلى تۋعان. 2003 جىلى قازاق قۇقىقتانۋ جانە حالىقارالىق قاتىناستار ينستيتۋتىن قۇقىقتانۋ ماماندىعى, 2005 جىلى حالىقارالىق بيزنەس اكادەمياسىن ەكونوميكا جانە كاسىپورىنداردى باسقارۋ ماماندىعى بويىنشا ءتامامدادى. ەڭبەك جولىن 1988 جىلى باستادى. 1993 جىلدان 2008 جىلعا دەيىن شاعىن قۇرىلىمداردا باسشىلىق قىزمەت اتقاردى. 2008 جىل قاشىر اۋدانىنىڭ, 2011 – 2014 جىلدىڭ ءساۋىر ايىنا دەيىن اقسۋ قالاسىنىڭ اكىمى, 2014 جىلعى ساۋىردەن قازىرگى ۋاقىتقا دەيىن پاۆلودار قالاسىنىڭ اكىمى بولدى. 2003 جىلدان 2008 جىلعا دەيىن پاۆلودار وبلىستىق ءماسليحاتىنىڭ III-IV شاقىرىلىمدارىنىڭ دەپۋتاتى بولعان. فاريدا بىقاي. دەرەك, سۋرەت: egemen.kz.