قانداعى قانتتىڭ قۇرامى ەندى تەز انىقتالاتىن بولدى

عالىمدار ويلاپ تاپقان قۇ­رىلعى قانداعى قانت قۇرا­مىنىڭ دەڭگەيىن وڭاي, ءارى ءاپ-ساتتە انىقتاي الادى. سونداي-اق, يننوۆاتسيالىق جوبا دەنە­دەگى سۇيىقتىقتى باسقارۋعا دا مول ءمۇم­كىندىك بەرەدى. وقى­مىس­تى­لاردىڭ ايتۋىنشا, اتال­عان تە­تىك­تىڭ جاقسى جۇمىس ىستەۋى ءۇشىن ناۋقاس ءجىپسىپ, تەر­لەۋى كەرەك. – بۇل قۇرىلعىنى جاساپ شى­عارۋدا ءبىز سان ءتۇرلى تاجىريبە جۇرگىزدىك. سونىڭ ناتيجەسىندە قانت ديابەتىمەن اۋىراتىن ناۋ­قاستىڭ قان قۇرامى قۇرىلعى ار­قىلى باقىلانادى, – دەدى ءوڭتۇس­تىككورەيالىق عالىمدار. ايتا كەتەيىك, ادام دەنەسىنە جاڭا قۇرىلعىنىڭ باقىلاۋشى تەتىگى ورناتىلادى. سول ار­قى­لى دارىگەرلەر ناۋقاستىڭ كو­ڭىل-كۇيىن, دەرتپەن كۇرەسۋ ءمۇم­كىندىگىن ءبىلىپ وتىرادى. – تاجىريبە كەزىندە ءبىز ناۋ­­قاستىڭ دەنەسىندەگى قانت قۇرا­مىنىڭ ارتقانىن بايقا­دىق. سوندىقتان, تەتىك ارقى­لى قان­داعى گليۋكوزالاردى ىدى­راتىپ, قانت مولشەرىن ءتو­مەندەتتىك. بۇل ەم جۇرگىزۋ ءتاسى­لىمىز وڭ ناتيجە بەردى, – دەي­دى عالىمدار. سونداي-اق, ولار بۇل تاجىريبەنى ەكى ەر ازا­ماتقا جۇرگىزىپ, قۇرىلعىنىڭ ءدال جۇمىس جاسايتىنىنا كوز جەتكىزگەن. وڭتۇستىككورەيالىقتاردىڭ ج­ە­­تىستىگىنە شەتەلدىك عالىمدار قى­­زىعۋشىلىق تانىتۋدا. قانت ديا­بەتىمەن سىرقاتتاناتىندار ءۇشىن اتالعان مەديتسينالىق قۇرىلعى الداعى جىلدارى قول­دانىسقا ەنۋى ىقتيمال. ءازىر­گە ولار بۇل جوبانى ءالى دە جەتىل­دىرۋدى كوزدەپ وتىر. تورەبەك تۇرمانوۆ.