تەكتى جۇرتتىڭ قانىندا بار قاسيەت

تاعدىردىڭ جازۋىمەن تۋ­عان ەلىنەن اجىراپ قالعان تالاي ەتنوستى دالادا قالدىرماي, اشىققاندا اسىن, توڭعاندا باس­پاناسىن بەرگەن اعادان حالىققا «بوتەنسىڭ» دەپ كەۋدەدەن يتەرمەي, قۇشاعىنا قىسقانى ءۇشىن العىسىمىز شەكسىز. تۇرىنە, تىلىنە قاراماي, تىلەگىمىزدىڭ ءبىر ەكەنىن ويعا ورالتتى. وتكەن عاسىردىڭ قۋعىن-سۇرگىن كەزىندە تاريحي قونىسىنان, اتامەكەنىنەن قۋىلعان ءتۇرلى ۇلىس وكىلدەرى قازاقتىڭ تىرلىگىمەن بىتە قايناسىپ, سالت-ءداستۇرىن ۇشتاستىردى. باۋىرىنا باسقان باتىر حالىق قايسىبىر ۇلتتىڭ بولماسىن سالت-داستۇرىنە قۇرمەتپەن قاراپ, ىزگى نيەتىن ءبىلدىردى. ءتىپتى, «ۇلتىڭ كىم؟» دەپ سۇرامادى. ءبىر ءۇيدىڭ بالاسىنداي ءومىر ءسۇردى. مۇنداي ەرەكشە ىقىلاس ءبىلدىرۋ كەز كەلگەننىڭ قولىنان كەلە بەرمەيدى. بۇل – تەك تەكتى جۇرتتىڭ قانىندا بار قاسيەت. بۇگىنگە دەيىن ەسكىكوز ەستى قاريالار الاش جۇرتىنىڭ كەڭ پەيىلى مەن شەكسىز قامقورلىعىن تىلگە تيەك ەتەدى. قازىرگى كەزدە ەلىمىزدەگى بارلىق ەتنوس وكىلدەرى ەل دامۋىنا بارىن سالىپ, ءتۇرلى سالادا جەمىستى ەڭبەك ەتۋدە. قۇشاعى كىم-كىمگە دە ايقارا اشىق, باۋىرمال دا قوناقجاي قازاق ەلىنە العىسىمىز شەكسىز. ميلليونداعان حالىقتىڭ ىقىلاسىنا بولەنگەن جۇرتتىڭ «كەڭ بولساڭ, كەم بولمايسىڭ» دەگەن دانالىق ءسوزى بەيبىت كۇننىڭ شامشىراعىنا اينالدى. وعان دالەل الماتى وبلىسى, قاراتال اۋدانىنداعى باستوبە تاۋىنىڭ ەتەگىندە العىس مونۋمەنتىنىڭ اشىلعانى. مۇنىڭ بارلىعى ەلباسىنىڭ سارابدال ساياساتىنىڭ ارقاسى دەپ بىلەمىن. مەملەكەت باسشىسى ۇلتارالىق تاتۋلىقتىڭ ارقاسىندا ەتنوستاردىڭ باسىن قوسىپ, مەملەكەت قۇراۋشى ۇلت, تاۋەلسىز ەل بولا الاتىنىن كورسەتتى. ۇلتتىق قۇرامى, ءدىني ۇستانىمدارىنىڭ ارتۇرلىلىگىنە قاراماستان, بارلىق ازا­مات­تاردىڭ تەڭ قۇقىلىعى مەن ەركىن دام­ۋىن نەگىزگە العان ساياساتتى جۇرگىزىپ وتىرعان ەلباسىنا, قاراپايىم حالىقتى باۋىرىنا باسىپ, ءوز بالاسىنداي جاتسىنباعان قازاق حالقىنا مىڭ العىس! تاۋەلسىز قازاقستان جەر تۇرعانشا تۇرسىن, كۇن سونگەنشە سونبەسىن! اشۋر حاميدوۆ, وزبەك ەتنومادەني بىرلەستىگىنىڭ جەتەكشىسى. قىزىلوردا وبلىسى.