ازاماتتىق بەلسەندىلىك ايتارلىقتاي ارتتى

سايلاۋدى بايقاۋ جونىندەگى رەسپۋبليكالىق قوعامدىق كوميسسيانىڭ شىعىس قازاقستان وبلىسى بويىنشا وڭىرلىك ورتالىعىنىڭ جەتەكشىسى ليۋدميلا گەيتسمانمەن اڭگىمە. – ليۋدميلا ەۆالدوۆنا, ەلى­مىز ءۇشىن ماڭىزى زور سايلاۋ بارىسىن قالاي باعالار ەدىڭىز؟ – ءبىز – سايلاۋدى بايقاۋ ءجونىن­دەگى رەسپۋبليكالىق قوعامدىق كوميسسيانىڭ وڭىرلىك فيليالىمىز. بيىل ءبىزدىڭ ورتالىقتا شىعىس ءوڭىرى بويىنشا 1004 تاۋەلسىز بايقاۋشى جۇمىس ىستەدى. بۇل بايقاۋشىلار ەشبىر ساياسي پارتيا مەن كانديداتتاردىڭ مۇددەسىن قورعامايدى. ولار قازاقستاننىڭ ءار ازاماتىنىڭ قۇقىعىن قامتاماسىز ەتۋگە, سايلاۋ ناۋقانىنىڭ زاڭناماعا سايكەس وتۋىنە قىزمەت ەتەدى. ءماجىلىس پەن ءماسليحات سايلاۋىندا وتە اۋقىمدى جۇمىس اتقارىلدى. وڭىرلىك ورتالىق بايقاۋشىلارى ءوز جۇمىستارىن تاڭعى ساعات 6.00-دە باستادى. ويتكەنى, داۋى­س بەرۋ باستالعانعا دەيىن بيۋل­لەتەندەردى ەسەپتەۋگە جانە سايلاۋ ۋچاسكەلەرىنىڭ اشىلۋىنا قاتىسۋىمىز كەرەك بولدى. ال ساعات 7.00-دە داۋىس بەرۋ باستالعاندا ءبىز باقىلاۋعا كوشتىك. تاۋەلسىز بايقاۋشىلاردىڭ مالىمەتى بويىن­شا ايتار بولساق, بيىلعى سايلاۋ وڭىرىمىزدە وتە ۇيىمداسقان دەڭگەيدە ءوتتى. شىعىس ءوڭىرىنىڭ حالقى دەموكراتيالىق ۇدەرىسكە بارىنشا جارقىن تۇردە قاتىسقانىن اڭداۋعا بولادى. – شىعىسقازاق­ستاندىقتار داۋىس بەرۋگە قانشالىقتى اتسالىستى؟ قان­داي دا ءبىر زاڭ بۇزۋ­شىلىقتار باي­قال­دى ما؟ – تاۋەلسىز باي­قاۋ­­شىلا­رىمىزدىڭ 17.00-دەگى مالىمەتىنە سۇيەنسەك, وبلىس ساي­لاۋشىلارىنىڭ 78-80 پايىزعا جۋىعى داۋىس بەردى. ورەسكەل زاڭ بۇزۋشىلىقتار تىركەلگەن جوق. دەگەنمەن, بايقاۋ­شىلارىمىز كەيبىر ۋچاسكەلەردە قۇقىق بۇزۋ­شىلىقتاردىڭ الدىن الدى. ياعني, جەكە كۋالىك قۇجاتىنسىز كەلگەن داۋىس بەرۋشى بايقاۋشى مەن سايلاۋ كوميسسيا­سى توراعاسىنىڭ قاتىسۋىمەن توقتاتىلىپ, قۇجاتىن الىپ كەلۋگە جىبەرىلدى. جانە ارنايى حاتتاما تولتىرىلىپ, ازاماتتىڭ قۇجات ارقىلى داۋىس بەرۋى قاداعالاندى. ءبىز وسىنداي جاع­دايلارعا كەزدەسكەن بايقاۋشىلارعا دەر كەزىندە كەڭەس بە­رىپ وتىردىق. باي­قاۋشىلاردىڭ سايلاۋ ۋچاسكەسىندە داۋىس بەرۋ ۇدەرىسى اياق­تالعانعا دەيىن وتىرىپ, داۋىس ناتيجەسىن ساناۋعا كۋا بولۋى مىندەتتەلگەن. سونداي-اق, سايلاۋ ۋچاسكەسىنىڭ داۋىس بەرۋ قورىتىندىسى تۋرالى حاتتاماسىنىڭ كوشىرمەسىن الۋى ءتيىس. ياعني, سايلاۋ ۋچاسكەسىنىڭ جۇمىسى اياقتالعانعا دەيىن تولىعىمەن قاتىسادى. بيىلعى سايلاۋدا حالىق­تىڭ وراسان بەلسەندىلىگىن بايقادىق. تاۋەلسىز بايقاۋشى جوعارى دەڭگەيدەگى ازاماتتىق ۇستانىمداردى انىقتاۋىمەن ەرەكشەلەنەدى. بۇل رەتتە ساياسي نەمەسە ازاماتتىق تۇرعىدان بولسىن, قازاقستاندىق قوعامنىڭ ايتارلىقتاي العا جىلجىعانىن ايتار ەدىم. ويتكەنى, كوپتەگەن ازاماتتار ءبىزدىڭ وڭىرلىك ورتالىققا كەلىپ, تاۋەلسىز بايقاۋشى بولۋعا ىنتا ءبىلدىردى. وسىلايشا, كون­س­­تيتۋتسيالىق قۇقىققا قايشى ارە­كەتتەرگە توسقاۋىل بولعىسى كە­لەتىنىن كورسەتتى. سونداي-اق, ءدىت­تەگەن ۇدەدەن تابىلا ءبىلدى. اڭگىمەلەسكەن دۋمان اناش, «ەگەمەن قازاقستان». وسكەمەن.