«دەموكراتيا ينستيتۋتى» عىلىمي-زەرتتەۋ اسسوتسياتسياسى ەxit-poll تەحنولوگياسى بويىنشا سايلاۋ ۋچاسكەلەرىنەن شىققان ساتتە سايلاۋشىلار اراسىندا رەسپۋبليكالىق ساۋالداما جۇرگiزدi. ەxit-poll-دىڭ قورىتىندىلارى مىناداي: «نۇر وتان» پارتياسى – 82%, «قازاقستاننىڭ كوممۋنيستىك حالىق پارتياسى» – 7,17%, «اق جول» پارتياسى – 7,22%, «بىرلىك» پارتياسى – 0,35%, جالپىۇلتتىق سوتسياليستىك-دەموكراتيالىق پارتيا – 1,21%, «اۋىل» پارتياسى – 2,05%.
كەشە مەملەكەت باسشىسى نۇرسۇلتان نازارباەۆ پارلامەنت ءماجىلىسى جانە ءماسليحاتتار
دەپۋتاتتارىنىڭ سايلاۋلارىندا حالىقپەن بىرگە داۋىس بەردى.
قازاقستان پرەزيدەنتى ەلورداداعى وقۋشىلار سارايىندا ورنالاسقان № 81 سايلاۋ ۋچاسكەسىنە كەلىپ, ءوز تاڭداۋىن جاسادى. ەلباسى داۋىس بەرىپ بولعان سوڭ, وتاندىق جانە شەتەلدىك باق وكىلدەرىنىڭ الدىندا ءوز پىكىرىن ءبىلدىردى. ءوز سوزىندە مەملەكەت باسشىسى سايلاۋعا قاتىسۋ ارقىلى ميلليونداعان قازاقستاندىقتار سياقتى ءوزىنىڭ كونستيتۋتسيالىق قۇقىعى مەن ازاماتتىق بورىشىن جۇزەگە اسىرعانىن اتاپ ءوتتى. – ءماجىلىس جانە جەرگىلىكتى وكىلدى بيلىك ورگاندارىنىڭ بۇگىنگى سايلاۋى – قازاقستاننىڭ قازىرگى زامان تاريحىنداعى وتە ماڭىزدى كەزەڭ. قازاقستاندا جانە الەم بويىنشا ەلدىڭ 9 ميلليوننان استام ازاماتى 9900-دەي سايلاۋ ۋچاسكەسىندە داۋىس بەرەدى. كەزەكتەن تىس سايلاۋ قازىر ءومىرىمىزدىڭ بارلىق سالاسىندا جاڭارۋ ءجۇرىپ جاتقانىن سەزىنگەن ەل پارلامەنتىنىڭ باستاماسىمەن وتكىزىلىپ وتىر. ءبىز داعدارىس ۇردىستەرىن ەڭسەرەمىز, بۇل ءۇشىن دايىندىعى بار جانە ءىستى بىلەتىن جاڭا دەپۋتاتتار قاجەت, – دەدى قازاقستان پرەزيدەنتى. نۇرسۇلتان نازارباەۆ ەل ازاماتتارىنىڭ سايلاۋداعى بەلسەندىلىگىن دە ءوز سوزىنە ارقاۋ ەتتى. – بۇگىن ەرتەمەن قازاقستاندىقتار وتباسىلارىمەن, بالالارىمەن ۋچاسكەلەرگە كەلىپ, داۋىس بەرۋگە بەلسەنە قاتىسۋدا. بۇل ازاماتتارىمىزدىڭ بيلىككە, سونىڭ ىشىندە زاڭ شىعارۋشى بيلىككە دەگەن سەنىمىن بىلدىرەدى. ءبىز بۇگىن ەلىمىزگە قاجەتتى پارلامەنتتى سايلايتىنىمىزعا سەنىمدىمىن, – دەدى مەملەكەت باسشىسى. قازاقستان پرەزيدەنتى وتاندىق جانە شەتەلدىك باق-تارعا ارنالعان بريفينگتە بىرقاتار ساۋالدارعا جاۋاپ بەردى. ماسەلەن, مەملەكەت باسشىسى اتقارۋشى ورگانداردىڭ وكىلدى بيلىك الدىنداعى ەسەپتىلىگىن جۇزەگە اسىرۋ تەتىكتەرى تۋرالى ايتتى. – زاڭناماعا سايكەس, ۇكىمەتتىڭ جۇمىسىن, سونىڭ ىشىندە بيۋدجەت قاراجاتىنىڭ شىعىستارىن باقىلاۋ ءۇشىن پارلامەنتتىڭ بارلىق وكىلەتتىگى بار. سونداي-اق, زاڭ قابىلدانعاننان كەيىن پارلامەنت سول نورمالاردىڭ ىسكە اسىرىلۋىن قاداعالاۋى ءتيىس, – دەدى نۇرسۇلتان نازارباەۆ. قازاقستان پرەزيدەنتى ساياسي جۇيەنىڭ ىقتيمال وزگەرىسى ەل كونستيتۋتسياسىمەن تىكەلەي بايلانىستى بولاتىنىن ايتتى. – نەگىزگى زاڭدى رەفەرەندۋمدا حالىق قابىلدادى, قاجەت جاعدايدا وزگەرىستى دە حالىق قابىلدايدى. اڭگىمە بيلىكتى پرەزيدەنت, پارلامەنت جانە ۇكىمەت اراسىندا بولۋگە بايلانىستى بولۋى مۇمكىن. بۇل وزگەرىستەر الەمدەگى جانە ەلدەگى احۋالعا بايلانىستى بولادى. حالىق قالاسا, ءبىز مۇنى جاقسىلاپ ويلاناتىن بولامىز, – دەدى نۇرسۇلتان نازارباەۆ. مەملەكەت باسشىسى اتقارۋشى بيلىكتە بولۋى مۇمكىن وزگەرىس تۋرالى دا ويىن ءبىلدىردى. – ۇكىمەتتىڭ بىلتىر پرەزيدەنت سايلاۋىنان كەيىن وزگەرگەنىن ەسكە سالعىم كەلەدى. ونىڭ قازىرگى قۇرامى داعدارىسقا قارسى باعدارلامالاردى جانە بەس ينستيتۋتتىق رەفورمانى جۇزەگە اسىرۋ ءجونىندەگى زاڭداردى ازىرلەدى, قازىر سول بويىنشا جۇمىستار ءجۇرىپ جاتىر. ۇكىمەتتىڭ قۇرامى ساۋاتتى ىرىكتەلگەن دەپ سانايمىن. وندا ءبىلىمدى, جاس, شەتەل تىلدەرىن مەڭگەرگەن ءوز ءىسىنىڭ بىلگىرلەرى جۇمىس ىستەيدى. باستاعان جۇمىسىن ولارعا سوڭىنا دەيىن جەتكىزۋگە مۇمكىندىك بەرۋ كەرەك دەپ ويلايمىن, – دەدى قازاقستان پرەزيدەنتى. جولدىباي بازار, «ەگەمەن قازاقستان». سۋرەتتەردى تۇسىرگەندەر س.بوندارەنكو, ب.وتارباەۆ.
