«استانا» سىرت الاڭدا «ورداباسى» كومانداسىن جەڭدى

استانا. 20 ناۋرىز. بۇگىن قازاقستان پرەمەر-ليگاسىنىڭ 2-تۋرى شەڭبەرىندە ەكى ويىن وينالدى. بۇل تۋرالى egemen.kz ءتىلشىسى حابارلادى. «ورداباسى» (شىمكەنت) – «استانا» (استانا) 1:3 گولدار: ەدين يۋنۋزوۆيچ 15 – دجوردجە دەسپوتوۆيچ 10, الەكساندر سيمچەۆيچ 43 (اۆتوگول), مارين انيچيچ 45 «استانا» قاتارىنان ەكىنشى ويىندا جەڭىسكە جەتتى. ەلوردالىقتار العاشقى 45 مينۋتتا-اق ماتچتىڭ تاعدىرىن شەشىپ قويدى. «ورداباسىعا» قارسى وتكىزگەن كەزدەسۋدە كوماندا ساپىنا جاڭادان قوسىلعان دجوردجە دەسپوتوۆيچ ءبىر گول سوعىپ, ەسەپ اشسا, اراعا بىرنەشە مينۋت سالىپ, الاڭ يەلەرىنەن ەدين يۋنۋزوۆيچ تارازى باسىن تەڭەستىردى. الايدا, العاشقى تايمنىڭ بىتۋىنە ەكى مينۋت قالعاندا, قورعاۋشى الەكساندر سيمچەۆيچ ءوز قاقپاسىنا گول سوعىپ الدى. تاعى ەكى مينۋتتان كەيىن «استانا» ويىنشىلارى الاڭ يەلەرىنىڭ قاقپاسىنا ۇشىنشى دوپتى سوقتى. گولدىڭ اۆتورى – مارين انيچيچ . «شاحتەر» (قاراعاندى) – «جەتىسۋ» (تالدىقورعان) 0:0 ەكىنشى كەزدەسۋ تەمىرتاۋ قالاسىندا ءوتتى. قارسىلاستار قانشا شابۋىلداسا دا بۇل ويىندا ەسەپ اشىلمادى. ناتيجەسىندە «شاحتەر» بيىلعى ماۋسىمداعى العاشقى ۇپايىنا قول جەتكىزدى. ازىرگە ەكى تۋردىڭ قورىتىندىسى بويىنشا كوش باسىندا 6 ۇپايمەن پاۆلوداردىڭ «ەرتىسى» كەلەدى. ءدال سونداي ۇپايى بار «استانا» دوپ ايىرماسىمەن عانا اتالعان كوماندانى العا جىبەرىپ, ەكىنشى ساتىعا تابان تىرەدى. ۇزدىك ۇشتىكتى 4 ۇپايى بار «تاراز» تۇيىندەپ تۇر. ايتا كەتەيىك, ءۇشىنشى تۋردىڭ كەزدەسۋلەرى 2-3 ءساۋىر كۇندەرى وتەدى. ول ويىنداردا مىنا كوماندالار كەزدەسەدى: 2 ءساۋىر «جەتىسۋ» (تالدىقورعان) – «ورداباسى» (شىمكەنت) «ەرتىس» (پاۆلودار) – «اتىراۋ» (اتىراۋ) «استانا» (استانا) – «اقتوبە» (اقتوبە) 3 ءساۋىر «اقجايىق» (ورال) – «قايرات» (الماتى) «تاراز» (تاراز) – «وقجەتپەس» (كوكشەتاۋ) «توبىل» (قوستاناي) – «شاحتەر» (قاراعاندى) ايان ءابدۋالي. دەرەك: egemen.kz. سۋرەت: vk.com.