«قايراتتىڭ» «وقجەتپەسكە» شاماسى جەتپەدى

استانا. 19 ناۋرىز. بۇگىن فۋتبولدان قازاقستان پرەمەر-ليگاسىنىڭ 2-تۋرى شەڭبەرىندە ءۇش ويىن وينالدى. بۇل تۋرالى egemen.kz ءتىلشىسى حابارلادى. نەگىزى چەمپيونات كەستەسىنە ساي بۇگىن ءتورت ماتچ ءوتۋى ءتيىس ەدى. الايدا, «اتىراۋ» مەن «توبىلدىڭ» كەزدەسۋى كەيىنگە قالدىرىلدى. وعان قوستانايلىق كوماندانىڭ اتىراۋعا بارۋعا مۇمكىندىگىنىڭ بولماۋى سەبەپ بولىپ وتىر. ال ويىندارعا كەلەر بولساق, الماتىنىڭ «قايراتى» كوكشەتاۋدا جەرگىلىكتى «وقجەتپەسپەن» ويناپ, ۇپاي ءبولىستى. مامانداردىڭ كوپشىلىگى «قايراتتىڭ» جەڭىسكە جەتۋ مۇمكىندىگى جوعارى ەكەنىن ايتىپ, الماتىلىقتاردىڭ ءۇش ۇپاي ولجالايتىنىن ايتقان ەدى. دەگەنمەن, ءبىرىنشى تۋردا تەڭ ويناعان «قايرات» تاعى دا ءبىر ۇپايمەن شەكتەلدى. بۇگىنگى ويىنداردىڭ ناتيجەلەرى تومەندەگىدەي: «اقجايىق» (ورال) – «ەرتىس» (پاۆلودار) 0:3 گولدار: ەلدوس احمەتوۆ 27, ۋسمان دجاللوۋ 45, رومان مۇرتازاەۆ 55. «وقجەتپەس» (كوكشەتاۋ) – «قايرات» (الماتى) 1:1 گولدار: الىبەك بولەشەۆ 49 – جەرار گوۋ 44. «تاراز» (تاراز) – «اقتوبە» (اقتوبە) 1:1 گولدار: يگور زەنكوۆيچ 45 – سامات سماقوۆ 11 (پەنالتي). ايتا كەتەيىك, ەرتەڭ 2-تۋر بارىسىندا قالعان ەكى ويىن وينالادى. اتاپ ايتقاندا, شىمكەنتتىڭ «ورداباسى» كومانداسى ءوز الاڭىندا «استانانى» قابىلداسا, تەمىرتاۋدا قاراعاندىنىڭ «شاحتەرى» تالدىقورعاننىڭ «جەتىسۋىمەن» كەزدەسەدى. ەلامان قوڭىر. دەرەك: egemen.kz. سۋرەت: vk.com.