استانا. 20 ناۋرىز. بۇگىن قازاقستاندا پارلامەنت ءماجىلىسى مەن بارلىق دەڭگەيدەگى ءماسليحات دەپۋتاتتارىنىڭ سايلاۋى وتۋدە. سوعان وراي داۋىس بەرۋشىلەرگە 9840 سايلاۋ ۋچاسكەسى قىزمەت كورسەتۋدە. بۇل تۋرالى egemen.kz ءتىلشىسى حابارلادى.
شەت مەملەكەتتەردەگى قازاقستان ازاماتتارى ءۇشىن 65 سايلاۋ ۋچاسكەسى قۇرىلسا, سونىڭ تورتەۋى قىتايدا ورنالاسقان. اتاپ ايتقاندا, قىتاي استاناسى – بەيجىڭ, شانحاي, ءۇرىمجى جانە گونكونگ قالالارىندا وتانداستارىمىز ءوز تاڭداۋلارىن جاسادى.
قىتايداعى قازاقستان ەلشىلىگىنىڭ كەڭەسشىسى ماناربەك قابازيەۆتىڭ ايتۋىنشا, بەيجىڭدەگى №207 سايلاۋ ۋچاسكەسىنە 2 مىڭنان استام سايلاۋشى تىركەلگەن. بۇگىن جەرگىلىكتى ۋاقىت بويىنشا ساعات 7:00-دە جۇمىسىن باستاعان ۋچاسكەگە اتالعان قالاداعى قازاقستان ازاماتتارى كەلىپ, داۋىس بەردى. ولاردىڭ اراسىندا بەيجىڭگە جولساپارمەن بارعان «ەگەمەن قازاقستان» گازەتى ينتەرنەت-رەداكتسياسىنىڭ قىزمەتكەرلەرى دە بار.
ەلامان قوڭىر.
دەرەك, سۋرەت: egemen.kz.
