استانا. 20 ناۋرىز. قازاقستان رەسپۋبليكاسىنىڭ قورعانىس ءمينيسترى يمانعالي تاسماعامبەتوۆ سايلاۋ ۋچاسكەسىنە كەلىپ, بارلىق دەڭگەيدەگى ءماسليحاتتار مەن پارتيالىق ءتىزىم بويىنشا ۇسىنىلعان پارلامەنت ءماجىلىسى دەپۋتاتتارىنىڭ كەزەكتەن تىس سايلاۋىندا داۋىس بەردى. بۇل تۋرالى egemen.kz ءتىلشىسى حابارلادى.
قورعانىس ءمينيسترى يمانعالي تاسماعامبەتوۆ نازارباەۆ ۋنيۆەرسيتەتىندە ۇيىمداستىرىلعان № 97 سايلاۋ ۋچاسكەسىندە ءوز ازاماتتىق پارىزىن ورىندادى.
كەزەكتەن تىس سايلاۋدا داۋىس بەرۋگە قارۋلى كۇشتەردىڭ وكىلدەرى مەن ولاردىڭ وتباسى مۇشەلەرى قاتىسىپ جاتىر. ولاردىڭ اراسىندا قورعانىس مينيسترلىگى, باس شتابى مەن قر قارۋلى كۇشتەر قۇرىلىمدىق بولىمشەلەرىنىڭ, ورتالىق باعىنىستاعى بولىمدەر مەن مەكەمەلەردىڭ, قر قك قۇرلىق اسكەرلەرى, اۋە قورعانىسى كۇشتەرى, اسكەري-تەڭىز كۇشتەرى اسكەري بولىمدەرىنىڭ, اسكەري وقۋ ورىندارى مەن جەرگىلىكتى اسكەري باسقارۋ ورگاندارىنىڭ اسكەري قىزمەتشىلەرى بار.
داستان كەنجالين.
دەرەك, سۋرەت: قورعانىس مينيسترلىگى.
