ەكى قازاقستاندىق كۇرەس تۇرلەرىنەن وليمپيادا جولداماسىن جەڭىپ الدى

استانا. 19 ناۋرىز. استانادا ءوتىپ جاتقان كۇرەس تۇرلەرىنەن ازيا قۇرلىعى بويىنشا وليمپياداعا ىرىكتەۋ ءتۋرنيرىنىڭ العاشقى جارىس كۇنى ەكى وتانداسىمىز ويىندار جولداماسىن جەڭىپ الدى. بۇل تۋرالى egemen.kz ءتىلشىسى حابارلادى. ەركىن كۇرەستەن 74 كيلو سالماق دارەجەسىندە سىنعا تۇسكەن قازاقستاندىق پالۋان عالىمجان وسەرباەۆ تۋرنير جەڭىمپازى اتانىپ, ريو-دە-جانەيرو وليمپياداسىنا بارۋ مۇمكىندىگىنە قول جەتكىزدى. فينالعا دەيىن بارلىق قارسىلاسىنان باسىم تۇسكەن ول شەشۋشى بەلدەسۋدە جاپون پالۋانى سوحسۋكە تاكاتانيمەن كەزدەسۋى كەرەك بولاتىن. الايدا, جاپونيالىق جاراقاتىنا بايلانىستى كەزدەسۋدەن باس تارتىپ, كۇمىس جۇلدەمەن شەكتەلدى. دەگەنمەن, ونىڭ دا فينالعا دەيىن سۇرىنبەي جەتكەنى ءۇشىن وليمپيادا جولداماسىن يەمدەنگەنىن اتاپ وتكەن ءجون. قۇراما قورجىنىنا تۇسكەن ەكىنشى جولدامانى ايەلدەر كۇرەسىندە 69 كيلودا سىنعا تۇسكەن ەلميرا سىزدىقوۆا الدى. ءبىر قىزىعى, ەلميرا دا فينالدا جاپونيالىقپەن كەزدەستى. الايدا, بۇل جولى جاپون قىزى سارە دوشونىڭ مەرەيى ۇستەم بولىپ, تۋرنير چەمپيونى اتاندى. ءبىزدىڭ قىز كۇمىس جۇلدەمەن شەكتەلگەنىنە قارماستان, باستى مىندەتتى ورىنداپ, وليمپيادادا ونەر كورسەتۋ قۇقىعىنا قول جەتكىزدى. ەلامان قوڭىر. دەرەك: egemen.kz. سۋرەت: zhusan.kz.