قوستانايدا الەۋمەتتىك جوبالارعا 136,5 ملن. تەڭگە اۋدارىلماقشى

قوستاناي. 19 ناۋرىز. «ۆارۆارينسكوە» اكتسيونەرلىك قوعامى مەن قوستاناي وبلىستىق اكىمدىگى اراسىندا الەۋمەتتىك جوبالاردى جۇزەگە اسىرۋ جونىندەگى ىنتىماقتاستىق مەموراندۋمىنا قول قويىلدى. بۇل تۋرالى وبلىس اكىمى ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. مەموراندۋمعا «ۆارۆارينسكوە» ءوندىرىس كاسىپورنىنىڭ باس ديرەكتورى سيمون الەكساندر مەن وبلىس اكىمى ارحيمەد مۇحامبەتوۆ قول قويدى. مەموراندۋم شەڭبەرىندە جۇزەگە اساتىن الەۋمەتتىك جوبالار ءۇشىن «ۆارۆارينسكوە» وبلىسقا 136,5 ميلليون تەڭگە اۋداراتىن بولدى. بالالار فۋتبول كومانداسىن دامىتۋعا وسى قارجىنىڭ 123 ميلليون تەڭگەسى جۇمسالماق, 5 ميلليون تەڭگەسىنە ليساكوۆ قالاسىنداعى تەحنيكالىق كوللەدجدىڭ ماتەريالدىق-تەحنيكالىق بازاسىن جاڭعىرتۋ جۇمىستارى جۇرگىزىلەدى. قالعانىنا باسقا دا الەۋمەتتىك جوبالار جۇزەگە اسىرىلماق. وبلىس اكىمى ارحيمەد مۇحامبەتوۆ «ۆارۆارينسكوە» ءوندىرىسىن دامىتۋ ماسەلەلەرىنە توقتالدى. وبلىس اكىمى ارحيمەد مۇحامبەتوۆ: «كومپانيا باسشىلىعى كەندى وڭدەۋدىڭ ايماقتىق جەلىسىن قۇرۋ جۇمىستارىن جۇرگىزىپ وتىر. اقتوبە, شىعىس قازاقستان وبلىستارى كاسىپورىندارىمەن, ءبىزدىڭ وبلىستاعى «وريون مينەرالس» جاۋاپەرشىلىگى شەكتەۋلى سەرىكتەستىگىمەن كەندى الداعى ۋاقىتتا وڭدەۋ ءۇشىن الىس-بەرىس جاساۋعا كەلىسسوز جۇرگىزىلىپ جاتىر. ءوندىرىس ءونىمىن وسىلاي ارتتىرىپ, ونىڭ باعاسىن ءوسىرۋ ءبىزدىڭ وبلىستىڭ دا الەۋمەتتىك-ەكونوميكالىق جاعدايىنا وڭ ىقپال جاسايتىن بولادى», – دەدى. سونىمەن قاتار ايماق باسشىسى قازىرگىدەي كۇردەلى ۋاقىتتا ءوندىرىس كاسىپورنىنىڭ ىرعاقتى جۇمىس ىستەۋى ءۇشىن ماسەلەلەردىڭ شەشىمىن تابۋىنا قولداۋ كورسەتەتىن دە ايتتى. ەسكە سالا كەتسەك, التىن وندىرەتىن «ۆارۆارينسكوە» كەن كاسىپورنى وبلىستىڭ ەكونوميكالىق-الەۋمەتتىك دامۋىنا وسى ۋاقىتقا دەيىن 564,9 ميلليون تەڭگە ينۆەستيتسيا سالدى. سونىڭ ارقاسىندا توبىل پوسەلكەسىندەگى امبۋلاتورياعا مەديتسينالىق جابدىقتار الىندى, قوستاناي قالاسىنداعى سپورت الاڭدارى, ليساكوۆ قالاسىنداعى بوكس رينگى سالىندى. «ۆارۆارينسكوە» اكتسيونەرلىك قوعامىنىڭ باس ديرەكتورى الەكساندر سيمون: «ءبىزدىڭ كاسىپورىندا ەڭبەك ەتەتىن ادامدار جاقىن پوسەلكەلەر مەن قالالار تۇرادى. سوندىقتان سول قالا مەن پوسەكەلەرگە سالعان قارجىنى ءبىز ءوز جۇمىسشىلارىمىزعا جاساعان الەۋمەتتىك قامقورلىعىمىز دەپ بىلەمىز», – دەدى. 2009-2014 جىلدار اراسىندا بۇل ءوندىرىس كاسىپورنى بيۋدجەت پەن بيۋدجەتتەن تىس قورلارعا 40,7 ملرد. تەڭگە سالعان. 2015 جىل قورىتىندىسى بويىنشا تولەمدەرى 2,7 ملرد. تەڭگەگە ارتقان. ءنازيرا جارىمبەتوۆا. دەرەك, سۋرەت: egemen.kz.