ورتالىق سايلاۋ كوميسسياسىندا

كەشە قازاقستان رەسپۋبليكاسى ورتالىق سايلاۋ كوميسسياسىنىڭ توراعاسى قۋاندىق تۇرعانقۇلوۆ وزبەكستان رەسپۋبليكاسى ورتالىق سايلاۋ كوميسسياسىنىڭ توراعاسى ميرزا- ۇلىقبەك ابدۋسالوموۆپەن كەزدەستى. قازاقستان ورتسايلاۋكومىنىڭ باسشىسى ق.تۇرعانقۇلوۆ ارىپتەسى م.ابدۋسالوموۆتى قازاقستان رەس­پۋب­ليكاسى پارلامەنتى ءماجىلى­سىنىڭ دەپۋتاتتارىن جانە ءماسلي­حاتتارىنىڭ دەپۋتاتتارىن سايلاۋ ناۋقانى بارىسىمەن تانىس­تىردى. «سايلاۋ ناۋقانى «تىكە­لەي مارەگە» شىقتى. بۇگىن ۇگىت كە­زەڭى اياقتالادى, ەرتەڭ «تىنىشتىق كۇنى». بۇقارالىق اقپارات قۇرال­دارىنا جۇرگىزىلگەن, سونىمەن قاتار, حالىقارالىق بايقاۋ­شىلار ميسسيالارى دا جۇرگىزەتىن مونيتورينگ قورىتىندىلارى وسك سايا­سي پارتيالارعا زاڭدا كەپىلدىك بەرىلگەن باق-تارعا تەڭ قول جەتكىزۋ قۇقىعىن قامتاماسىز ەتە العانىن كورسەتتى», – دەپ اتاپ ءوتتى ق.تۇرعانقۇلوۆ. ال م.ابدۋسالوموۆ ءوزارا ءاڭ­گىمە بارىسىندا قازاقستان رەس­پۋبليكاسىنىڭ ورتالىق سايلاۋ كوميسسياسى ۇلكەن ۇيىم­داس­تىرۋشىلىق جۇمىس اتقارعانىن اتاي كەلىپ: «سايلاۋ ناۋقانى­نىڭ بارلىق كەزەڭدەرىن وتە جاق­سى اقپاراتتىق قامتاماسىز ەتۋ ەلەك­توراتتىق ۇدەرىستىڭ ترانسپا­رەنت­تىگىن ارتتىرۋعا سەپتەسەدى جانە زاڭناما نورمالارىن قاتاڭ ساقتاي وتىرىپ, سايلاۋدى جوعا­رى دەموكراتيالىق دەڭگەيدە ءوت­كىزۋگە مۇمكىندىك بەرەدى», – دەدى. وزبەكستان رەسپۋبليكاسىنىڭ ورتسايلاۋكوم باسشىسى, سونداي-اق, اعىمداعى سايلاۋ ناۋقانىنىڭ ويداعىداي اياقتالۋىنا جانە قورىتىندىلارىن شىعارۋدا تابىس تىلەدى. كەزدەسۋ سوڭىندا ق.تۇرعانقۇلوۆ ەكى ەلدىڭ ەلەكتوراتتىق ۇدەرىستەرىنىڭ دامۋى تۋرالى تاجىريبەمەن جانە اقپاراتپەن الماسۋ ماقساتىندا الداعى ۋاقىتتاعى ءوزارا قارىم-قاتىناسقا سەنىم ءبىلدىردى. كەزدەسۋگە, سونداي-اق, وزبەكستان رەسپۋبليكاسى ورتالىق سايلاۋ كوميسسياسى ءباسپاسوز قىزمەتىنىڭ باسشىسى ن.نۋرماتوۆ, وزبەكستان رەسپۋبليكاسى ولي ءماجيليسىنىڭ زاڭ شىعارۋشى پالاتاسىنىڭ مۇشەسى و.دجۋماەۆ, سونداي-اق, قازاقستان رەسپۋبليكاسى ورتالىق سايلاۋ كوميسسياسىنىڭ مۇشەسى ت.وحلوپكوۆا قاتىستى. كەشە, سونداي-اق, قازاقستان رەس­پۋب­ليكاسى ورتالىق سايلاۋ كو­ميس­سياسىنىڭ توراعاسى قۋاندىق تۇرعانقۇلوۆ پەن لات­ۆيا رەسپۋبليكاسى ورتالىق ساي­لاۋ كوميسسياسىنىڭ توراعاسى ار­نيس ءتسيمدارستىڭ كەزدەسۋى بولدى. ورتسايلاۋكوم باسشىسى لات­ۆيا­لىق ارىپتەسىن قازاقستان رەس­پۋبليكاسى پارلامەنتى ءماجىلى­سىنىڭ دەپۋتاتتارىن جانە ءماسلي­حات­تارىنىڭ دەپۋتاتتارىن سايلاۋ­دى ازىرلەۋ مەن وتكىزۋ جونىندەگى جۇمىستارمەن تانىستىردى. ماسەلەنى تالقىلاۋ بارىسىندا كەزدەسۋگە قاتىسۋشىلار سايلاۋ ناۋقانىنىڭ پارتيالىق تىزىمدەردى ۇسىنۋعا جانە تىركەۋگە, سايلاۋالدى ۇگىتتى جۇرگىزۋ شارتتارىنا, داۋىس بەرۋدى ۇيىمداستىرۋ, داۋىستاردى ساناۋ جانە سايلاۋدى قورىتىندىلاۋ تارتىبىنە قاتىستى جەكەلەگەن ساتتەرىنە, سونىمەن قاتار, قازاقستان حالقى اسسامبلەياسىنان 9 دەپۋتاتتى سايلاۋ ەرەكشەلىكتەرىنە توقتالدى. ا.تسيمدارس شاقىرۋعا جانە سايلاۋ ناۋقانىنىڭ بارىسىنا تولىق شولۋ جاساۋعا مۇمكىندىك جاساعانى ءۇشىن العىسىن ءبىلدىرىپ, ءوز تاراپىنان بايقاۋشىلار وزدەرىنىڭ وكىلەتتىكتەرىن ءادىل جانە شىنايى جۇزەگە اسىراتىندارىن اتاپ ءوتتى. «ءبىزدىڭ كوزقاراسىمىزشا, سايلاۋعا دايىندىق تىنىش جانە ىسكەرلىك جاعدايدا وتۋدە», – دەدى ول. ال ق.تۇرعانقۇلوۆ ا.تسيمدارسقا قازاقستاندىق سايلاۋعا تانىتقان شىنايى قىزىعۋشىلىعىنا جانە سايلاۋ ۇدەرىسىن ودان ءارى جەتىلدىرۋ سالاسىندا پىكىر جانە تاجىريبە الماسۋ مۇمكىندىگىنە ريزاشىلىعىن ءبىلدىردى. * * * كەشە قازاقستان رەسپۋب­ليكا­سى ورتالىق سايلاۋ كوميسسيا­سى توراعاسىنىڭ ورىنباسارى ۆلاديمير فووس كورەيا رەسپۋب­ليكاسى ۇلتتىق سايلاۋ كوميس­سياسىنىڭ وكىلدەرىمەن كەزدەستى. ۆ.فووس كورەيا دەلەگاتسياسىنىڭ مۇشەلەرىن قازاقستان رەسپۋب­ليكاسى پارلامەنتى ءماجىلىسىنىڭ دەپۋتاتتارىن جانە بارلىق دەڭگەيدەگى ءماسليحاتتارىنىڭ دەپۋتاتتارىن سايلاۋ جونىندەگى ناۋقان بارىسىمەن تانىستىرىپ, دەلەگاتسيا مۇشەلەرىنىڭ سايلاۋ زاڭناماسىنا جانە سايلاۋدىڭ ءتۇرلى كەزەڭدەرىنە قاتىستى سۇراقتارىنا جاۋاپ قايتاردى. كەزدەسۋگە قاتىسۋشىلار, سونداي-اق, ەلەكتوراتتىق ۇدەرىستەردى قامتاماسىز ەتەتىن اقپاراتتىق تەحنولوگيالار سالاسىندا ىقتيمال ىنتىماقتاستىقتىڭ ماسەلەلەرىن دە تالقىلادى. ال دەلەگاتسيا جەتەكشىسى ليم چاي مەن: «قازاقستان رەسپۋبليكاسى شەت مەملەكەتتەر مەن حالىقارالىق ۇيىمداردان كوپتەگەن بايقاۋشىلار شاقىردى. بۇل قازاقستاننىڭ سايلاۋدى اشىق جانە ايقىن وتكىزۋىن كورسەتەدى. بۇل – سىزدەردىڭ مەملەكەتتەرىڭىزدىڭ سەنىمدىلىگىنىڭ كۋاسى», – دەپ اتاپ ءوتتى. * * * قازاقستان رەسپۋبليكاسى ورتالىق سايلاۋ كوميس­سيا­- سىنىڭ مۇشەسى مارات ءسار­سەمباەۆ ۇلىبريتانيا مەن سول­تۇستىك يرلانديا قۇراما كورولدىگىنەن حالىقارالىق بايقاۋشىلار دەلەگاتسياسىنىڭ مۇشەلەرى كورول ادۆوكاتى, ۇلىبريتانيا مەن سولتۇستىك يرلانديا قۇراما كورولدىگىنىڭ جوعارعى سوتى سۋدياسىنىڭ اكىمشىلىك ىستەرى جونىندەگى ورىنباسارى دجەيمس توماس لەۆيسپەن جانە «Integrative Media LLP» باس اتقارۋشى ديرەكتورى الان دجونس سپەنسپەن كەزدەستى. كەزدەسۋ بارىسىندا ورت­ساي­لاۋكوم مۇشەسى م.سارسەمباەۆ پەن لەۆيس قازاقستان رەسپۋبليكاسى ورتالىق سايلاۋ كوميسسياسى مەن پارلامەنت ءماجىلىسىنىڭ دەپۋتاتتارىن سايلاۋدى بايقاۋ جونىندەگى شەتەلدىك ميسسيالاردىڭ ءوزارا ءىس-ارەكەتتەرىنىڭ ماسەلەلەرى جونىندە, حالىقارالىق بايقاۋشىلاردىڭ قۇقىقتارى مەن مىندەتتەرى تۋرالى, شەتەلدەگى قازاقستان ازا­مات­تارىنىڭ داۋىس بەرۋ ءتارتىبى, داۋىس بەرۋدى ۇيىمداستىرۋ راسىمدەرى جونىندە پىكىر الماستى. م.سارسەمباەۆ باي­قاۋ­شى­لاردىڭ سايلاۋ ناۋقانىنىڭ بارى­سىنا قاتىستى قاجەتتى اقپا­راتتى الاتىنىن اتاپ ءوتتى. «ورتا­لىق سايلاۋ كوميسسياسى مەن باي­قاۋشىلاردىڭ مۇددەلەرى ۇقساس. ءبىز سايلاۋدىڭ اشىق جانە دە­مو­كراتيالىق سايلاۋدىڭ جالپىعا تا­نىمال حالىقارالىق قاعيداتتارىنا سايكەس وتۋىنە ۇمتىلامىز», – دەدى م.سارسەمباەۆ. ءاليسۇلتان قۇلانباي, «ەگەمەن قازاقستان».