قۇرمەتتى وتانداستار!

قازاقستان حالقى اس­سامبلەياسى ءسىز­دەردى جاڭارۋ مەن جاسام­پاز­دىقتىڭ باس­تاۋى, ىرىس پەن بەرەكەنىڭ ارقاۋى – ناۋرىز مەيرامىمەن قۇتتىقتايدى! بيىل قازاقستاننىڭ بارشا حالقى ناۋرىز مەيرامىن تاۋەلسىزدىكتىڭ تورقالى 25 جىلدىق مەرەيتويى قارساڭىندا اتاپ وتەدى. وسى جىلدار ىشىندە ناۋرىز مەيرامى جالپىحالىقتىق مەرەكەگە, حالقىمىزدىڭ دوستىعى مەن بىرلىگىنىڭ داستۇرىنە اينالدى. ناۋرىز مەيرامى ءبىزدى قايىرىمدىلىق پەن مەيىرىمدىلىككە, ىزگىلىك پەن جاناشىرلىققا شاقىرادى. بارشا قازاقستاندىق ەتنوستاردىڭ سۇيىكتى مەرەكەسى – ناۋرىز مەيرامى بەيبىتشىلىك پەن كەلىسىمدى, تاتۋلىق پەن ىنتىماقتى بەينەلەيدى. دانا حالقىمىزدىڭ ۇلتتىق رۋحىنىڭ نەگىزىن قالايتىن, عاسىرلار بويى اتادان بالاعا امانات رەتىندە بەرىلەتىن بۇل قۇندىلىقتار ەلىمىزدىڭ تۇڭعىش پرەزيدەنتى – ەلباسىنىڭ بەيبىتشىل سايا­ساتىمەن ۇندەسكەن. وسىنىڭ ارقاسىندا ەلىمىزدە بەيبىتشىلىك پەن ءوزارا تۇسىنىستىك قالىپتاسىپ, بىرلىك پەن تاتۋلىقتى تۋ ەتكەن, ىرىسى مەن ىنتىماعى جاراسقان حالقىمىز بەرەكەلى ءومىر ءسۇرىپ جاتىر. ءاز ناۋرىز بارشامىزدىڭ ورتاق وتانى­مىزعا دەگەن شەكسىز سۇيىسپەنشىلىگىمىزدىڭ, دوستىق پەن ىزگىلىكتىڭ جارقىن كورىنىسى بولسىن! ارداقتى اعايىن! بۇگىنگى قاسيەتتى مەرەكەدە ءار قازاق­ستان­دىقتىڭ شاڭىراعىنا ىزگىلىك پەن مەيىرىم ۇيا­لا­سىن, بوساعاسىنان باقىت پەن قۇت-بەرەكە اتتاسىن, داستارقانى ىرىس پەن مولشىلىققا تولسىن! سىزدەرگە جانە جاقىندارىڭىزعا مىقتى دەن­ساۋلىق, اماندىق جانە تولاعاي تابىستار تىلەيمىز! ۇلىس وڭ بولسىن! اق مول بولسىن! ۇلىستىڭ ۇلى كۇنى قۇتتى بولسىن! قازاقستان حالقى اسسامبلەياسىنىڭ كەڭەسى