ازىرلىك بارىسىمەن تانىستىردى

ورتالىق سايلاۋ كوميسسياسىنىڭ ءباسپاسوز ورتالىعىندا استانا قالاسى اۋماقتىق سايلاۋ كوميسسياسىنىڭ وكىلدەرى جۋرناليستەرگە سايلاۋعا دايىندىق بارىسى تۋرالى بريفينگ وتكىزدى. استانا قالالىق اۋماقتىق سايلاۋ كوميس­سيا­سىنىڭ توراعاسى يگى­لىك جال­بىروۆتىڭ ايتۋىنشا, اس­تانا قالاسى بويىنشا ءماسليحات دەپۋتاتتىعىنا بار­لىعى 121 كانديدات تىركەلگەن. ولاردىڭ 33-ءىن ساياسي پارتيالار, 6-ىن قوعامدىق بىرلەستىكتەر ۇسىنعان, ال 82 كانديدات ءوزىن ءوزى ۇسىنعان. «قالالىق سايلاۋ كوميسسياسى پارتيالىق تىزىمدەرىن ۇسىنعان ساياسي پارتيالاردىڭ جانە ءماسليحات دەپۋتاتتىعىنا كان­دي­داتتاردىڭ ۇگىت جۇمىسىن ءجۇر­گىزۋگە قۇقىعىن قامتاماسىز ەتۋ ءجو­نىن­دە شارالار قولدانۋدا, – دەدى ي.جال­بىروۆ. – قالالىق سايلاۋ كوميس­س­ياسىمەن كەلىسىم بويىنشا قالا اكىمىنىڭ شەشىمى­مەن ساياسي پارتيالاردىڭ ۇگىت باسپا ماتەريالدارىن ورنالاستىرۋ ءۇشىن 31 ورىن جانە ءماسليحات دەپۋتاتتىعىنا كانديداتتاردىڭ ۇگىتتىك باسپا ماتەريالدارى ءۇشىن 54 ورىن ايقىندالىپ جاب­دىقتالدى. سونداي-اق, ساياسي پارتيالار مەن كانديداتتاردىڭ سايلاۋشىلارمەن كەزدەسۋلەرىن وتكىزۋ ءۇشىن شارتتىق نەگىزدە ۇسىنىلاتىن 13 ءۇي-جايدىڭ ءتىزىمى بەكىتىلدى». اۋماقتىق سايلاۋ كوميس­سيا­سىنىڭ باسشىسى اتاپ ءوت­كەن­دەي, سايلاۋ كوميسسيالارى ۇگىت ماتەريالدارىنىڭ زاڭ­نا­ماعا سايكەس ورنالاستىرىلۋىن باقىلاۋدى جۇزەگە اسىرادى. سايلاۋ الدىنداعى ۇگىتتى ءجۇر­گىزۋدە سەنىم بىلدىرىلگەن ادامدار ەرەك­شە رولگە يە. ساياسي پار­تيا­­لار مەن ءماسليحاتتار دەپۋ­تات­تى­عىنا كانديداتتار سە­نىم ءبىل­دى­رىل­گەن ادامداردى ءوز قا­لاۋى بويىنشا ءتيىستى وكرۋگتە ءبىر سايلاۋ ۋچاسكەسىنە 3 ادامنان اسىرماي انىقتايدى. ال اس­­تا­نا قالاسى اۋماقتىق سايلاۋ كو­ميس­سياسىنىڭ حاتشىسى ۆ.پىتەۆا: «استانا قالاسىنىڭ اۋماقتىق سايلاۋ كوميسسياسى بەس ساياسي پارتيانىڭ – «نۇر وتان» پارتياسىنىڭ, قكحپ-نىڭ, «اق جول» قدپ-نىڭ, «بىرلىك» سپ-نىڭ جانە «اۋىل» حدپپ-نىڭ, بارلىعى 731 سەنىم بىلدىرىلگەن ادامىن, ال وكرۋگتىك سايلاۋ كو­ميس­سيالارى ءماسليحاتتار دەپۋ­تاتتى­عىنا كانديداتتاردىڭ 836 سەنىم بىلدىرىلگەن وكىلىن تىركەدى», – دەدى. بريفينگتە سايلاۋ الدىنداعى ۇگىت ءۇشىن قارجىلاندىرۋدىڭ ەكى ءتۇرى قاراستىرىلعانى دا اتاپ ءوتىل­دى. «رەسپۋبليكالىق بيۋد­جەت­تەن اس­تانا قالاسى ءماسلي­حاتىنىڭ دەپۋ­تاتتىعىنا ءار كان­ديداتقا تەلە­ديداردا جانە راديودا سايلاۋال­دى باعدار­لاماسىمەن شىعۋ­عا, باسپا باسىلىمدارىندا 2 ما­قالا جاريالاۋعا, سونداي-اق, ۇگىت­تىك باسپا ماتەريالدارىن باسىپ شىعارۋعا, سايلاۋشىلار­مەن كەز­دەسۋلەر ءۇشىن ءۇي-جايلاردى جال­عا الۋعا, كولىكتىك شىعىستارعا تەڭ مولشەردە 245 مىڭ تەڭگە كولە­­مىن­دە قاراجات بولىنەدى, – دەدى وسى جونىندە ي.جالبىروۆ. – سو­نى­مەن قاتار, ساياسي پارتيالار مەن ءماسليحات دەپۋتاتتىعىنا كاندي­دات­تاردىڭ ارنايى سايلاۋ قور­لارىن قۇرۋعا قۇقىعى بار. سايلاۋ قورلارى قاراجاتىنىڭ شەگى سايلاۋ تۋرالى زاڭمەن انىقتالعان». اۋماقتىق سايلاۋ كوميسسيا­سى وكىل­دەرىنىڭ حاباردار ەتۋىن­شە, ءماسليحات دەپۋتات­تىعىنا كان­­­دي­دات سايلاۋ قورى­نىڭ قارا­جا­تىنا جەكە ءوزى يەلىك ەتەدى. بۇل رەت­تە وكرۋگ­تىك سايلاۋ كوميسسيالارى بانكتەر­مەن بىرلەسىپ سايلاۋ قورلارى قاراجاتىنىڭ جۇمسالۋىن با­قى­لاۋدى جۇزەگە اسىرادى جانە ەكى اپتادا ءبىر رەت سايلاۋ قورلارىنا قاراجاتتىڭ ءتۇسۋى جانە جۇمسالۋى تۋرالى حاباردى باق-تا جاريالايدى. ءاليسۇلتان قۇلانباي, «ەگەمەن قازاقستان».