اقمولا. 15 ناۋرىز. فەستيۆالعا اقمولا جانە سولتۇستىك قازاقستان وبلىستارىنىڭ 122 اۋەسقوي بالىقشىسى قاتىستى. بۇل تۋرالى egemen.kz ءتىلشىسى حابارلايدى.
فەستيۆالدى اقمولا وبلىستىق دەنە شىنىقتىرۋ جانە سپورت باسقارماسى وڭىردەگى «كوكشە جيھاز», «تورفەي», «كلەۆىي», «رىباك»» «زوو پريرودا» سەكىلدى سەرىكتەستىكتەرمەن جانە «الما تۆ» كابەلدىك تەلەۆيدەنيەسىمەن بىرلەسىپ ۇيىمداستىردى.
جارىس ەكى كەزەڭمەن وتكىزىلدى. ماسەلەن, ءبىرىنشى سايىس بويىنشا ۇياشىقتى 3 مينۋتتا ۇڭعىلاۋ باسكەسىندە يۋري لۋنگا جەڭىمپاز اتاندى. ول وسى ۋاقىتتا 8 ۇياشىقتى بۇرعىلاپ ۇلگەردى. ال, بالىق اۋلاۋ جارىسىندا ءار قاتىسۋشىعا ەكى جارىم ساعات ۋاقىت بەرىلدى. مۇندا 41 بالىق ۇستاعان ۆيكتور ەۆدوكيموۆ ۇزدىك دەپ تانىلدى. سونداي-اق, 40 بالىقتى قارماعىنا ىلىكتىرگەن الەكساندر جۇماعاتوۆ ەكىنشى, 26 بالىق ۇستاعان ەۆگەني سكالسكي ءۇشىنشى ورىندى ەنشىلەدى.
جارىستىڭ جەكەلەي ەسەبىندە 47,5 ۇپاي جيناعان يۋري لۋنگا, كوماندالىق ەسەپتە «نارفين» بالىقشىلارى التىن مەدالمەن ماراپاتتالدى.
فەستيۆالدىڭ «ەڭ ءىرى بالىق ۇستاعانى ءۇشىن» جۇلدەسى ۆيكتور ەۆدوكيموۆ پەن ساۋلە وسپانوۆاعا بەرىلدى.
باقبەرگەن امالبەك.
دەرەك, سۋرەت: egemen.kz.
