استانا. 15 ناۋرىز. قازاقستان ۆەلوسپورتى تاعى ءبىر جەڭىسكە جەتتى. ترەكتە وتەتىن جارىستاردا ومنيۋم قاشىقتىعىنا قاتىساتىن ۆەلوسپورتشى ارتەم زاحاروۆ جازعى وليمپيا ويىندارىنا ليتسەنزيانى جەڭىپ الدى. بۇل تۋرالى egemen.kz ءتىلشىسى حابارلادى.
ومنيۋم – ۆەلوترەكتەگى قاشىقتىق. بۇل جارىستار التى قاشىقتىقتا وتەدى. سوڭعى ەكى جىلدا ارتەم زاحاروۆ حالىقارالىق تۋرنيرلەر مەن جارىستاردا وسى قاشىقتىقتاردىڭ بارىندە ۇزدىك ناتيجە كورسەتىپ كەلەدى. مىسالى, ول ازيا چەمپيوناتى مەن الەم كۋبوگىندا كوزگە ءتۇسىپ, وليمپيالىق توپ-18 رەيتينگىسىنە كىردى. ءسويتىپ, قازاقستان ۆەلوسپورتشىلارى العاش رەت 2004 جىلعى افينا وليمپياداسىنان كەيىن تولىق تىزىممەن برازيليادا وتەتىن ءدۇبىرلى دوداعا قاتىساتىن بولادى.
ەستەرىڭىزگە سالا كەتسەك, وليمپيا ويىندارىنا بىردەن ليتسەنزيا بەرىلمەيدى. وعان جارىستاردا جاقسى ناتيجە كورسەتىپ, ىرىكتەۋ جۇيەسىنە ىلىككەن سپورتشىلار عانا بارادى.
قازىر قازاقستان سپورتشىلارىندا وليمپيادانىڭ 50 ليتسەنزياسى بار.
ارتەم زاحاروۆ –2013 جىلعى ازيا چەمپيونى, ازيا كۋبوگىنىڭ يەگەرى, الەم كۋبوگىنىڭ 2013 جانە 2016 جىلعى قولا جۇلدەگەرى, ومنيۋم قاشىقتارى بويىنشا وتكەن ازيا چەمپيوناتىنىڭ كۇمىس جانە قولا جۇلدەگەرى.
داستان كەنجالين.
دەرەك, سۋرەت: قازاقستان ۆەلوسيپەد سپورتى فەدەراتسياسى.
