اقسۋاتتاعى ونەر مەكتەبى

تاياۋدا اقسۋات اۋىلىندا ونەر مەكتەبى اشىلدى. ءبىلىم ور­­دا­سىنىڭ جالپى الاڭى – 200 شارشى مەتر. اۋدان اكىمدىگىنىڭ قولداۋىمەن اشىلعان مەكتەپتە سۋرەت, كەسكىندەمە, ءمۇسىن, قول­دان­بالى كومپوزيتسيا جانە كومپوزيتسيا سىنىپتارى بويىنشا 100 بالا ءبىلىم الادى. بالالار­دىڭ بو­يىنداعى قابىلەتىن شىڭداۋ ماق­ساتىندا تۇساۋىن كەسكەن مەك­تەپكە وقۋشىلار 5 جاستان باستاپ قابىلدانادى. ارنايى مەك­تەپتى بىتىرگەن وقۋشىلارعا كۋالىك تە بەرىلەدى ەكەن. ونەر بە­سىگىنىڭ اشىلۋ سالتاناتىنا اۋ­دان­داعى مادەنيەت سالاسىنىڭ قىز­مەتكەرلەرى, مەكتەپ وقۋشىلارى مەن اتا-انالار, اۋىل تۇرعىندارى قا­تىستى. – اۋىلىمىزدىڭ بالالارى باسقالاردان كەم بولماۋى ءتيىس. ءىرى قالالاردىڭ جوباسىنا ۇلەس قوساتىن ساۋلەتشىلەر, حالىقارالىق دارەجەدە كورمەلەر وتكىزەتىن سۋ­رەت­شىلەر, داڭقتى مۇسىنشىلەردىڭ كوبى اۋىلدان شىعادى. بۇگىندە استانانىڭ قانداي قارقىنمەن دامىپ كەلە جاتقانى بارشامىزعا بەلگىلى. بولاشاقتا ەلوردامىز بەن ەلىمىزدىڭ ەستەتيكالىق تۇرعىدان دامۋىنا تارباعاتايلىق ورەندەر دە ءوز قولتاڭباسىمەن ۇلەس قوسادى دەگەن سەنىمدەمىز. اقسۋاتتا ونەر مەك­تەبىنەن وزگە ساز, سپورت مەك­تەپتەرىندە دە ءتالىم الۋعا بولادى. الداعى ۋاقىتتا اقىلى نە­گىزدەگى اعىلشىن ءتىلى مەن مەنتال­دى ماتەماتيكا مەكتەپتەرىن اشۋدى جوسپارلاپ وتىرمىز. ياعني, بالالاردىڭ بوس ۋاقىتىن ءتيىمدى جۇمساۋى ءۇشىن مەملەكەت بارلىق جاعدايدى جاساۋ­دا, – دە­دى جاڭا نىساننىڭ اشىلۋىمەن قۇتتىقتاعان اۋدان اكىمى دىلدابەك ورازباەۆ. اۋدان باسشىسىنىڭ ايتۋىنشا, الداعى ۋاقىتتا اقسۋات ونەر مەكتەبى وقۋشىلارىنىڭ الە­ۋ­ەتى تۋعان جەردى كوركەيتۋگە پاي­دالانىلماق. ماسەلەن, دارىندى وقۋشىلار اۋداندىق گازەتتە جاريا­لاناتىن بايقاۋلارعا قاتىسىپ, اۋدان ورتالىعى مەن اۋىلدىق وكرۋگ­تەردى كورىكتەندىرۋ شارالارىنا ۇلەس قوسا الادى. وسى ماقساتتا ورتالىق ساياباقتار مەن كوشە جيەك­تەرىن, الاڭداعى مۋزىكالىق ءتۇرلى-ءتۇستى سۋبۇرقاقتار اينالاسىن اسەمدەندىرۋگە بايلانىستى جوبالار سىنعا تۇسەتىن كورمە ۇيىم­داستىرۋ كوزدەلىپ وتىر. وقۋشىلاردىڭ شىعارماشىلىق قيالىنان تۋعان جۇمىستار وسى كورمەگە قاتىستىرىلاتىن بولادى. مەكتەپتىڭ اشىلۋ سالتاناتىندا اقسۋات اۋىلىنىڭ الشىنعازى بايقىدىروۆ اتىنداعى ساز مەك­تەبىندە ۇزاق جىل ەڭبەك ەتكەن شولپان بوشانوۆا مەن «سۇلۋ­ساز» حالىقتىق مادەني ءان-بي ان­سام­بلىنىڭ كوركەمدىك جەتەكشىسى عاريفوللا سەيفوللاەۆ ارنايى توسبەلگىمەن ماراپاتتالسا, ارداگەر-ۇستاز حاندانيشا مىرزاتاەۆا بۇگىندە شاكىرتتەردىڭ الاڭسىز ءبىلىم الۋىنا, شىعارماشىلىق قابىلەتىن شىڭداۋىنا مەملەكەت تاراپىنان بارلىق جاعداي جاسالعانىن, ونى ءتيىمدى پايدالانۋ كەرەكتىگىن جەتكىزدى. جاڭا نىسانمەن تانىسۋ بارىسىندا بەينەلەۋ ونەرى ساباعىن وتكىزىپ جاتقان مۇعالىمدى سوزگە تارتقان ەدىك. جانەركە ەرلانوۆا سەمەي­دىڭ سەرۆيس كوللەدجىن ءتامامداپ, «ديپ­­­لوم­مەن – اۋىلعا!» جوباسى بويىن­شا اۋىلعا كەلىپ, ەڭبەك ەتىپ جاتقانىن ايتتى. – ءبىزدىڭ ۇيىرمەدە قازىر 25 وقۋشى بار. ولاردى سۋرەت, كومپوزيتسيا, گرافيكا ونەرىنە باۋليمىز. ءتۇرلى-ءتۇستى بوياۋمەن جۇمىس ىستەۋدى ۇيرەتەمىز. وقۋشىلاردىڭ بەينەلەۋ ونەرىنە دەگەن ىنتالارى وتە جوعارى, – دەدى جاس مامان. ونەر مەكتەبىنىڭ ديرەكتورى ەربولات جارىلعاسىنوۆ ونەرلى جان ەكەن. اعاش پەن تەمىردەن ءتۇيىن تۇيەتىن ۇستازدىڭ جاساعان قولونەر بۇيىمدارىنىڭ ىشىندە دومبىرا, نارقوبىزدان باستاپ, استاۋ, كىسە سىندى ۇلتتىق بۇيىمدار جەتەرلىك. كەڭەس وداعى كەزىندە اۋىلداعى ونەر مەكتەبىنىڭ نەگىزىن قالاعان, 30 جىل بويى ۇستازدىق, باسشىلىق قىزمەت ەتكەن مايدانبەك ىشتەباەۆ ەربولاتتىڭ قولىنان شىققان دومبىرانى بەبەۋلەتىپ, كۇي تارتا وتىرىپ, اقسۋاتتاعى العاشقى ونەر مەكتەبى 1968 جىلى 15 تامىزدا اشىلعانىن, اتالعان ءبىلىم ورداسىنان كۇيشى مۇرات ابۋعازى, ءانشى كلارا تولەنباەۆا, سىبىزعىشى تالعات مۇقىشەۆ سىندى ەلىمىزگە بەلگىلى ونەر قايراتكەرلەرى شىققا­نىن ماقتانىشپەن اتاپ ءوتتى. ولاردىڭ ءىزىن جالعايتىن ونەر­پازدار وسى ورەندەردىڭ ورتاسىندا وتىرعان بولار, بالكىم! دۋمان اناش, «ەگەمەن قازاقستان». شىعىس قازاقستان وبلىسى, تارباعاتاي اۋدانى. سۋرەتتى تۇسىرگەن اۆتور.