كوكشەتاۋداعى قازاق تەاترىنا – 20 جىل

شاحمەت قۇسايىنوۆ اتىنداعى قازاق دراما تەاترىنىڭ 20 جىل­دىعى كەڭ كو­لەمدە اتاپ ءوتىلدى. ايتۋلى مەرەكەگە ار­­نالعان «تاۋەل­سىزدىك – تۇعىرىم!» ات­تى اي­ماقتىق تەاتر فورۋمى بەس كۇن بويى كورەرمەندەردى قۋانىشقا بولەدى. ءسابيت مۇقانوۆ اتىنداعى سولتۇستىك قا­زاقستان وبلىستىق سازدى-دراما تەاترى گ.حۋگاەۆتىڭ «قارا شەكپەن» پريت­چاسىن, ءىلياس وماروۆ اتىنداعى قوس­تاناي وبلىستىق دراما تەاترى ج.ءالماشتىڭ «مۇڭمەن الىسقان ادام», استانا قالاسىنىڭ جاستار تەاترى س.ءجۇنى­سوۆتىڭ «تىراۋ-تىراۋ, تىرنالار» دراماسىن, قا­ليبەك قۋانىشباەۆ اتىن­داعى مەم­لەكەتتىك اكادەميالىق قازاق مۋزى­كا­لىق دراما تەاترى ە.حۋش­ۆاحتوۆتىڭ «قى­زىل الما» ليري­كالىق كومەدياسىن ساحنالادى. ال سالتاناتتى جينالىس اقمولا وبلىسى اكىمىنىڭ قۇتتىقتاۋىمەن اشىلدى. قازاقستان رەسپۋبليكاسى پارلامەنتى سەناتىنىڭ دەپۋتاتى, دراماتۋرگ-جازۋشى جابال ەر­عاليەۆ, ءوڭىر باسشىسىنىڭ ورىنباسارى نۇرلان نۇركەنوۆ, وسىدان 20 جىل بۇرىنعى وبلىس اكىمى قىزىر جۇماباەۆ, قا­زاقستاننىڭ حا­لىق ءار­تىسى جىبەك باعىسوۆا, تەا­ت­­ر باسشىسى مارال جاقىپوۆا, توي قوناقتارى شىعار­ماشىلىق ۇجىمنىڭ جەتىستىكتەرىنە جوعارى باعاسىن بەردى. كوكشەتاۋ تەاترى 1996 جىلى 6 ناۋرىز كۇنى «اقان سەرى-اقتوقتى» (اۆتورى ع.مۇسىرەپوۆ, قويۋشى-رەجيسسەرى ج.وماروۆ) دراماسىمەن العاش رەت شىمىلدىعىن اشتى. وسى جىلدار ىشىندە ءتۇرلى جانرداعى 111 درامالىق شىعارما ساحنالانىپتى. وتاندىق شىعارمالارمەن قاتار شەتەلدىك, الەمدىك دراماتۋرگيا دا قامتىلىپ كەلەدى. تەاتر اكتەرلەرىنىڭ ساحنالىق شەبەر­لىكتەرىن تەاتر فەستي­ۆالدەرىندە العان ماراپاتتارىنان دا كورۋگە بولادى. تەاتر ترۋپپاسى وننان استام رەسپۋبليكالىق, بەس حالىقارالىق تەاتر فەستيۆالدەرى مەن فورۋمدارىنا قاتىسىپ, «ەڭ ۇزدىك قويىلىم»,«ەڭ ۇزدىك اكتەرلىك انسامبل», «تاريحي تاقىرىپتى ءساتتى يگەرگەنى ءۇشىن», «تاريحي تۇلعانى ۇلىقتاعانى ءۇشىن», «ەڭ ۇزدىك ەر ادام ءرولى ءۇشىن» جانە باسقا اتالىمدار بويىنشا ۇزدىك شىققان. تەاتردىڭ تىنىس-تىرشىلىگى ءاردايىم وبلىس اكىمدىگىنىڭ نازارىندا ەكەندىگى ايتىلدى. گاسترولدىك ساپارلار مەن فەس­تيۆالدەرگە قاتىسۋعا جىلدا قا­راجات ءبولىنىپ كەلەدى. ۇجىم 2004 جىلى جاڭا زاماننىڭ بار­لىق تا­لاپتارىنا تولىق جاۋاپ بەرەتىن عي­ماراتقا كوشىرىلگەن. تەاتردىڭ ءىر­گە­تاسىن قالاعان اكتەرلار پاتەرمەن قام­تاماسىز ەتىلدى. وعان قوسا, ءار جىل سايىن تەاتردىڭ ىشكى قاجەتتىلىگىنە قار­جىلاي كومەك كورسەتىلۋدە. ونەر ورداسى مەملەكەتىمىزدىڭ جاندى جا­ن­اشىرلىعىن سەزىنىپ جۇمىس جا­ساۋدا. وسى­نىڭ ناتيجەسىندە تەا­ت­ر مىسىر, قى­تاي, رەسەي, ۋكراي­نا, بەلورۋسسيا كورەر­مەن­دەرىنىڭ ريزاشىلىعىنا بولەندى. قازاقستان تاۋەلسىزدىگىنىڭ 25 جىل­دىعى اياسىندا وتكىزىلگەن مەرەكەلىك شارادا ونەر ۇجىمى دايىنداعان «تاۋەلسiز ەل – تەاتر تاريحىندا» كىتا­بىنىڭ تانىستىرىلىمى وتكىزىلىپ, سەناتور جازۋشى ج.ەرعاليەۆتىڭ «قيلى جول» دراماسى قويىلدى. بۇل شىعارمانىڭ پرەمەراسى قازاق حاندىعىنىڭ 550 جىلدىعى مەرەكەسىندە, تارازدا وتكەن بولاتىن. باقبەرگەن امالبەك, «ەگەمەن قازاقستان». اقمولا وبلىسى. سۋرەتتى تۇسىرگەن ەرمۇرات دوسىموۆ.