ستراتەگيالىق سەرىكتەستىك جالعاسادى

مەملەكەتتىك حاتشى گۇلشارا ابدىقالىقوۆانىڭ اقش-قا جۇمىس ساپارى جالعاسۋدا, دەپ حابارلادى پرەزيدەنتتىڭ ءباسپاسوز قىزمەتى. مەملەكەتتىك حاتشى نيۋ-يورك قالاسىندا ءوتىپ جاتقان بۇۇ ايەلدەر احۋالى جونىندەگى كوميسسياسىنىڭ 60-سەسسياسىنا قاتىسىپ, جيىندا ايەلدەردىڭ قۇقىقتارى مەن مۇمكىندىكتەرىن كەڭەيتۋ ماسەلەسى بويىنشا بايانداما جاسايدى دەپ جوسپارلانعان. ساپار اياسىندا گ.ابدىقا­لى­قوۆا 10-12 ناۋرىز كۇندەرى ۆا­شينگ­­توندا اقش-تىڭ رەسمي ادام­­دارىمەن, ىسكەر جانە قوعام­دىق توپتار وكىلدەرىمەن كەز­دەستى. مەملەكەتتىك حاتشى مەن ۆ.ۆيل­سون اتىنداعى حالىق­ارا­­لىق عىلىمي ورتالىقتىڭ كەن­نان ينستيتۋتىنىڭ ديرەك­تورى م.رودجانسكيدىڭ كەز­دەسۋىن­دە قازاقستانداعى الەۋ­مەت­­تىك-ەكونوميكالىق دامۋ­دىڭ, جاڭ­عىرتۋلار جانە رە­فور­مالاردىڭ وزەكتى ماسەلەلەرى تال­قىلاندى. گ.ابدىقالىقوۆا ءبىزدىڭ تۇپكىلىكتى ماقساتىمىز بەي­بىتشىلىك پەن تۇراقتىلىقتى قام­تاماسىز ەتۋمەن, مەملەكەتتىڭ ءجا­نە قوعامنىڭ ۇزاق مەرزىمدى دامۋىمەن ۇندەسىپ جاتقانىن اتاپ ءوتتى. جاھاندىق ايەلدەر ماسە­لەلەرى جونىندەگى اقش ەلشىسى ك.راس­سەلمەن كەزدەسۋدە مەم­لەكەتتىك حاتشى قازاقستان بيىل تاۋەلسىزدىكتىڭ 25 جىلدىعى مەرەكەلەنەتىنىن اتاپ ءوتتى. شيرەك عاسىر ىشىندە ەلىمىز تابىس­تى ەكونوميكا, ورنىقتى ساياسي جانە الەۋمەتتىك جۇيە قالىپتاستىردى. سونىمەن قاتار, وسى جىلى ەكى ەل اراسىنداعى ديپلوماتيالىق قا­رىم-قاتىناستاردىڭ ورناعانىنا دا 25 جىل تولىپ وتىر. گ.ءابدى­قالىقوۆا تاراپتاردىڭ قارۋسىز­دانۋ جانە قارۋ تاراتپاۋداعى, دەمو­­كراتيالىق ترەكتەگى, ەنەرگە­­تيكالىق, ساۋدا-ەكونو­مي­كا­لىق, گۋمانيتارلىق ىنتى­ماق­تاس­تىق­تاعى جانە باسقا دا جەتەكشى سالا­لارداعى ستراتە­گيا­­لىق سەرىك­تەستىكتىڭ ماڭىزدى­لىعىنا توقتالدى. مەملەكەتتىك حاتشى مەن ايەل­دەردىڭ جاھاندىق ءسامميتىنىڭ پرەزيدەنتى ا.ناتيۆيدادتىڭ كەزدەسۋىندە ەلدەردىڭ الەۋمەتتىك-ەكونوميكالىق دامۋىنداعى ايەل­دەردىڭ ءرولىن كۇشەيتۋ, مارتەبەسىن كوتەرۋ جانە ولاردىڭ شەشىم قا­بىل­داۋ ۇدەرىسىنە قاتىسۋ بەلسەن­دىلىگىن ارتتىرۋ ماسەلەلەرى قاراس­تىرىلدى. گ.ابدىقالىقوۆا ىسكەر توپتارمەن بىرگە جۇمىس بارىسىنداعى ءتۇس­كى اس كەزىندە قازاقستان مەن اقش-تىڭ ساۋدا-ەكونوميكالىق ىن­تى­ماقتاستىعىن, ەكى ەلدىڭ ىسكەر­لىك جانە ينۆەستيتسيالىق احۋا­لىن جاقسارتۋ ماسەلەلەرىن تالقى­لادى. اقش-قا رەسمي ساپارى اياسىندا ۆاشينگتوندا وتكەن كەزدەسۋلەر سوڭىندا مەملەكەتتىك حاتشى اق ءۇيدىڭ, مەملەكەتتىك دەپار­تامەنتتىڭ, كونگرەسس وكىلدەرى­نىڭ, بيزنەس ەليتانىڭ, ديپلوما­تيالىق كورپۋستىڭ جانە اقش-تىڭ قوعامدىق توپتارىنىڭ قاتىسۋىمەن وتكەن «ناۋرىز مەيرامى» مەرەكەلىك كەشىنە قاتىستى.