بۇگىنگى كۇننىڭ كۇلبيكەسى

«حابار» اگەنتتىگى سەريال­دار ءون­دىرىسىندەگى وتاندىق نا­رىق­­تىڭ دامۋىنا ءوز ۇلەسىن قوسۋ­دى جالعاستىرۋدا. اتال­مىش ارنا ازىرلەپ جاتقان كوك­تەمگى تۇساۋكەسەردىڭ ءبىرى جاڭا «زاۋرە» سەريالى. بۇل ءبىز بىلە­تىن باياعى كۇلبيكە تۋرالى ەر­تەگى تەلەحيكايانىڭ جەلىسىمەن ۇشتا­سادى. جاڭا تەلەسەريالدا وگەي شە­شەنىڭ قىسپاعىنا ابدەن شىداپ كەلگەن قىز ءتۇپتىڭ تۇبىندە تاماشا ادامعا جولىعىپ, باقىتتى بولادى عوي. وعان دەيىنگى وسى زاماننىڭ ەرتەگىسى كو­رەرمەندەر ءۇشىن تارتىمدى بو­لۋى ءتيىس. قىسقاسى, تەلەحيكايا نۇس­قاسىندا اۋىلدا تۋىپ-وسكەن زاۋرە ەسىمدى جاس قىز تۋرالى بايان­دالادى. وقيعا جەلىسىنە زاۋرەنىڭ وزىنە سەنىمسىز قىزدان جەتىستىككە جەتكەن, تانىمال ديزاينەرگە اينالۋ جولىنداعى شىم-شىتىرىق كۇردەلى ءومىرى ارقاۋ بولماق. جۇرت جاقسى بىلەتىن «زو­لۋشكا» ەرتەگىسىنىڭ قازاق­ستان­دىق نۇسقا­سىنىڭ كەيىپكەرىن «ودين يز ناس», «ون ي ونا» سياقتى جوبالارعا قا­تىسقان بەلگىلى دينارا باقتى­باەۆا وي­نايدى. «ون ي ونا» فيل­مىن­­­دەگى ءرولى ارقاسىندا دي­نا­را جۇرتشىلىققا كەڭىنەن تا­­­نىلعان. ونىڭ ايتۋىنشا: «بۇل بار­لىق قيىنشىلىقتاردان حانزادا قۇتقاراتىن كۇلبيكەنىڭ وقيعاسى ەمەس. ءبىزدىڭ وقيعادا مە­نىڭ كەيىپكەرىم بارىنە ءوز كۇشى­مەن, جىگەرىمەن, تالانتىمەن قول جەتكىزەدى». ستسەناري اۆتورى «سۇربويداق», «تراكتورشىنىڭ ماحابباتى» سياقتى جوبالاردى ومىرگە اكەلگەن اسقار ۇزاباەۆ. ال رەجيسسەرى «ماحابباتىم ءجۇ­رەگىمدە-2» سەريالىن تۇسىرگەن ەرنار نۇرعاليەۆ. سونداي-اق, تە­لەحيكايادا نۇرلان تورەحانوۆ, ۆەنەرا نيگ­ماتۋلينا, اينۇر نيا­زوۆا, جاندوس ايباسوۆ, ارتۋر تولەپوۆ, كاماليا ءبايتو­لەۋوۆا وينايدى. شىعارماشىلىق توپ سيۋجەتتى جاراسىمدى ازىلمەن بايىتۋعا ءجا­نە اكتەرلەردىڭ ويىنىن شى­تىر­مان وقيعالار ءارى سەريادان سە­رياعا وتكەن سايىن قىزىقتى بو­لاتىنداي ەتىپ جاساۋعا ءسوز بەر­­گەن ەكەن. ستسەناري بارلىق جاس­­­­تاعى كورەرمەندەردىڭ قىزى­عۋ­شىلىقتارىن ەسكەرە وتىرىپ جا­زىلعان كورىنەدى. مەلودرامالىق تۋىندى ءتۇسىرۋ يدەياسى «حابار» اگەنتتىگىنە تيە­سىلى. جوبانى ىسكە اسىرۋعا «567 Creative Laboratory»پروداكشن كوم­پانياسىنىڭ توبى كىرىسسە, ءتۇ­سىرىلىمدەر الماتى جانە تالعار قالالارىندا جۇرگىزىلدى. ايناش ەسالي, «ەگەمەن قازاقستان». الماتى.