تاعى 103 شەتەلدىك بايقاۋشىنى اككرەديتتەدى

ورتالىق سايلاۋ كوميسسياسىنىڭ كەشەگى وتىرىسىندا وسك «2016 جىلعى 20 ناۋرىزعا تاعايىندالعان قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىنا جانە ءماسليحاتتارى دەپۋتاتتارىنىڭ كەزەكتى سايلاۋىنا حالىقارالىق ۇيىمدار مەن شەت مەملەكەتتىڭ بايقاۋشىلارىن اككرەديتتەۋ تۋرالى» قاۋلى قابىلدادى. «وسى قاۋلىعا سايكەس ورتالىق سايلاۋ كوميسسياسى قازاقستان رەس­پۋبليكاسى سىرتقى ىستەر مي­نيسترلىگىنىڭ ۇسىنۋى بويىنشا ءۇش حالىقارالىق ۇيىمنان ءجا­نە ءبىر شەت مەملەكەتتەن 103 باي­قاۋشىنى اككرەديتتەدى, – دەدى وسك مۇشەسى تاتيانا وحلوپ­كوۆا. – ولاردىڭ ۇشەۋى – امەري­كا قۇراما شتاتتارىنان, 97 باي­قاۋ­شى – تمد-نىڭ بايقاۋشىلار ميسسيا­سىنان. ونىڭ ىشىندە 33-ءى – تمد-عا قاتىسۋشى مەملەكەت­تەر­دىڭ پارلامەنتارالىق اسسام­بلە­يا­سىنان جانە 7-ەۋى بەلارۋس جانە رەسەي وداعىنىڭ پارلامەنتتىك جي­نا­لىسىنان, ال 3 بايقاۋشى – يس­لام ىنتىماقتاستىعى ۇيىمىنان». بيىلعى جىلعى 25 اقپانداعى جاعداي بويىنشا, ورتسايلاۋكوم ەكى حالىقارالىق ۇيىمنىڭ ميس­سيا­لارىنان (ەقىۇ/دياقب جانە تمد), ءبىر حالىقارالىق ۇيىم­نان (يسلام ىنتىماقتاستىعى ۇيى­مى) جانە شەت مەملەكەتتەن 155 باي­قاۋشىنى اككرەديتتەدى. سونى­مەن قاتار, قازاقستان رەسپۋب­لي­كاسىنىڭ سىرتقى ىستەر مينيسترلىگى كەشەگى كۇنگى جاعداي بويىنشا 25 مەملەكەتتەن شەتەلدىك بۇقارالىق اقپارات قۇرالدارىنىڭ 105 وكىلىن اككرەديتتەدى. ال ورتسايلاۋكوم شەت مەملەكەتتەر مەن حالىقارالىق ۇيىمداردىڭ بايقاۋشىلارىن اككرەديتتەۋدى 2016 جىلعى 14 ناۋرىزعا دەيىن جۇزەگە اسىرادى. ءاليسۇلتان قۇلانباي, «ەگەمەن قازاقستان».