ۇمىتكەرلەر اراسىندا ءتۇرلى ۇلت وكىلدەرى بار

وبلىستىق سايلاۋ كوميس­سياسىنىڭ حابارىنا قاراعاندا, بيىلعى سايلاۋدا دەپۋتات بولعىسى كەلەتىن ۇمىتكەرلەردىڭ قاتارىندا جاستار كوپ. مىسالى, وبلىستىق ءماسليحات دەپۋتاتتىعىنان ۇمىتكەردىڭ ورتا جاسى 46 بولسا, قالالىق جانە اۋداندىق ءماسليحاتتاردا 42 جاستى قۇراپتى. 470 ۇمىتكەردىڭ جوعارى ءبىلىمى, 131-ءىنىڭ ارنايى ورتا ءبىلىمى بار. ال 36 ۇمىتكەر ورتا مەكتەپ بىتىرگەن. ۇمىتكەرلەردىڭ 198-ءى ايەل, 439-ى ەر ادامدار. ماسليحاتتارداعى ورىندار ءۇشىن قازاق, ورىس, ۋكراين, نەمىس, بەلورۋس, مولداۆان, چەشەن, ازەربايجان, باشقۇرت, ارميان, قاراقالپاق, قىرعىز, وزبەك, كورەي ۇلتىنىڭ وكىلدەرى سىنعا تۇسپەك كورىنەدى. – ۇمىتكەرلەردىڭ اراسىندا مۇعالىم, ينجەنەر, ەنەرگەتيك, مەحانيك, بايلانىسشى, قۇرىلىسشى, قارجى-ەكونوميكا سالاسىنىڭ قىزمەتكەرلەرى, كووپەراتيۆتەر مەن شارۋا قوجالىقتارىنىڭ وكىلدەرى, دارىگەرلەر مەن زاڭگەرلەر, مەملەكەتتىك ۇيىمدار مەن كاسىپورىنداردىڭ قىزمەتكەرلەرى, كوممەرتسيالىق قۇرىلىمدار وكىلدەرى, اكىمدىك اپپاراتى مەن ءماسليحات قىزمەتكەرلەرى, ساياسي پارتيالار مەن ۇكىمەتتىك ەمەس ۇيىمدار وكىلدەرى بار. سونداي-اق, ءبىر زەينەتكەر مەن ۋاقىتشا جۇمىسسىز ەكى ادام دا دەپۋتاتتىقتان ءۇمىتتى, – دەيدى سايلاۋ كوميسسياسىنىڭ حاتشىسى ءاليا سابىرحانوۆا. پاۆلودار.