قاداعالاۋشى ءارى كۋاگەر

«اقمولا مەديا ورتالىعىندا» سايلاۋ ناۋقانىن بايقاۋ جونىندەگى رەسپۋبليكالىق قوعامدىق كوميسسيانىڭ وبلىستىق فيليالى جەرگىلىكتى بايقاۋشىلارمەن سەمينار-ترەنينگ وتكىزدى. ونىڭ باستى ماقساتى ءادىل سايلاۋ مەن سايلاۋ ناۋقانىنىڭ اشىقتىعىن قامتاماسىز ەتۋ بولىپ تابىلادى. سەمينارعا قاتىسقان رەس­پۋب­ليكالىق قوعامدىق كوميس­سيانىڭ مۇشەسى تامارا شيرمەر كوميسسيا سايلاۋالدى ناۋقانىنىڭ دەمو­كراتيا­لىق قاعيدالار تالاپتارىنا ساي ۇيىمداستىرىلۋىنا, ازامات­­تاردىڭ ەركىن پىكىر ۇستانى­مىن قامتاماسىز ەتۋگە سەپتەسە­تىندىگىن اتاپ كورسەتتى. – سايلاۋدى بايقاۋ جونىندەگى رەسپۋبليكالىق قوعامدىق كوميسسيا (سبرقك) ءوزىنىڭ 10 جىلدان استام قىزمەتىندە ساياسي بەي­تا­راپتىق, اشىقتىق جانە ادىلدىك قاعيداتتارىن ۇستانىپ كەلەدى, – دەدى ت.شيرمەر. – كوميسسيا قۇرامى ەلىمىزگە بەلگىلى, قۇرمەتتى ازاماتتاردان, وزىندىك پىكىرى قالىپتاسقان قوعام قايراتكەرلەرىنەن, عالىمداردان, ساراپشىلاردان, زيالى قاۋىم جانە بۇقارالىق اقپارات قۇرالدارى وكىلدەرىنەن ىرىكتەلگەن. كوميسسيانىڭ وڭىرلىك بۋىندارىنىڭ الەۋەتى دە زور. ءبىزدىڭ نەگىزگى ماقساتىمىز – سايلاۋ ناۋقانىنىڭ اشىقتىعىن, سونداي-اق, سايلاۋشىلار مەن ۇمىتكەرلەردىڭ كونستيتۋتسيالىق قۇقىقتارىنىڭ ساقتالۋىن قامتاماسىز ەتۋ. كوميسسيا مۇشەلەرى قازاق­ستان ازاماتتارىن سايلاۋدىڭ زاڭ­دىق نورمالارعا ساي, جالپىعا ورتاق قۇقىقتىق نەگىزدەردىڭ قاتاڭ ساقتالۋى جاعدايىندا وتەتىن­دىگىنەن كەڭىنەن اقپاراتتان­دى­رىلۋىن جانە بۇل نورمالاردىڭ مۇلتىكسىز ورىندالۋىن قامتاماسىز ەتۋگە ءتيىستى. ءاربىر ازامات سايلاۋعا قاتىسۋى جانە ءوزىنىڭ ازاماتتىق ۇستانىمدارىن ەركىن بىلدىرۋگە ءمۇم­كىندىك الۋى شارت. بەيتاراپ قوعام­دىق باقىلاۋ ەلەكتوراتتىق جاعدايعا وڭ ىقپال ەتىپ, تۇرعىن­داردىڭ ساياسي-قۇقىقتىق مادە­نيەتىنىڭ ارتۋىنا جاعداي جاسايدى. ءبىزدىڭ ۇيىمدىق-پراكتيكالىق جوسپار-كەستەمىز بويىنشا وسىنداي سەمينارلار, دوڭگەلەك ۇستەل ماجىلىستەرى وتكىزىلىپ, بايقاۋ ءىسى بارلىق سايلاۋ ۋچاسكەلەرىندە جۇرگىزىلەتىن بولادى. سبرقك وبلىستىق فيليالىنىڭ توراعاسى عوسمان تولەعۇل وبلىس قالالارى مەن اۋداندارىنان كەلگەن بايقاۋشىلارعا قويىلىپ وتىرعان مىندەتتەر تۋرالى كەڭىنەن تۇسىنىك بەردى: «بايقاۋشى – سايلاۋدىڭ وتكىزىلۋى بارىسىن قاداعالاۋشى ءارى تىكەلەي كۋاگەر, – دەدى ول. – قوعامدىق ۇيىمنىڭ مۇشەسى الدىمەن ءوز مىندەتىنە ادال بولۋى كەرەك. ءبىز قوعامنىڭ اتىنان ارەكەت ەتەمىز, سوندىقتان, ادىلدىكتى, اشىقتىقتى, ادالدىقتى قامتاماسىز ەتىپ, سايلاۋ بارىسى مەن داۋىستاردى ساناۋ كەزىندە ورىن الۋى مۇمكىن كەلەڭسىزدىكتەردىڭ الدىن الۋىمىز قاجەت». سەميناردى ۇيىمداس­تىرۋ­شىلار وعان قاتىسۋشىلاردىڭ پىكىر­لەرىن تىڭداپ, سۇراقتارىنا جاۋاپ قايتاردى. كوميسسيا مۇشەلەرى كەزدەسۋدىڭ العاشقى كۇنىندە كوكشەتاۋ قالاسىنداعى №1 جانە №3 مەكتەپتەردە, «دوس­تار» مادەنيەت سارايىندا ورنا­لاسقان سايلاۋ ۋچاسكەلەرى مەن وكرۋگتەرىندەگى جۇمىسپەن تانىس­تى. كەشە ولار بۇلاندى جانە اق­كول اۋداندارىندا سەمينار وتكىزدى. باقبەرگەن امالبەك, «ەگەمەن قازاقستان».