دەنساۋلىق ساقتاۋ جۇيەسى كەڭىنەن جەتىلدىرىلەتىن بولادى

بۇل تۋرالى كەشە پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن بريفينگتە دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ەلجان ءبىرتانوۆ مالىمدەدى.  جيىن بارىسىندا ۆيتسە-مينيستر مەملەكەت باسشىسىنىڭ 2016 جىلعى 15 قاڭتاردا 2016-2019 جىلدارعا ارنالعان «دەنساۋلىق» مەملەكەتتىك باعدارلاماسىنا قول قويعانىن ەسكە سالدى. اتالمىش باعدارلامانىڭ نەگىزگى باعىتتارى حالىقتىڭ دەنساۋلىعىن قورعاۋعا نەگىز بولاتىن قوعامدىق دەنساۋلىق ساقتاۋ جۇيەسىن دامىتۋ, العاشقى مەديتسينالىق-سانيتارلىق كو­­مەكتى جەتىلدىرۋ, حالىقتىڭ سۇ­­رانىسىنا قاراي بارلىق دەن­ساۋلىق ساقتاۋ قىزمەتتەرىن بىرىكتىرۋ, مە­ديتسينالىق قىزمەتتىڭ ساپاسىن ارتتىرۋ, دەنساۋلىق ساقتاۋ جۇيەسىنىڭ قارجىلىق تۇ­راق­تىلىعىن رەتتەۋ بولىپ تابى­لادى. سونداي-اق, حالىق­ارا­لىق وزىق تاجىريبەگە ءساي­كەس, دەن­ساۋلىق ساقتاۋ جۇيەسىن دامى­تۋعا نەگىز رەتىندە قوعامدىق دەن­ساۋلىق ساقتاۋ جۇيەسى قۇرى­لاتىن بولادى. حالىق اراسىندا سالاماتتى ءومىر سالتىن ناسيحاتتاۋ شارالارىن جۇرگىزۋ, جۇقپالى اۋ­رۋلار جانە پسيحيكالىق اۋىت­قۋلارعا ۇشىراعان ازاماتتاردى با­قىلاۋ, ەپيدەميولوگيالىق قاۋىپ­­سىزدىك پەن دەنساۋلىقتى قور­عاۋ سالالارىنداعى زاڭنا­ما­نىڭ ساقتالۋىن باقىلاۋ قۇرى­­لاتىن جۇيەنىڭ اتقاراتىن نەگىز­­گى مىندەتتەرىنە جاتادى. ۆي­تسە-ءمينيستردىڭ ايتۋىنشا, وقۋ­شى­لاردى ساۋىقتىرۋعا دا باسا نازار اۋدارىلاتىن بولادى. مەم­لە­كەتتىك باعدارلامانىڭ اياسىندا وقۋ­شى­لارعا ارنالعان ساۋىقتىرۋ شارا­لارىنىڭ جىل بويعى كۇنتىزبەسىن جاساۋ جوسپارلانىپ وتىر. سونىمەن قاتار, ەلجان ءبىر­تانوۆ 2015 جىلى قازاقستاندا تىركەلگەن كلينيكالىق تيىمدىلىگى دالەلدەنگەن دارىلىك زاتتاردىڭ ءتىزىمى تۋرالى اقپارات بەرەتىن جانە ءاربىر تاۋار اتاۋىنىڭ شەكتى باعاسى كورسەتىلگەن ۇلتتىق دارىلىك فورمۋليار جاسالعانىن مالىمدەدى. ءسوز سوڭىندا ول 2019 جىلعا قاراي حالىقتى ەلەكتروندىق دەن­ساۋ­لىق تولقۇجاتىمەن جانە ەلەك­تروندىق گوسپيتالداۋمەن قامتا­ما­سىز ەتۋ 50 پايىزعا, بىرەگەي جەلىگە قو­سىلعان مەديتسينالىق ۇيىمدار ۇلەسى 80 پايىزعا جەتەتىنىن حابارلادى. راۋان قايدار, «ەگەمەن قازاقستان».