سولتۇستىكتەگى جىلىشىرايلى جۇزدەسۋلەر

«نۇر وتان» پارتياسىنىڭ رەسپۋبليكالىق سايلاۋالدى شتابى كەشە سولتۇستىك قازاقستان وبلىسىندا بولىپ, قۇرامىنا تانىمال ساياساتكەرلەر, قوعام قايراتكەرلەرى, كاسىپكەرلەر مەن سپورتشىلار كىرگەن ۇگىت-ناسيحات توبى بىرقاتار كەزدەسۋلەر وتكىزىپ, پارتيانىڭ سايلاۋ­الدى «قازاقستان-2021: بىرلىك. تۇراقتىلىق. جاسامپازدىق» باعدارلاماسىن جان-جاقتى تالقىلادى. دەلەگاتسيا قۇرامىندا «نۇر وتان» پارتياسى ساياسي كەڭەسى بيۋروسىنىڭ مۇشەسى ا.باشماكوۆ, «اگروفيرما رو­دينا» جشس قۇرىلتايشىسى جانە ديرەكتورى ي.ساۋەر, پارلامەنت ءماجىلىسىنىڭ V شا­قىرىلىمىنىڭ دەپۋتاتتارى س.بىچ­كوۆا مەن ب.سماعۇل بار. دەلەگاتسيا ساپارى الدىمەن «زەن­چەنكو ي ك» كومانديتتىك سەرىك­تەستى­گى­نىڭ ءسۇت وڭدەۋ زاۋىتى ۇجىمىمەن كەز­دە­سۋ­دەن باستالدى. مۇندا كاسىپورىن جۇمىس­شى­­لارى ءۇشىن بارلىق جاعداي جاسالسا, ورتا­شا جالاقى 80 مىڭ تەڭگەدەن اسادى. كەز­­دەسۋ بارىسىندا پارتيانىڭ سايلاۋالدى باعدارلاماسىندا اگرارلىق سەكتوردى دامىتۋعا كوڭىل بولىنگەندىگى ەرەك­شە اتالدى. «ءبىزدىڭ ەلىمىزدە ناعىز ەڭبەكقور ازا­مات­تاردىڭ جەتىستىككە جەتۋىنە بار­لىق ءمۇم­كىندىكتەر بار. مەملەكەتتىڭ شارۋالارعا جاساپ وتىرعان جاعدايىن مەي­لىنشە پايدالانىپ, تىنىمسىز تەر توك­سەڭ, ءوز ەڭبەگىڭنىڭ جەمىسىن كورەسىڭ. ەلى­مىزدىڭ گۇلدەنۋىنە ءوز ۇلەسىن قوسىپ جات­قان ناعىز ىسكەر ازاماتتارعا «نۇر وتان» پارتياسى دا ارقاشان قولداۋ كور­سەتۋگە دايىن», – دەدى رسش مۇشەسى اباي تاسبولاتوۆ. تاعى ءبىر ەرەكشە اتاپ وتەرلىگى, دوس­تىق ۇيىنە كەزدەسۋگە وبلىستاعى ەتنو­ما­دەني بىرلەستىكتەردىڭ 300-دەن استام وكىلى جينالىپتى. ەتنوما­دەني بىرلەستىكتەر قوعامدىق-ساياسي ءومىر­گە بەلسەندى ارالاسىپ كەلەدى. ءتىپتى, رە­سەيدىڭ كورشىلەس وبلىس­تارىمەن مادە­نيەت­ارالىق بايلا­نىس تىعىز قالىپتاسقان. اسسام­بلەيا باستا­ماسىمەن م.قوزىباەۆ اتىن­داعى سقمۋ-دە قحا كافەدراسى, كول­لەدج­دەردە «بەيبىتشىلىك جانە كەلىسىم» ورتا­لىقتارى جانە پەتروپاۆل قالا­سىنىڭ مەكتەپتەرىندە 20 ەتنوكلۋب اشىلعان. پارتيا توراعاسى نۇرسۇلتان نازار­­باەۆ­­تىڭ ەلىمىزدە ەتنوسارالىق بەيبىت­­شىلىك­تىڭ بىرەگەي ۇلگىسىن قالىپتا­س­­تىر­­­عانى, ال ەل حالقى اسسام­بلەيامەن بىرگە ءتۇرلى ەتنوستار اراسىنداعى بەي­بىت­شىلىكتى ودان ءارى دامىتۋعا ءجا­نە نى­­عاي­تۋعا كۇش سالا بەرەتىنى ەرەكشە اتال­دى. كەزدەسۋ بارىسىندا «بار­بانگ» كۇردتەر قاۋىمداستىعى» قب ءتورا­­عاسى راشيد ناديروۆ بىزدە ەشكىم ۇلتى­نا, كەرەك دەسەڭىز, ءتۇر-تۇسىنە قاراپ بولىنبەيتىندىگىن ەرەكشە ايتتى. «قوعام­دىق كەلىسىم» كمم ديرەكتورى اسەمگۇل ەس­قوجا ءوز ويىن بىلايشا جەتكىزدى: ««نۇر وتان» پارتياسى ءوزىنىڭ سايلاۋال­دى باعدارلاماسىندا بىرلىكتى ءبىرىنشى كەزەككە قويۋى وتە ورىندى. بۇل – ءبىزدىڭ باستى قۇندىلىعىمىز». اسقار تۇراپباي ۇلى, «ەگەمەن قازاقستان». سولتۇستىك قازاقستان وبلىسى.