كوممۋنيستەر قاشاندا ونەردى قولدايدى

قازاقستاننىڭ كوممۋنيستىك حالىق پارتياسىنان (قكحپ) ءماجىلىس دەپۋتاتتىعىنا كانديداتتار تىزىمىنە ەنگىزىلگەندەر كەشە الماتىداعى ءابىلحان قاستەەۆ اتىنداعى قىلقالام ونەرى شەبەرلەرىنىڭ مۋزەيىندە بولىپ, وسىنداعى قىزمەتكەرلەردىڭ الدىندا وزدەرىنىڭ ۇگىت-ناسيحات جۇمىستارىن جۇرگىزدى. قىلقالام ونەرىنىڭ قازاقستاندا قاۋ­لاپ ورىستەۋىنە سوتسياليستىك قوعامنىڭ كەڭ ءورىس اشقانىن ەسكە الا وتىرىپ, دەپۋ­تاتتىقتان ۇمىتكەرلەر قازىر ونداي قولداۋ­دىڭ جوق ەكەنىن اتاپ ءوتتى. سونىمەن قاتار, كەڭەستىك كەزەڭ سۋرەتشىلەرىنىڭ ەڭبەك داڭقىن ارتتىرۋ, كوممۋنيستىك يدەيا­­لار­دى, جارقىن بولاشاقتى قالىڭ قاۋىم­عا تاراتۋ جولىنداعى ەڭبەكتەرىن جوعا­رى باعالادى. اسىرەسە, پارتيا توراعاسى ۆلاديسلاۆ كوسارەۆ بۇل تاراپتا كەڭىنەن كوسىلىپ, قىل­­قالام ونەرى بيلىك تاراپىنان ارقا­شان دا قولداۋدى قاجەت ەتەتىنىن ايتتى. ءبۇ­گىنگى تاڭدا وسى تاراپقا بولىنگەن بيۋد­­جەت قاراجاتى ءتيىستى ناتيجەلەر بەرە ال­ماي وتىر. ەگەر ناتيجەلى بولسا, ءابىل­حان قاستەەۆ, ساحي رومان, گۇلفايرۋز يس­­­مايلوۆا جانە ت.ب. سياقتى ەلىمىز عانا ەمەس, الىس شەتەلدەرگە تانىلىپ جات­قان سۋ­­رەتشىلەر نەگە جوق, دەدى ول. سونى­مەن قاتار, ول كەڭەستىك كەزەڭ يدەولو­گيا­سى­نىڭ تاسىلدەرىمەن باتىستىق قىل­قالام ونە­رىن, ولاردىڭ ۇستانعان ەركىن­دىك, اۆان­گارد­­تىق پوزيتسيالارىن سىنا­دى. ءسوزى­نىڭ قورى­تىن­دىسىندا ول قىلقا­لام ونەرى­نىڭ قىزمەت­كەرلەرىن وزدەرىنە داۋىس بە­رۋگە شاقىردى. قكحپ الماتى قالالىق كوميتەتىنىڭ جە­تەكشىسى ماگەررام ماگەرراموۆ كوم­مۋنيستەر باتىستىڭ مادەنيەتتى, بار­لىق ونەردى پايدا تابۋ قۇرالىنا اينال­دىرىپ جىبەرگەنىنە قارسى ەكەنىن ايتتى. «باتىس مادەنيەتى بيزنەستىڭ سالاسى­نا اينالىپ كەتتى. ول ماتەريالدىق قۇن­دى­­لىقتى عانا جوعارى قوياتىن بولدى. ال ءبىز قو­عام­دى ءوزىمىزدىڭ باي مادەنيە­تىمىز­­بەن تاربيە­لەۋىمىز كەرەك», – دەدى م.ماگەر­راموۆ. قكحپ اتىنان پارلامەنت ءماجىلىسى دەپۋتاتتىعىنان تاعى ءبىر ۇمىتكەر, بەسىن­شى سايلانىمنىڭ دەپۋتاتى يرينا سمير­نوۆا دا ءوزىنىڭ سوزىندە باتىس مادەنيەتىنە ءبىرشاما سىندار ايتىپ, «بۇل فاكتورلار تۇلعانىڭ رۋحاني دامۋىنا كەرى اسەرىن تيگىزىپ وتىرعانىن» اتاپ كورسەتتى. كەزدەسۋ بارىسىندا كوممۋنيستەر مۋزەيدەگى كەڭەس اۆانگارديزمى سۋرەت­شى­لەرى­نىڭ ەكسپوزيتسياسىن دا تاماشالادى. ولارعا ك.يۋون, پ.كونچالوۆسكي, پ.كو­رين, ا.پلاستوۆ جانە ت.ب. كەڭەستىك كەزەڭ سۋرەت­شىلەرىنىڭ تۋىندىلارى ءبىرشاما جاقسى اسەر ەتتى. سالتانات سوڭىندا كوممۋنيس­تەر مۋزەي اكىمشىلىگىنە العىستارىن ءبىل­دىرىپ, مۇراجايدىڭ تۇلعا قالىپ­تاس­تىرۋدا جانە رۋحاني قۇندىلىق­تاردى سىڭىرۋدە الاتىن ورنىن ەرەكشە اتاپ ءوتتى. جاقسىباي سامرات, «ەگەمەن قازاقستان». الماتى.