تاسقىنعا توسقىن قويۋ قاجەت

كەشە ۇكىمەت ۇيىندە پرە­مەر-ءمينيستردىڭ ءبى­رىنشى ورىنباسارى با­قىت­جان ساعىنتاەۆ ورتا­لىق جانە جەرگىلىكتى اتقا­رۋ ورگاندارىنىڭ 2016 جىل­دىڭ سۋ تاسقىنى كەزەڭىنە دايىندىعى ماسەلەلەرى بويىنشا سەلەكتورلىق كەڭەس وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى. قازىرگى ۋاقىتتا رەس­پۋب­ليكانىڭ سۋ قويمالارىندا كۇزگى سۋ تاسقىنىن وتكىزۋ ءۇشىن سىيىمدىلىق ءمۇم­كىن­دىكتەرى بار. سۋ تاسقىنىنىڭ الدىن الۋ جانە جويۋ ءۇشىن ججم, ينەرت­­تى ماتە­ريالدار قورى دايىن­­دال­دى, ەلدى مەكەندەردە قار شى­­عارۋ جۇمىس­تارى جۇرگى­زىلۋدە. تاسقىن سۋلاردى گيدروتەح­ني­كالىق عيماراتتاردان اپات­سىز وتكىزۋ, وزەندەر باسسەين­دەرى ۋچاس­كەلەرىندە الدىن الۋ ءىس-شارالارىن جۇرگىزۋ ماقسا­تىن­دا تاسقىنعا قارسى تيەسىلى كوميسسيا قۇرىلدى. قاراعاندى, اقمولا جانە باسقا دا وبلىستار سۋ تاسقى­نى­نان زارداپ شەككەن 2015 جىلعى ناۋرىز-ءساۋىر وقيعالارىنىڭ قايتالانۋىنا جول بەرمەۋ ءۇشىن بارلىق قاجەتتى شارالار­دى قابىلداۋ قاجەت, دەپ اتاپ ءوتتى باقىتجان ساعىنتاەۆ. وسىعان بايلانىستى پرە­مەر-ءمينيستردىڭ ءبىرىنشى ورىن­باسارى ءوڭىر اكىمدىكتەرىنە ورتا­لىق مەملەكەتتىك ورگان­دار­مەن بىرلەسىپ تاسقىن جاع­دايىنا كۇن سايىنعى مونيتو­رينگ پەن باقىلاۋ جۇرگى­زۋدى, ارنايى جانە ينجە­نەر­لىك تەحنيكانى تاسقىن قاۋپى بار جەرلەر­گە جاقىن شوعىر­لان­دىرۋدى, كوپىر­لەردى, ارىق-كانال جۇيە­لەرىن, وزەن ار­نالارىن, گيدروتەح­ني­كا­لىق عيماراتتار مەن قورعا­نىس بوگەت­تەرىن قار سۋى مەن تاس­قىن سۋلاردىڭ ۇلكەن كولە­مىن وتكىزۋگە دايىنداۋدى, حالىقپەن ەلدى مەكەندەردى سۋ باسىپ قالۋ قاۋپى تونگەن جاعداي­دا مىنەز-ق ۇلىق ەرەجەسى بويىن­شا تۇسىنىك جۇمىستارىن ءجۇر­گىزۋ ءىسىن ۇيىمداستىرۋدى تاپسىردى.